February 2021
25 February 2021
Բիլ Գեյթսը չի հավատում բիթքոինին
- Article Details
- Published on Thursday, 25 February 2021 14:33
- Written by
Բիլ Գեյթսը մանրածախ ներդրողներին խորհուրդ է տվել զգույշ լինել բիթքոինում ներդրումներ կատարելիս՝ չէ որ նրանք շատ ազատ փող չունեն, ի տարբերություն, օրինակ, Tesla-ի գլխավոր տնօրեն Իլոն Մասկի: -Իլոնը շատ փող ունի եւ շատ առաջադեմ է, ուստի ես չեմ անհանգստանում, որ նրա բիթքոինները քաոտիկ կերպով կբարձրանան եւ կիջնեն: Բայց կարծում եմ, որ նման մոլուցքների կտրվեն մարդիկ, ովքեր նույնքան գումար չունեն պահած: Կարծում եմ, որ եթե ավելի քիչ գումար ունեք, քան Իլոնը, ապա հավանաբար պետք է զգույշ լինել,- ասել է Գեյթսը: Microsoft-ի համահիմնադիրը հավելել է, որ այնքան էլ չի հավատում բիթքոինին: Նրա խոսքով՝ սովորաբար ներդրումներն ուղղվում են մի բանի, ինչը հասարակությանը որեւէ օգտակար բան է տալիս: Բիթքոինը հսկայական քանակությամբ էներգիա է օգտագործում (ինչը վնասակար է էկոլոգիայի համար), իսկ դրանց հետ կապված գործառնություններն անշրջելի են, ասել է Գեյթսը։ Միեւնույն ժամանակ, ընդհանուր առմամբ, նա թվային արժույթները համարում է լավ տեխնոլոգիա:
Սարսափելի վթար Երեւանում
- Article Details
- Published on Thursday, 25 February 2021 14:27
- Written by
Կեսգիշերին խոշոր ավտովթար է տեղի ունեցել Երեւանում: Ժամը 00։10-ի սահմաններում Երեւանի բնակիչ 27-ամյա Մարտին Դանիելյանը Mercedes մակնիշի ավտոմեքենայով Արշակունյաց պողոտայում՝ Կինո Հայրենիքի դիմաց բախվել է ստորգետնյա բետոնե պատնեշներին, կոտրել դրանք եւ առաջ ընթանալով, բախվել Կինո Հայրենիքի տուֆե հսկայական սյուներից մեկին: Մինչ բժիշկների ժամանումը, Կինո Հայրենիքի աշխատակիցները վարորդին դուրս են բերել ավտոմեքենայից եւ առաջին բուժօգնութունն են ցուցաբերել, որից հետո բժիշկները նրան արդեն տեղափոխել են էրեբունի բժշկական կենտրոն: Վարորդը, սակայն, ճանապարհին արդեն մահացել է։ Ճանապարհային ոստիկանությունը հետաքննում է վթարի հանգամանքները, պատճառներն առայժմ հայտնի չէն։ 
Read more
Փաշինյանը հանրահավաք է արել Երեւանում
- Article Details
- Published on Thursday, 25 February 2021 14:21
- Written by
Վարչապետ Նիկոլ Փաշինյանն այսօր իր կողմնակիցներին հրավիրել էր Հանրապետութան հրապարակ՝ հանրահավաքի։ Վարչապետն իր խոսքում նշեց, որ շարունակում է ուժի մեջ մնալ իր այն հայտարարությունը, որ կա՛մ Զինված ուժերի Գլխավոր շտաբի պետ Օնիկ Գասպարյանը հրաժարական պետք է ներկայացնի, կամ նախագահ Արմեն Սարգսյանը պետք է ստորագրի Նիկոլ Փաշինյանի որոշումը Օնիկ Գասպարյանին աշխատանքից ազատելու վերաբերյալ. -Մեր զինված ուժերին ոմանք փորձել են ներքաշել հակաժողովրդական, հակասահմանադրական պրոցեսի մեջ, եւ այսօր ես հստակ գնահատել եմ, որ Գլխավոր շտաբի կողմից նախաձեռնված հայտարարությունը ռազմական հեղաշրջման փորձ է, եւ ժողովուրդը թույլ չի տա ռազմական հեղաշրջում Հայաստանի Հանրապետությունում: Եթե հանրապետության նախագահն այդ միջնորդությունը չի ստորագրում, այսինքն` ի՞նչ, միանո՞ւմ է պետական հեղաշրջմանը: Շատ պարզ ընտրություն է` կամ Օնիկ Գասպարյանն ուղղակի թող ինքը դիմում գրի, հրաժարական տա, գնա, էս ժողովրդին պետք չի անընդհատ ցնցումների ենթարկել, Օնի՛կ ջան, պետք չի: Նիկոլ Փաշինյանը որպես իրավիճակի հանգուցալուծում նշեց, որ մեկ տարբերակ կա` ժողովուրդը պետք է որոշի` ինքը պետք է հեռանա, թե ոչ, դրա հնարավորությունն ընտրությունների միջոցով է, իսկ թե դա կլինի հերթական, թե արտահերթ ընտրություններ, դարձյալ պետք է որոշի ժողովուրդը, սակայն, ըստ էության, նա քաղաքացիների արձագանքից եզրահանգեց, որ հանրությունն ավելի շատ հակված չէ արտահերթ ընտրությունների, սակայն քաղաքական կոնսուլտացիաների միջոցով նաեւ այս մասին որոշում կկայացնի: -Ով վեր է կենում` հրաժարական է պահանջում, նորմալ է, թող պահանջեն, բայց ինձ ժողովուրդն է ընտրել, թող ժողովուրդն իմ հրաժարականը պահանջի, ես գնամ իմ գործերին, թող ժողովուրդն ինձ դատապարտի, թող ժողովուրդը հրապարակում ինձ գնդակահարի, - հայտարարեց վարչապետը` հավելելով, որ բախումների, քաղաքացիական պատերազմի եւ այլ վտանգների մասին խոսակցություններն անհիմն են, քանի որ երկու հրապարակում հավաքված քաղաքացիներն էլ, ինչպես նշեց, մեր ժողովուրդն է: -Երկիրը բռնության, ապօրինության, սադրանքների, քաղաքացիական պատերազմի մեջ ներքաշելու բոլոր փորձերը պետք է խստորեն կասեցվեն Ազգային անվտանգության ծառայության եւ Ոստիկանության եւ ժողովրդի կողմից, - նշեց նա: Իսկ քաղաքական տեքստերից սահմանն անցնող քաղաքական ուժերը կձերբակալվեն, ասաց Նիկոլ Փաշինյանը, ով գտնում է, որ իրենց իշխանության ամենամեծ սխալներից մեկը հենց թավիշն էր եւ այդ թավիշին վերջ է դրվելու։ Հրապարակում հավաքված բազմությունը ի պատասխան վանկարկեց՝ Վերջ թավիշին։ Հանրահավաքից հետո երթ եղավ դեպի Շենգավիթ, ինչից հետո իշխանությունները գնացին քննարկելու անելիքները։ 
Գեներալներն ու գնդապետները պահանջել են Փաշինյանի հրաժարականը
- Article Details
- Published on Thursday, 25 February 2021 14:16
- Written by
Հայաստանի Զինված ուժերը պահանջում են վարչապետի եւ Կառավարության հրաժարականը։ Օնիկ Գասպարյանը, նրա տեղակալները, բոլորն վարչության պետերն ու կորպուսների հրամանատարները հայտարարություն են տարածել, թե գեներալ Տիրան Խաչատրյանի ազատումը հակապետական եւ անպատասխանատու քայլ է: -Վարչապետը եւ կառավարությունն այլեւս ի վիճակի չեն ընդունելու ադեկվատ որոշումներ՝ հայ ժողովրդի համար այս ճգնաժամային եւ ճակատագրական իրավիճակում: Հայաստանի զինված ուժերը երկար ժամանակ համբերատար կերպով հանդուրժում էր գործող իշխանության կողմից զինված ուժերը վարկաբեկելուն ուղղված գրոհները, սակայն ամեն ինչ ունի իր սահմանները - ասված է հայտարարությունում։ Ստեղծված իրավիճակով պայմանավորված՝ Զինված ուժերը պահանջում են վարչապետի եւ կառավարության հրաժարականը, միաժամանակ նախազգուշացնում՝ ձեռնպահ մնալ ժողովրդի դեմ ուժ կիրառելուց, ում զավակները զոհվել են՝ պաշտպանելով Հայրենիքն ու Արցախը: Փաշինյանը շտաբի հայտարարությունը ռազմական հեղաշրջման փորձ է համարել։ -Մեր բոլոր կողմնակիցներին հենց հիմա հրավիրում եմ Հանրապետության Հրապարակ, - գրել է վարչապետը։ 
16 February 2021
Լոս Անջելեսում ավանդաբար անցկացվող ավտոշոուն հետաձգվել է
- Article Details
- Published on Tuesday, 16 February 2021 00:19
- Written by
Լոս Անջելեսում ավանդաբար անցկացվող ավտոշոուն հետաձգվել է մինչեւ աշուն: Այն ամեն տարի անցկացվում էր նոյեմբերին։ Ավտոշոուն պետք է կայանար այս տարի մայիսի 21-31-ին, սակայն սոցցանցերում ավտոսրահի պաշտոնական օգտահաշիվներում նոր ամսաթիվ է հրապարակվել. LA Auto Show-2021-ը տեղի կունենա 2021 թվականի նոյեմբերի 19-28-ին: Հերթական հետաձգման պատճառը չի նշվում, սակայն կարելի է ենթադրել, որ կազմակերպիչների մտավախությունները կապ ունեն կորոնավիրուսի տարածման սպառնալիքի հետ:
Ամերիկան կոչ է անում օգնել աղքատ երկրներին
- Article Details
- Published on Tuesday, 16 February 2021 00:16
- Written by
Ամերիկայի ֆինանսների նախարար Ջանեթ Յելենը կոչ է արել G7-ի անդամներին աշխատել աղքատ երկրներին օգնություն ցուցաբերելու ուղղությամբ համավարակի կապակցությամբ։ - Նախարար Յելենը հայտարարել է, որ G7-ի երկրները միջազգային ֆինանսական ինստիտուտների հետ համագործակցության միջոցով պետք է աշխատեն խնդիրները լուծելու ուղղությամբ, որոնք ծառացել են ցածր եկամտով երկրների առջեւ, որոնք դժվարությամբ են հաղթահարում համավարակը,-հայտնել են ֆինանսների նախարարության մամուլի ծառայությունից: Համաձայն ֆինանսների նախարարոթւյան տեղեկատվության՝ Յելենն ընդգծել է հավելյալ ֆինանսական օգնության կարեւորությունը համավարակի ֆոնին տնտեսությունն ակտիվորեն վերականգնելու համար, ինչպես նաեւ նոր վարչակազմի հակվածությունը համաշխարհային խնդիրները լուծելու հարցում բազմաշերտ մոտեցման մեջ, այդ թվում՝ կլիմայի փոփոխության խնդիրները: Նա սատարել է G7-ի ջանքերը կլիմայի փոփոխության խնդիրները լուծելու գործում եւ հավաստիացրել, որ ֆինանսների նախարարությունը կաշխատի նաեւ այդ ուղղությամբ: Յելենն ընդգծել է Ամերիկայի ցանկությունն ամրապնդել դաշնակցային հարաբերություններն ու ակտիվացնել միջազգային գործունեությունը:
Երկրաշարժերի շարք Հայաստանում
- Article Details
- Published on Tuesday, 16 February 2021 00:11
- Written by
Այսօր երեկոյան, ժամը 6:21-ին Երեւան քաղաքից 17 կմ հարավ գրանցվել է 2.3 մագնիտուդով երկրաշարժ: Վերջին տարիների ամենաուժեղ երկրաշարժը Հայաստանում գրանցվել է շաբաթ ցերեկը։ Սեյսմիկ պաշտպանության տարածքային ծառայության տվյալով՝ Երեւանից 8 կմ հարավ-արեւելք, օջախի 10 կմ խորությամբ, 4.7 մագնիտուդով երկրաշարժը գրանցվել է տեղական ժամանակով 3-ն անց 29-ին։ էպիկենտրոնային գոտում ստորգետնյա ցնցման ուժգնությունը կազմել է 6-7 բալ: Ստորգետնյա ցնցումները զգացվել են երկրի ամբողջ տարածքում։ Հաջորդող ժամերին գրանցվել է 46 հետցնցում։ 3 բալանոց երկրաշարժ էլ գրանցվել է կիրակի օրը։ Read more
Ջո Բայդենի վարչակազմը կսկսի ներգաղթյալների ընդունել
- Article Details
- Published on Tuesday, 16 February 2021 00:08
- Written by
Ջո Բայդենի վարչակազմը կսկսի ներգաղթյալների ընդունել, որոնց նախկին նախագահ Դոնալդ Թրամփը ստիպել է սպասել Մեքսիկայում, գրում է Politico-ն: Նոր վարչակազմը փորձում է վերակառուցել միգրացիոն համակարգը: Ծրագրի առաջին փուլը կսկսվի հաջորդ շաբաթից: Դա Թրամփի իմիգրացիոն ժառանգության չեղարկման հարցով Բայդենի վարչակազմի աշխատանքի մի մասն է: Այժմ իրենց գործերի վերանայման են սպասում մոտ 25 հազար ներգաղթյալներ, սակայն նոր ծրագիրը նպատակ ունի առաջին հերթին օգնել բնակչության խոցելի շերտերին եւ նրանց, ովքեր ավելի երկար են՝ հայտնել են վարչակազմի ներկայացուցիչները: Բայդենի վարչակազմը մտադիր է այդ հարցով աշխատել Մեքսիկայի կառավարության, միջազգային եւ ոչ կառավարական կազմակերպությունների հետ: Read more
15 February 2021
Սերժ Սարգսյանը հարցազրույց է տվել
- Article Details
- Published on Monday, 15 February 2021 23:59
- Written by
Սերժ Սարգսյանը հեղափոխությունից հետո հարցազրույց է տվել եւ մի քանի հարցերի պատասխանել։ Նա նշել է, թե 2018-ին մի իրավիճակ ստեղծվեց, որ նախընտրել է անցնցում հեռանալ, քան փորձել բազմաթիվ լուծումներից մեկն առաջարկել հանրությանը։ Ես երբեք չեմ համաձայնում այն մտքին, որ ես նրանց հանձնել եմ իշխանությունը։ -Ես իշխանությունը հանձնել եմ Կարեն Կարապետյանին։ Ինձ կանգնեցրել էին ցուգցվանգի առջեւ․ կա՛մ պետք է ուժ կիրառել, իսկ ինչպես հիշում եք, փողոցում բազմաթիվ երեխաներ ու կանայք էին, կա՛մ պետք է որոշում ընդունեի անցնցում հեռանալ՝ երկրին տալով հնարավորություն ժամանակի ընթացքում այդ հարցը կարգավորելու,- ասել է նա, իսկ հարցին՝ թե խոսում են, որ Փաշինյանն իր նախագիծն է, նա պատասխանել է, որ ման խզբզբոց չէր անի իր համար։ Սարգսյանը նաեւ հայտարարել է՝ իբր փոխզիջումների կողմնակից է եղել միշտ, մինչդեռ նրա օրոք գործուն որեւէ քայլ չի կատարվել փոխզիջումների ուղղությամբ։ Read more
15 February 2021
Հրդեհ Սաութ լոս Անջելեսում
- Article Details
- Published on Monday, 15 February 2021 23:56
- Written by
Սաութ Լոս Անջելեսում այսօր վատ առավոտյան հրդեհ է բռնկվել Vermont Knolls-ի մերձակայքում գտնվող բնակելի համալիրում։ Ահազանգը ստացվել է 5:30-ի սահմաններում, 1000 block of West 85th Street հասցեից։ Լոս Անջելեսի հրշեջ ծառայության փոխանցմամբ, բոցը դուրս էր գալիս շենքի տանիքից։ Բնակելի համալիրում հրդեհվել է մեկ բնակարան, մյուս բնակարանները անվտանգ են եղել։ Միջադեպի հետեւանքով ոչ ոք չի տուժել, ընթանումէ քննություն՝ պարզելու կրակի առաջացման հանգամանքները։ Read more
Powerd by Bloogie