June 2012

13 June 2012

Օսկանյանի դեմ փողերի լվացման մեղադրանք կառաջադրվի

Article Details: Published on Wednesday, 13 June 2012 04:57; Written by

Oskan 1 Հայաստանի Ազգային անվտանգության ծառայությունը հաղորդագրություն է տարածել, որում նշել է, թե քրեական գործ է հարուցվել փողերի ապօրինի լվացման փաստով: Այդ գործով առայժմ որպես վկա հարցաքննվել է նախկին արտգործնախարար, այժմ Բարգավաճ Հայաստան կուսակցության անդամ Վարդան Օսկանյանը: Ըստ ԱԱԾ-ի, Հանթսմըն Բըլդինգ Փրադաքթս ընկերության 100 տոկոս բաժնեմասը շուրջ 2 միլիոն դոլարով փաստացի վաճառվել է, սակայն գործարքը ոչ ճիշտ է ձեւակերպվել, նաեւ բարեգործության համար նախատեսված 1,3 մլն դոլարը փոխանցվել է Վարդան Օսկանյանի հիմնադրած Սիվիլիթաս հիմնադրամի հաշվին եւ օգտագործվել անձնական նպատակներով: Արդյունքում 2 միլիոն դոլարի մասին հաշվետվություն չի ներկայացվել: Շրջանառվող լուրերի համաձայն Օսկանյանի դեմ քրեական գործ կարող է հարուցվել, իսկ տվյալ հոդվածով 6-ից 12 տարի ազատազրկում է հասնում: Վարդան Օսկանյանը պնդում է, որ իր դեմ քաղաքական հետապնդում է իրականացվում: Read more

Աշխարհի ամենաթանկ քաղաքը ըստ զբոսաշրջիկների

Article Details: Published on Wednesday, 13 June 2012 04:41; Written by

12 162 The Guardian-ի փոխանցմամբ, Mercer Human Resource խորհրդատվական խմբի անցկացրած հարցումների արդյունքում պարզվել է, որ զբոսաշրջիկների համար աշխարհի ամենաթանկ քաղաք է ճանաչվել Ճապոնիայի մայրաքաղաք Տոկիոն, որն այս հարցում առաջ է անցնել Անգոլայի մայրաքաղաք Լուանդայից։ Երրորդ հորիզոնականը զբաղեցրել է Ճապոնիայի Օսակա քաղաքը։ Մոսկվան զբաղեցրել է չորրորդ հորիզոնականը, իսկ հնգյակը եզրափակել է Ժնեւը։ Ըստ փորձագետների, եվրոպական մի շարք քաղաքաներ իրենց դիրքերն այս կարգում զիջել են ֆինանսատնտեսական գլոբալ ճգնաժամի հետեւանքով:

Article Details: Published on Wednesday, 13 June 2012 04:36; Written by

12 16 1 The Washington Post-ը հայտնում է, որ Հիվանդությունների վերահսկողության եւ կանխարգելման կենտրոնի կողմից հրապարակված տվյալների համաձայն` ԱՄՆ դեռահասների մոտավորապես 16 տոկոսը ընդունել է, որ անցած տարվա ընթացքում մտածել է ինքնասպանություն գործել: Youth Risk Behavior Surveillance-ի զեկույցի տվյալների համաձայն` հարցումներին մասնակցել է ԱՄՆ 15 հազար ուսանող: Զեկույցի համաձայն, Չիկագոյի դեռահասները ամենաճնշվածն են ԱՄՆ-ում: Read more

Ամերիկյան ընտանիքների բյուջեն նվազել է

Article Details: Published on Wednesday, 13 June 2012 04:28; Written by

12 14 2007-ից 2009 թվականների ֆինանսական ճգնաժամի հետեւանքով այնքան է նվազել ամերիկյան ընտանիքի բյուջեն, որ 2010 թվականին դրա միջին բյուջեն հասել է 1992 թվականի բյուջեի մակարդակին: Դաշնային պահուստային բանկի տվյալներով, ամերիկյան ընտանիքի միջին կապիտալը 2007 թվականին կազմել է 126 հազար 400 դոլար, իսկ 2010 թվականին այն նվազել է` հասնելով 77 հազար 300 դոլարի: Ամերիկյան ընտանիքի միջին եկամուտը 2010 թվականին 7.7 տոկոսով նվազել է 2007 թվականի համեմատությամբ` 49 հազար 600 դոլարից դառնալով 45 հազար 800 դոլար: Տեղեկությունը պարզվել է ընտանեկան ֆինանսների վերաբերյալ հարցումների միջոցով: Ճգնաժամը սկսվել է 2007 թվականի դեկտեմբերին եւ ավարտվել 2009 թվականի հունիսին: Read more

ԱՄՆ-ում հանցավորության տոկոսը նվազել է

Article Details: Published on Wednesday, 13 June 2012 04:12; Written by

12 3 Հետաքննությունների դաշնային բյուրոն հրապարակել է ԱՄՆ-ում հանցավորության մակարդակի 2011 թվականի զեկույցը, ըստ որի հանցավորության մակարդակը ընդհանուր առմամբ ողջ երկրի տարածքով զգալիոեն նվազել է 2010թ. համեմատությամբ: Ըստ այդ տվյալների, սպանությունների մակարդակը ողջ երկրի տարածքում նվազել է 1.9 տոկոսով, իսկ գողություններն ու ավազակային հարձակումները` 4 տոկոսով: Ունեցվածքի դեմ հանցագործությունները նվազել են 0.8 տոկոսով: Ըստ զեկույցի զգալիորեն նվազել են նաեւ հանցագործությունները Բրբենքում եւ Գլենդելում: Արդեն ութ տարի շարունակ Միացյալ նահանգների ամենաապահով քաղաք է ճանաչվել Կալիֆորնիայի Ըրվայն քաղաքը, որտեղ 100 հազար բնակչի հաշվով ամենաքիչ հանցագործություններն են տեղի ունենում: Ըրվայնի քաղաքապետը հայտարարել է, թե այս լուրը պետք է նշել ողջ քաղաքով: Read more

Քաղաքական ուժերը կարող են հանգանակություններ կատարել հեռախոսով

Article Details: Published on Wednesday, 13 June 2012 03:59; Written by

12 1 ԱՄՆ դաշնային ընտրական հանձնաժողովը թույլատրել է քարոզարշավների համար հանգանակություններ կատարել բջջային հեռախոսներից եւ այլ նման սարքերից տեքստային հաղորդագրություններ ուղարկելու ճանապարհով: Politico-ի փոխանցմամբ, հանձնաժողովը որոշումը կայացրել է միաձայն: Այն ուժի մեջ է մտնում անհապաղ, սակայն նման հանգանակությունների համար տեխնիկական հնարավորությունների ապահովման համար դեռ որոշակի ժամանակ կպահանջվի: Հանգանակությունների գումարը սահմանափակվում է 50 դոլարով: Դա առավելագույն գումարն է, որ ԱՄՆ-ում կարելի է անանուն հանգանակել ընտրարշավի համար: Նման համակարգ այս պահին օգտագործում են բարեգործական կազմակերպությունները: Նշված համարին որոշակի հաղորդագրություն ուղարկելու դեպքում գանձնվում է սահմանված գումարը: Նման հանգանակությունների նկատմամբ հետաքրքրություն են ցուցաբերել նախագահ Բարաք Օբամայի եւ նրա մրցակից Միթ Ռամնիի շտաբերը: Read more

12 June 2012

Կալիֆոռնիայում կարգելվի ֆուա-գրան

Article Details: Published on Tuesday, 12 June 2012 04:22; Written by

16 222 The Los Angeles Times-ի փոխանցմամբ, Կալիֆոռնիան կդառնա ԱՄՆ-ի առաջին նահանգը, որտեղ պաշտոնապես կարգելվի ֆուա-գրան: Արգելքի պատճառը կենդանիների պաշտպանների հայտարարությունն է, ովքեր պնդում են, որ այդ ուտեստի պատրաստման ժամանակ թռչունները ենթարկվում են տանջանքների: Ռեստորաններում իսկական խենթություն է տիրում, քանի որ արգելքին մնացել է ընդամենը մեկ ամիս: Մեծացրած բադի լյարդից պատրաստված աղանդերները պատվիրվում են հսկայական քանակություններով` չնայած դրանց գներն աճել են երկու անգամ: Այժմ Կալիֆոռնիայում բադի լյարդից պատրաստված պաշտետի 450 գրամն արժե մոտ 60 դոլար: Նույնիսկ այն հաստատությունները, որոնցում երբեք չի եղել ֆուա-գրա, այժմ առաջարկում են հիմնական ճաշատեսակներ, աղցաններ եւ նույնիսկ քաղցր կերակուրներ պատրաստված այս աղանդերով։ Read more

Բաֆեթի հետ ճաշելու իրավունքը ռեկորդ է սահմանել

Article Details: Published on Tuesday, 12 June 2012 04:09; Written by

15 15 Միլիարդատեր Ուորըն Բաֆեթի հետ ճաշի գինն աճել է մինչեւ 3.5 մլն դոլար, ինչը բացարձակ ռեկորդ է 12 տարվա բարեգործական ակցիայի պատմության մեջ: Associated Press-ի փոխանցմամբ, Բաֆեթի հետ ճաշելու իրավունքը գնելու աճուրդին մասնակցել է 10 մարդ: Հաղթողը ցանկացել է չհրապարակել իր անունը: Գումարը կտնօրինի Սան Ֆրանցիսկոյի Glide Foundation հիմնադրամը, որն օգնում է անօթեւաններին: Գումարը զգալի օգնություն կլինի հիմնադրամին, որի ամենամյա բյուջեն կազմում է 17 մլն դոլար: Բաֆեթը նմանատիպ ակցիաներ է կազմակերպում ամեն տարի` սկսած 2000-ից: Ընդհանուր առմամբ` Բաֆեթի հետ ճաշը Glide Foundation-ին բերել է արդեն 11.5 մլն դոլար: Մեծ մասամբ, հաղթողները գերադասում են չհրապարակել իրենց անունները: Վերջին մի քանի տարում միլիարդատեր ներդրողի հետ ճաշի արժեքը կայուն բարձրանում է: Այսպես, 2000 թ. Բաֆեթի հետ ճաշի իրավունքը վաճառվել էր ընդամենը 25 հազար դոլարով: 2012 թ. միլիարդատերը կդառնա 82 տարեկան: Read more

Standard & Poor's-ը սպառնացել է իջեցնել ԱՄՆ-ի վարկանիշը

Article Details: Published on Tuesday, 12 June 2012 04:07; Written by

14 14 Standard & Poor's միջազգային վարկանիշային գործակալությունը կարող է մինչեւ 2014թ. իջեցնել ԱՄՆ վարկային վարկանիշը: Այս մասին ասվում է գործակալության մամուլի հաղորդագրության մեջ: Bloomberg-ի փոխանցմամբ, S&P-ն հաստատել է ԱՄՆ երկարաժամկետ վարկային վարկանիշը АА+ մակարդակի վրա, սակայն գործակալությունը որոշել է իջեցնել այն: Մինչեւ անցյալ տարվա օգոստոս ԱՄՆ-ը ուներ ամենաբարձր AAA վարկանիշ, սակայն գործակալությունն այն իջեցրեց, ինչը խուճապ առաջացրեց համաշխարհային շուկայում: Դա պատմության մեջ ԱՄՆ վարկանիշի առաջին իջեցումն էր: ԱՄՆ վարկանիշի կանխատեսումը բացասական էր, ինչը նշանակում էր, որ առաջիկա 1-1.5 տարում հնարավոր է վարկանիշի նոր իջեցում: Հիշեցնենք, որ ավելի վաղ հաղորդվում էր, որ Fitch Ratings միջազգային վարկանիշային գործակալությունը սպառնացել է հաջորդ տարի իջեցնել ԱՄՆ սուվերեն վարկային վարկանիշը, եթե Վաշինգտոնը չկարողանա կրճատել բյուջետային դեֆիցիտը: Read more

Ահաբեկչություն Պակիստանում

Article Details: Published on Tuesday, 12 June 2012 04:05; Written by

13 13 Առնվազն վեց մարդ է զոհվել հունիսի 11-ին Պակիստանի հարավարեւմտյան շրջանում ուղեւորատար ավտոբուսի մոտ տեղի ունեցած պայթյունի հետեւանքով, տուժել Է մի քանի տասնյակ մարդ: Այդ մասին, հաղորդել էԷ Պակիստանի GEO-TV մասնավոր հեռուստաալիքը, որը հաղորդումներ է տալիս ուրդու լեզվով: Ավելի վաղ հաղորդվել էր 50 վիրավորների մասին, բայց իշխանություններն առայժմ ճշգրիտ տվյալներ չեն ներկայացնում: Ավտոբուսը Մաստանգից ուղեւորվում էր Բելուջիստանի նահանգի Նոշկի քաղաք: Ներկայում ոստիկանությունը փորձում է պարզել՝ պայթուցիկ սարքը դրված էր ավտոբուսի մեջ, թե տեղակայված է եղել ճամփեզրին: Տեղական լրատվամիջոցների համաձայն՝ ռումբն ամրացված է եղել մոտոցիկլետին եւ գործի է դրվել հեռակառավարման վահանակի միջոցով: Read more