09 July 2013

Նդրանգետայի պարագլխին ձերբակալել են

Article Details: Published on Tuesday, 09 July 2013 01:40; Written by

onz 7 Կոլումբիայի ոստիկանությունը հայտնել է իտալական Նդրանգետա կազմակերպված հանցախմբի առաջնորդ Ռոբերտ Պանունցիի ձերբակալման մասին: Նրան մեղադրում են կոկաինի տրանսատլանտյան մատակարարումներ կազմակերպելու մեջ: Պանունցիին կոլումբիացի հայտնի թմրաբարոնի պատվին անվանում են իտալացի Պաբլո Էսկոբար, նրան ձերբակալել են նախօրեին` Բոգոտայի առեւտրի կենտրոնում: Տեղի իրավապահ մարմիններին աջակցել է Թմրանյութերի դեմ պայքարի ամերիկյան վարչությունը: Ձերբակալվածի մոտ կոլումբիական կեղծ փաստաթղթեր են հայտնաբերել` Սիլվանո Մարտինոյի անունով: Նդրանգետայի առաջնորդը հետախուզվում էր 2010թ.-ից` Հռոմի մասնավոր հիվանդանոցից փախչելուց հետո, որտեղ նրան ուղարկել էին բանտից` սիրտը բուժելու համար: Ենթադրվում է, որ նրա ղեկավարությամբ հանցագործները մինչեւ երկու տոննա կոկաինի ամենամսյա մատակարարումներ են կազմակերպել Եվրոպա: Կոլումբիական իշխանությունները Պանունցիին առաջին անգամ ձերբակալել էին 1994թ., այն ժամանակ նրան Իտալիա էին արտաքսել, սակայն վերջինս կարողացել էր փախչել: 1999թ. նրա նկատմամբ կրկին հետախուզում էին հայտարարել եւ հինգ տարի անց ձերբակալել էին Իսպանիայում: Read more

Գործազրկությունը մնացել է նույն մակարդակի վրա

Article Details: Published on Tuesday, 09 July 2013 01:36; Written by

berna 6 Միացյալ նահանգներում հունիսին ստեղծվել է 195 հազար նոր աշխատատեղեր, նման տվյալներ ներկայացրել է ԱՄՆ աշխատանքի նախարարությունը: Այս թվերն առնվազն 30 հազարով գերազանցում են կանխատեսումները եւ հինգ ամսվա ընթացքում առավելագույն թռիչքն են: Ավելին, նախորդ ամսվա թվերը կառավարությունը դեպի աճ է վերանայել: Աճի լոկոմոտիվը մասնավոր հատվածն է, ամերիկյան ընկերությունները գործի են ընդունել 202 հազար մարդու, մինչեւ կառավարությունը, ընդհակառակը, 7 հազար մարդու ազատել է աշխատանքից: Գործազրկությունը մնացել է մայիսի մակարդակին` աշխատունակ բնակչության 7,6 տոկոսը: Անցած տարվա հունիս համեմատ առաջընթացն ակնհայտ է, այն ժամանակ այդ ցուցանիշը կազմել է 8,2 տոկոս: բայց մինչ 6,5 տոկոսին, որ ԱՄՆ Դաշնային պահուստային համակարգը նորմալ է համարում աշխարհի ամնենախոշոր տնտեսության համար, դեռ շատ հեռու է: Համարվում է, որ աշխատաշուկան տնտեսական փոփոխություններին արձագանքում է կես տարի ուշացումով: Այնպես որ հունիսիյան հաշվետվությունը կարող է լուրջ փաստարկ դառնալ համակարգի ձեռքում` դրամական քաղաքականությունը խստացնելու եւ տնտեսական աջակցման նոր ծրագրի համար: Գերատեսչության ղեկավար Բեն Բեռնանկին արդեն բազմանշանակ ակնարկներ է արել այդ մասին: Read more

Ալյասկայում ինքնաթիռ է կործանվել

Article Details: Published on Tuesday, 09 July 2013 01:32; Written by

aly 8 Ալյասկա նահանգում երկուշաբթի օրը փոքր ինքնաթիռ է վթարի ենթարկվել: Այս մասին հաղորդել են ԱՄՆ տրանսպորտային անվտանգության ազգային խորհրդից, նշելով, թե De Havilland Canada DHC-3 Otter մակնիշի մասնավոր ինքնաթիռում գտնվող ուղեւորները, ընդհանուր առմամբ 10 մարդ, զոհվել են: Նահանգի ոստիկանության ներկայացուցիչ Մեյգըն Պիտըրսի խոսքերով, ինքնաթիռն ընկել է Սոլդանա քաղաքի օդանավակայանում թռիչքից անմիջապես հետո: Օդ բարձրանալուց րոպեներ անց ինքնաթիռում հրդեհ է բռնկվել, ինչի հետեւանքով այն չի կարողացել բարձրություն հավաքել եւ կործանվել է: Մինչ հրշեջների ժամանումը, ինքնաթիռն ամբողջությամբ այրվել է: Օդանավում եղել են մեկ օդաչու եւ 9 ուղեւոր: Նրանց ինքնությունը ճշտվում է: Read more

Ոստիկանները որոնում են պատանուն

Article Details: Published on Tuesday, 09 July 2013 01:28; Written by

terry 7 Ոստիկանությունը դիմել է հանրային օգնության` գտնելու Մենիֆի բնակիչ, անհետ կորած 11-ամյա պատանուն: Շերիֆի գրասենյակի փոխանցմամբ, Թերրի Սմիթը, ով տառապում է աութիզմով, անհետ կորել է նախօրեին: Ըստ ոստիկանության` նրա անհետացման ահզանգը հնչել է կիրակի առավոտյան, ժամը 10:30-ի սահմաններում, 33000 Helen Lane հասցեից: Ծնողները նշել են, որ շաբաթ երեկոյան նրան տեսել են վերջին անգամ: Ըստ իրավապահների, նա 4 ոտնաչափ եւ 8 դյույմ հասակով, 78 փաունդ քաշով, շիկահեր եւ կապույտ աչքերով երեխա է: Նրա մասին տեղեկություններ ունեցողները կարող են զանգել (951) 210-1000 համարով: Read more

Հրդեհից մարդիկ են վիրավորվել

Article Details: Published on Tuesday, 09 July 2013 01:25; Written by

pojar 6 Կալիֆոռնիայի Ռեդվուդ սիթիի բնակելի տներից մեկում բռնկված հրդեհի հետեւանքով 21 մարդ է վիրավերվել, այդ թվում` հրշեջ ծառայության երեք աշխատակիք: Հրշեջ ծառայության ներկայացուցչի խոսքով, հրդեհի մասին ահազանգը ստացվել է երեկ գիշերը` ժամը 1:47-ին: Հրդեհի պատճառով տարհանվել են Hallmark House Apartments տասնյակ բնակիչներ: Շենքում 72 բնակարան եւ 97 բնակիչ է ապրում: Ռեդվուդի քաղաքապետարանի ներկայացուցիչ Մալքըլմ Սմիթի խոսքով, վիրավորների վնասվածքները նրանց կյանքին չեն սպառնում: Հրդեհը մարելու աշխատանքներին մասնակցել են մոտ 100 հրշեջներ: Ոստիկանությունը հետաքննություն է սկսել` պարզելու հրդեհման հանգամանքները: Read more

Հայց Levi Strauss & Co-ի ժառանգորդի դեմ

Article Details: Published on Tuesday, 09 July 2013 01:20; Written by

levi 5 45-ամյա Քրիստինա Հելմը հայց է ներկայացրել Լոս Անջելեսի գերագույն դատարան` ընդդեմ ջինսերի արտադրության Levi Strauss & Company ընկերության ժառանգորդ Դենիել Հաասի: ընկերուհին Հաասին մեղդրում է, որ վերջինս հրաժարվել է վճարել 300 հազար դոլար խոստացված աբորտի դիմաց: Հայցում նշվում է, որ մեկ տարի առտաջ Հաասն ու նրա ընտանիքի անդամները ստիպել են ազատվել երեխայից` փոխարենը վիրահատությունից հետո 24 ժամվա մեջ գումար խոստանալով, սակայն գումարն այդպես էլ չեն տվել: Ըստ կնոջ, Հաասը վախենում էր իր վարկի համար եւ ինքն է ստիպել ազատվել իրենց երեխայից: Հաասն ու Քրիստինա Հելմը մինչ վիրահատությունը հանդիպել են 13 ամիս: Read more

Ինքնաթիռն ընկել է Սան Ֆրանցիսկոյի օդանավակայանում

Article Details: Published on Tuesday, 09 July 2013 01:16; Written by

airp 5 Սան Ֆրանցիսկոյի միջազգային օդանավակայանում վայրէջք կատարելու ժամանակ վթարի է ենթարկվել Asiana Airlines ավիաընկերության Բոինգ 777 ինքնաթիռը: Ասիական ավիաուղիների ինքնաթիռը չվերթը կատարում էր Սեուլից: ԱՄՆ դաշնային ավիացիոն վարչության տեղեկություններով՝ ինքնաթիռում եղել է 307 մարդ, ներառյալ՝ 16 հոգուց բաղկացած անձնակազմը: Մահացել է երկու անձ` երկուսն էլ Չինաստանի քաղաքացիներ ու դեռահասներ, իսկ 182-ը ստացել են տարբեր աստիճանի մարմնական վնասվածքներ: Ուղեւորներից 141-ը եղել են Չինաստանի, 77-ը` Հարավային Կորեայի քաղաքացիներ, 61-ն՝ ամերիկացի, 1-ը՝ ճապոնացի: Մնացած ուղեւորների մասին առայժմ տեղեկություններ չեն հաղորդվում: Սան Ֆրանցիսկոյի քաղաքապետ Էդվին Լիի խոսքով, բոլոր 307 անձանց գտնվելու վայրը հայտնի է: Չինացի ուղեւորներից 60-ը եղել են ուսանողներ եւ դասախոսներ, ովքեր ԱՄՆ էին մեկնում` ամառային ճամբարի: Վթարից րոպեներ անց համացանցում հայտնվել են վթարը պատկերող սիրողական նկարահանման կադրերը, որտեղ երեւում է, որ ինքնաթիռից դուրս է գալիս խիտ ծուխ, իսկ ուղեւորները այրվող ինքնաթիռից հեռանում են վթարային ելքի միջոցով: Սեւ արկղերի գաղտնազերծման արդյունքում պարզվել է, որ ողբերգության պատճառը օդանավի ցածր թռիչքն է եղել: Օդանավը փորձել է վայրէջքի երկրորդ փորձը կատարել, սակայն ընկել է եւ բռնկվել: Առաջին օդաչու Լի Կան Գուկը անփորձ է եղել եւ Boeing-777-ի վրա ընդամենը 43 ժամվա թռչելու փորձ է ունեցել: Ներկայումս ավիացիոն իշխանությունները հետաքննություն են իրականացնում` պարզելու դեպքի բոլոր հանգամանքները: ԱՄՆ իշխանությունները բարձր են գնահատել փրկարարների աշխատանքը, այլապես զոհերի թիվն ավելի մեծ կլիներ: Read more

Արեւային մարտկոցներով ինքնաթիռն ավարտեց իր թռիչքը

Article Details: Published on Tuesday, 09 July 2013 01:12; Written by

solar 6 Արեւային մարտկոցներով աշխատող Solar Impulse ինքնաթիռը, որը կառուցել են շվեյցարացի մասնագետները, շաբաթ օրը՝ հուլիսի 6-ին, ավարտել է Ամերիկա մայրցամաքի վրայով թռիչքը: Այս մասին հաղորդում է Reuters գործակալությունը: Ինքնաթիռը նախատեսված ժամկետից 3 ժամ շուտ վայրէջք է կատարել Ջան Քենեդու անվան օդանավակայանում: Վաշինգտոնում սկսված վերջին թռիչքի ընթացքում երթուղին կրճատվել էր այն պատճառով, որ վնասվել էր ինքնաթիռի ձախ թեւի թիթեղը: Նշենք, որ Ամերիկա մայրցամաքի վրայով ինքնաթիռը սկսել էր իր թռիչքը մայիսի 3-ին՝ օդ բարձրանալով Կալիֆոռնիա նահանգում: Ընդհանուր առմամբ, ինքնաթիռը հաղթահարել է ավելի քան 5000 կմ տարածք։ Read more