Թուրք դաշնակահարին մեղադրում են

Article Details

Published on Thursday, 18 October 2012 23:26

Written by

Հայտնի թուրք դաշնակահար Ֆազիլ Սայը, որը ելույթ է ունեցել Բեռլինի եւ Նյու Յորքի սիմֆոնիկ նվագախմբերի հետ, դատարանի առջեւ է հայտնվել: Նրան մեղադրում են մուսուլմաններին եւ նրանց կրոնը վիրավորելու համար, որը նա, իբր, նրանց հասցրել է Twitter-ում իր գրառմամբ: Դժգոհության պատճառը անմեղ կատակն էր, որն իրեն թույլ է տվել երաժիշտը՝ իր բլոգում նշելով, որ աղոթքի կոչը տեւում է ընդամենը 22 վայրկյան. Ինչի՞ համար է այդ շտապողականությունը: Ձեզ սպասում է սիրուհի՞ն կամ ռաքիան է սառչո՞ւմ սեղանի վրա,-իր ցանցային օրագրում գրում է Սայը՝ նշելով, որ իսլամը հավատացյալներին արգելում է ալկոհոլային խմիչքներ օգտագործել: Այսօր Ստամբուլի դատարանում սկսվել են գործով լսումները, որոնց ընթացքում դատախազությունը կասկածյալի դեմ մեղադրանքներ կառաջադրի կրոնական թշնամանքի հրահրման եւ իսլամական բարոյականությունը վիրավորելու համար: Նման հանցագործության համար երկրի օրենսդրությամբ նախատեսվող առավելագույն պատժաչափը 18-ամսյա ազատազրկումն է: Նշվում է, որ Սայը, որը հայտնի է Թուրքիայի ներկայիս կառավարության հասցեին իր սուր քննադատությամբ, հերքում է մեղադրանքները:   Read more

ԱՄՆ-ում Նոր տների շինարարությունը սեպտեմբերին աճել է

Article Details

Published on Thursday, 18 October 2012 23:23

Written by

ԱՄՆ կառավարությունը հայտնել է, թե նոր տների շինարարությունը սեպտեմբերին աճել է վերջին չորս տարիերի ամենաբարձր մակարդակին: Փորձագետների կարծիքով, դա վկայում է ոլորտի վերականգնման սկզբի մասին: Կառավարությունը հայտնել է, որ երկրում շինարարության տեմպերն աճել են 15 տոկոսով: Տարեկան ցուցանիշը կազմում է 872 հազար տուն, ինչը ամենաբարձրն է սկսած 2008թվականից: Բնակարանային ոլորտը ԱՄՆ տնտեսության կարեւորագույն սեգմենտ է եւ դանդաղ աճում է 2008-2009 թվականների խորը ռեցեսիայից, եբ միլիոնավոր ամերիկացիներ կորցրեցին աշխատանքը, զրկվեցին տներից: Շուկա բաց թողնվեց առգրավված տների մեծ քանակություն եւ նոր տների շինարարությունը կտրուկ նվազեց:   Read more

Աթենքում հանրահավաքը վերաճել է զանգվածային անկարգությունների

Article Details

Published on Thursday, 18 October 2012 23:20

Written by

Աթենքում տնտեսման խիստ միջոցների դեմ հանրահավաքը վերաճել է զանգվածային անկարգությունների: Ցուցարարները ոստիկանների վրա քարեր են նետել եւ դյուրավառ նյութերով շշեր: Ի պատասխան իրավապահ մամինների ներկայացուցիչները կիրառել են արցունքաբեր գազ: 9 մարդ մարմնական վնասվածքներ է ստացել, 65-ամյա մի ցուցարար էլ մահացել է սրտի կաթվածից: Նրան տեղափոխել են հիվանդանոց, բայց բժիշկներին չի հաջողվել փրկել նրա կյանքը: Նշենք, որ հոկտեմբերի 18-ին Հունաստանում տեղի է ունենում 24-ժամյա համազգային գործադուլ: Աթենքի փողոցներ են դուրս եկել տասնյակ հազարավոր մարդիկ: Քաղաքում չեն գործում պետական շատ հաստատություններ, հիվանդանոցներ, խանութներ: Նաեւ տրանսպորտի հետ կապված խնդիրներ կան. հասարակական տրանսպորտը կաթվածահար է եղել, շոգենավային կապն ընդհանրապես դադարեցվել է, իսկ բոլոր ավիաչվերթները հետաձգվել են 3 ժամով: Գործադուլի մասնակիցները բողոքում են բյուջետային հերթական կրճատումների դեմ, որին Հունաստանի կառավարությունը պետք է դիմի միջազգային ֆինանսական օգնության փոխարեն: Պայմանների կատարումից հետո Հունաստանը կարող է ստանալ հերթական վարկը՝ 130 միլիարդ եվրոյի չափով: Գործադուլը տեղի է ունենում այն ընթացքում, երբ Հունաստանի վարչապետ Անտոնիս Սամարասը պատրաստվում է Բրյուսելում հանդիպել եվրոպական առաջնորդների հետ`քննարկելու ճգնաժամից դուրս գալու միջոցները: Հունական մայրաքաղաքում անվտանգությունն ապահովում են անվտանգության ուժերի 4 հազար աշխատակիցներ:  Read more

Մահացել է առանց սրտի վեց ամիս ապրած չեխը

Article Details

Published on Thursday, 18 October 2012 23:19

Written by

37 տարեկան հասակում մահացել է չեխ հրշեջ Յակուբ Հալիկը, որն առանց սրտի ապրել է ավելի քան 6 ամիս: BBC-ի փոխանցմամբ, այն բանից հետո, երբ նրա մոտ քաղցկեղ էին հայտնաբերել, բժիշկները նրա սիրտը փոխարինել էին երկու պոմպով, որոնցից յուրաքանչյուրը կատարել է սրտի աջ եւ ձախ հատվածների գործառույթները: Այդ բացառիկ վիրահատությունը կատարել են ապրիլին: Բժիշկների խոսքերով` Հալիկը մահացել է, երբ սկսել է չգործել լյարդը: Թե ինչու է այն դադարել գործել` կորոշվի դիահերձման արդյունքում: Սրտի գործունեության հետ այդ երեւույթը ուղիղ կապ չունի: Չնայած, որ Խալիկը զարկերակային ճնշում չուներ եւ ստիպված էր իր արհեստական սիրտը լիցքավորող մարտկոցներ ունենալ, կարողանում էր ազատ շարժվել եւ նույնիսկ օգտվել հիվանդանոցային մարզասրահից: Նա դոնորական օրգանի համար հերթագրված էր: Read more

Ավստրիայում թոշակառու կինը վնասազերծել է հանցագործին

Article Details

Published on Thursday, 18 October 2012 23:17

Written by

Ավստրիայում թոշակառու կինը վնասազերծել է հանցագործին, որը փորձում էր կողոպտել բանկը: Միջադեպը տեղի է ունեցել Վիեննայից մոտավորապես 50 կիլոմետր հարավ գտնվող քաղաքի բանկերից մեկում: Շենք է ներխուժել դիմակավոր մի տղամարդ՝ զինված ատրճանակով եւ ինքնաշեն պայթուցիկ սարքով: Երբ նա փորձել է գանձարկղից փողերը լցնել իր պայուսակի մեջ, 82-ամյա Հերտա Վալիկերը նետվել է նրա վրա, գոռալով՝ -եթե փող ես ուզում, աշխատանք գտիր, ծույլ հրեշ: Ծայր առած քաշքշոցի ընթացքում կողոպտիչը կորցրել է իր դիմակը եւ գողացված փողերը շաղ տվել հատակին: Դրանից հետո նա նախընտրել է փախչել, բայց քանի որ նրա դեմքը որսացել է բանկի տեսահսկման խցիկը, ոստիկանությանը հաջողվել է նրան բռնել հենց նույն օրը: Միջադեպից հետո Հերտա Վալիկերը բացատրել է, որ հանցագործին հակահարված է տվել այն պատճառով, որ չի սիրում անարդարություն: -Երբ լսում եմ, որ որեւէ մեկը ցանկանում է ինչ-որ բան գողանալ, դա խիստ զայրացնում է ինձ,-հայտարարել է թոշակառուն:  Read more

Թուրքիայի Հայոց պատրիարքարանն արգելել է խառնամուսնությունները

Article Details

Published on Thursday, 18 October 2012 23:15

Written by

Թուրքիայի Հայոց պատրիարքարանը այս ամսվա սկզբից կրկին արգելք է դրել խառնամուսնությունների վրա: Շուրջ տասը տարի առաջ վերացված այս սահմանափակումը նորից ուժի մեջ է մտնում եկեղեցու սահմանած նոր կարգի տեսքով, ըստ որի` այլ կրոն դավանող անձանց հետ հայերի ամուսնությունները այլեւս չեն օրհնվում, ինչպես նաեւ նման դեպքերում թույլ չի տրվում եկեղեցում հարսանեկան արարողություն անցկացնել։ Որոշումը բավական բուռն արձագանք է գտել տեղի հայ համայնքում։ Դեռ 2000թ., երբ Պոլսո Հայոց պատրիարք Մեսրոպ Մութաֆյանը բացեց եկեղեցու դռները այն հայերի համար, ովքեր ցանկանում էին այլազգիների հետ ամուսնանալ, համայնքում կրկին միանշանակ չընդունեցին այս որոշումը։ Պատրիարքի փոխանորդ Արամը ասել է, թե ընդամենը գործադրել է եկեղեցում արդեն գոյություն ունեցող օրենքը ու հավելել, թե այս հարցի շուրջ որեւէ այլ հայտարարություն չի ցանկանում անել:  Read more

Սնկային մենինգիտի զոհերի թիվն աճում է

Article Details

Published on Thursday, 18 October 2012 23:13

Written by

ԱՄՆ-ում  սնկային մենինգիտի զոհ է դարձել 20 մարդ, վարակվածության դեպքերը հասել են 247-ի: Ավելի վաղ հաղորդվել էր 16 զոհերի եւ 231 հիվանդների մասին:

Հիշեցնենք, որ հազվադեպ վարակի աղբյուրը գոտկատեղի բուժման համար ներարկվող վարակված դեղամիջոցն է:  Պարզվել է, որ դրանք տարածել է դեղագործական New England Compounding Center (NECC) ընկերությունը, որը վաճառքի թույլտվություն ունի ամերիկյան  50 նահանգներում: Իշխանություններն անհապաղ հետ են կանչում տվյալ դեղամիջոցները եւ բնակչությանը կոչ են անում չօգտագործել դրանք: Վարակված հաբերը կարող են կիրառած լինել 14 հազար մարդ: Տուժածներից մեկն արդեն  New England Compounding Center-ի դեմ հայց է ներկայացրել պատճառած վնասի համար: ԱՄՆ-ի սննդամթերքի եւ դեղանյութերի վերահսկման տեսչությունը հոկտեմբերի 17-ին ստուգում է անցկացրել Բաստընի մերձակայքի ընկերությանը պատկանող գործարանում: Ըստ FDA-ի ներկայացուցիչների` գործարանի պայմանները չեն ապահովում դեղորայքների  ստերիլությունը: Հիվանդության առաջին դեպքը գրանցվել է սեպտեմբերի 21-ին` Թենեսի նահանգում: Այտեղ էլ գտնվում են ամենաշատ վարակվածները` 61 մարդ: Ներկայումս հիվանդության դեպքեր գրանցվել են նաեւ այլ նահանգներում` Ֆլորիդայում, Ինդիանայում, Մերիլընդում, Միշիգընում, Մինեզոտայում, Նյու Ջըրզիում, Հյուսիսային Կարոլայնայում, Օհայոյում եւ Վըրջինիայում: Read more

Մասնակցեք Թելեթոնին

Article Details

Published on Thursday, 18 October 2012 23:10

Written by

Հայաստանի ծնողազուրկ եւ հաշմանդամ երեխաների սուրբ ծննդյան հիմնադրամը թելեթոն է անցկացնում Լոս-Անջելեսի Գլենդեյլ քաղաքում` Հայաստանի կարիքավոր երեխաների օգնության համար: AMGA հեռուստաալիքի եթերում՝ 380-րդ ալիքով հոկտեմբերի 21-ին կայանալու է հիմնադրամի 13-րդ տարեկան թելեթոնը, ժամը 4-ից մինչեւ կեսգիշեր, ժամը 12-ը, որը AMGA հեռուստակայանից միացվելու է եւս 3 հայկական հեռուստակայանների։ Ինչպես գիտեք AMGA հեռուստաընկերությունը ընդլայնել է իր սփռման տարածքը, եւ թելեթոնը դիտելու եւ հիմնադրամին աջակցելու հնարավորություն ունեն ոչ միայն Միացյալ Նահանգների ողջ տարածքում, Կանադայում եւ Մեքսիկայում արբանյակաին հեռարձակմամբ նաեւ մեզ կմիանան AMGA 44.10 (Free To Air) ալիքի հեռուստադիտողները: Սիրելի հեռուստադիտողներ, ակնկալում ենք Ձեր բուռն մասնակցությունը։ Օգնենք մեր երեխաներին՝ նրանց ապագան կերտելու համար։ Read more

Պարզել են սպանված դեռահասի ինքնությունը

Article Details

Published on Thursday, 18 October 2012 23:08

Written by

Քննիչները հրապարակել են 14-ամյա տղայի անունը, որը, ըստ ոստիկանության, սպանվել է Անահայմում փողոցային ավազակախմբերի միջեւ հրաձգության ժամանակ: Անահայմի բնակիչ Հոսե Պերեսի ինքնությունը պարզվել է դատաբժշկական փորձաքննությունից հետո: Օրընջ շրջանի քննչական բաժնի ներկայացուցիչ Դենիել Էյկինի խոսքով, ոստիկանները երեկ երեկոյան՝ ժամը 7-ի սահմաններում ահազանգ են ստացել 800 Claudina Street հասցեից: Երբ ոստիկանությունը ժամանել է, Վերմանտ-ավենյուի վրա գտել են գետնին ընկած վիրավորին: Բժիշկները տեղում արձանագրել են նրա մահը: Ոստիկանության փոխանցմամբ, դեռահասը ավազակախմբի անդամ էր եւ զինված է եղել: Փաստի կապակցությամբ դեռ ձերբակալվածներ չկան:   Read more

Նյու Յորքում ահաբեկիչ են ձերբակալել

Article Details

Published on Thursday, 18 October 2012 22:59

Written by

Նյու Յորքում Դաշնային պահուստային բանկի շենքի մոտ պայթեցում կատարելու փորձի կասկածանքով կալանավորվել է Բանգլադեշի 21-ամյա մի բնակիչ: Քվազի Մոհամեդ Ռեզվանուլ Ահսան Նաֆիսն ԱՄՆ էր ժամանել ահաբեկչական գրոհ կատարելու նպատակով: Նաֆիսը ձերբակալվել է այն բեռնատարը պայթեցնելու փորձի ժամանակ, որը, նրա կարծիքով, լցված է 430 կգ պայթուցիկով: Նաֆիսը մեքենան կայանել է շենքի մուտքի մոտ, հեռու քաշվել եւ սեղմել կոճակը, սակայն պայթյուն չի եղել: FBI-ը պնդում է, որ տղամարդն սպառնալիք չէր ներկայացնում, քանի որ նախապես գտնվում էր մշտական հսկողության ներքո: Նաֆիսին առաջադրվել է զանգվածային ոչնչացման զենքի օգտագործման փորձի եւ Ալ Քաիդա խմբավորմանը նյութապես օժանդակելու փորձի մեղադրանք: Ըստ հետաքննության տվյալների՝ նա ԱՄՆ է ժամանել 2012թ. հունվարին ուսանողական վիզայով եւ զբաղվել է գրոհի իրականացման համար մարդկանց որոնումներով: Նրանցից մեկը եղել է FBI-ի իրազեկիչ: Նաֆիսի նկատմամբ սահմանվել է հսկողություն, իսկ գաղտնի գործակալը նրան վաճառել է 20 պարկ, որոնցից յուրաքանչյուրում, կասկածյալի կարծիքով՝ եղել է 23 կիլոգրամ պայթուցիկ նյութ Ի դեպ, պարզվել է, որ նա բանգլադեշցի բանկիրի որդի է: Ձերբակալվածի հայրը՝ Ահսանուլլան, որդուն բնութագրել է որպես օրինավոր մարդ, որն ընդունակ չէ կատարելու ահաբեկչական գործողություն: Նա կոչ է արել Բանգլադեշի իշխանություններին՝ միջամտել եւ երիտասարդին վերադարձնել հայրենիք: Read more