Հոկտեմբերի 20-ին, խոշոր ավտովթար է տեղի ունեցել Կոտայքի մարզում: Ժամը 21:20-ի սահմաններում Եղվարդ-Երեւան ավտոճանապարհի 32-րդ կմ հատվածում բախվել են BMW եւ Նիվա մակնիշի մեքենաները: Վթարի հետեւանքով 7 հոգի մարմնական վնասվածքներով տեղափոխվել են հիվանդանոցներ: Նիվայում գտնվող երկու տղամարդիկ` Էդգար եւ Էդուարդ Հակոբյան եղբայրները մահացել են հիվանդանոցում, իսկ չորս երեխաների վիճակը ծանր է: BMW մեքենայի ղեկին եղել է հայտնի դերասան Վարդան Պետրոսյանը: Վթարի հետեւանքով պատռվել է նրա փայծաղը, որն այսօր վիրահատել են, նրա կյանքին ոչինչ չի սպառնում: Ոստիկանությունը քրեական գործ է հարուցել ճանապարհային երթեւեկության կանոնների խախտման մեղադրանքով:
Մահացու ելքով վթար Եղվարդի ճանապարհին
- Details
- Created on Tuesday, 22 October 2013 00:16
- Written by AMGA TV
