amga.tv

Switch to desktop Register Login

Բոսթոնում մեկնարկել է Ցարնաեւի դատավարությունը

johar 5Բոսթոնում այսօր սկսվել են քաղաքացի Ջոհար Ցարնաեւի գործով դատական լսումները: Նրան մեղադրում են այս տարվա ապրիլի 15-ին անցկացված բաստընյան մարաթոնի ժամանակ ահաբեկչության կազմակերպման մեջ: Չեչեն ահաբեկիչը դատարանում իրեն մեղավոր չի ճանաչել առաջադրված մեղադրանքի ոչ մի կետում: Նշենք, որ պայթյունի արդյունքում զոհվել է 3, վիրավորվել 260 մարդ: Դաշնային իշխանությունները Ցարնաեւին ներկայացրել են 30 կետից բաղկացած մեղադրանք, այդ թվում՝ զանգվածային ոչնչացման զենք կիրառելը, մասնավորապես՝ ինքնաշեն պայթուցիկ սարք օգտագործելը եւ մասնավոր սեփականության չարամիտ ոչնչացումը, որը հանգեցրել է մարդկանց մահվան: Նրան սպառնում է մահապատիժ կամ ցմահ ազատազրկում: Լսումներին ներկա են եղել տուժածների մեծ մասը եւ նրանց հարազատները: Լսումների համար ընտրվել է ընդարձակ սրահ, որ տեղավորվեն բոլոր վկաները: Մյուսները գործընթացին հետեւել են դատարանի միջանցքներում տեղադրված հեռուստաէկրանների միջոցով:

Copyright © 2012 | Amga.TV | Armenian Media Group Of America.

Top Desktop version