Գործադուլ Լոս Անջելեսի նավահանգստում
Created on Saturday, 01 December 2012 02:05
Այսօր աշխատակիցների գործադուլը կաթվածահար է արել Լոս Անջելեսի նավահանգստի տերմինալներից մեկի աշխատանքը: Այդ մասին հայտնել է նավահանգստի տնօրեն Ջերալդին Կացը: Այդ պատճառով Լոս Անջելես բեռնարկղեր տեղափոխող նավերը ստիպված են եղել ուղեւորվել Կալիֆոռնիայի այլ նավահանգիստներ: United Press International-ի փոխանցմամբ, ԱՄՆ մանրածախ առեւտրի ազգային դաշնային ծառայությունը իշխանություններին կոչ է արել միջոցառումներ ձեռնարկել նավահանգստի աշխատակիցների ու նրանց գործատուների միջեւ կոնֆլիկտը հարթելու համար: Լոս Անջելեսի նավահանգիստը աշխարհի 7-րդ խոշորագույն ծովային նավահանգիստն է: