June 2012

12 June 2012

Բրիտանիայի վարչապետն ու նրա կինը երեխային մոռացել են փաբում

Article Details: Published on Tuesday, 12 June 2012 03:58; Written by

12 12 ՄԵծ Բրիտանիայի վարչապետ Դեւիդ Քեմերոնը եւ նրա կինը՝ Սամանտան, պատահաբար իրենց ութամյա երեխային մոռացել են փաբում՝ չնկատելով, որ նա զուգարան է գնացել: Դեպքը տեղի է ունեցել Բակինգհեմշիր կոմսությունում` վարչապետի նստավայրից ոչ հեռու: Իրենց ծանոթների հետ ճաշելով՝ Քեմերոնները գնացել են մեքենա նստելու: Ինքը՝ վարչապետը, մեքենա է նստել թիկնապահներից մեկի հետ՝ կարծելով, որ Նենսին մոր հետ է: Սամանտան իր հերթին, վերցնելով մյուս երեխաներին՝ 6-ամյա Արթուրին եւ 22 ամսական Ֆլորենսին, կարծել է, թե ավագ դուստրը հոր հետ է: Վարչապետի մամուլի ծառայության տվյալներով՝ վարչապետը եւ նրա կինը հասկացել են, որ երեխային փաբում են թողել միայն տուն գալուց հետո: Նրանք սարսափահար զանգահարել են փաբ, որտեղ նրանց ասել են, որ Նենսիի հետ ամեն ինչ կարգին է: Քեմերընն անմիջապես մեկնել է փաբ եւ վերցրել երեխային: Ընդհանուր առմամբ, երեխան առանց ծնողների մնացել է 15 րոպե: Read more

Սոչիում հայ գործարարի են սպանել

Article Details: Published on Tuesday, 12 June 2012 03:54; Written by

11 11 Սոչիում մոտոցիկլավարը հընթացս գնդակահարել է հայազգի գործարար Գրիկո Դարաչյանին, ով տեղում մահացել է: Գործարարն իր Lexus-470 մակնիշի մեքենայով անցնելիս է եղել Օլիմպիական պուրակի մոտով, երբ նրան է հավասարվել սեւազգեստ մի մոտոցիկլավար, ով հանելով զենքը` մի քանի կրակոց է արձակել գործարարի մեքենայի ուղղությամբ: Ստացված հրազենային վնասվածքներից Դարաչյանը տեղում զոհվել է: Դեպքի վայրում աշխատել են իրավապահները: Քննիչները չեն բացառում, որ սպանությունը պատվիրված է եղել եւ կապված է նրա ձեռնարկատիրական գործունեության հետ: Read more

Սպիտակում երիտասարդը խեղդվել է եղբորը փրկելիս

Article Details: Published on Tuesday, 12 June 2012 03:52; Written by

10 10 Երեկ` հունիսի 10-ին, Լոռիի մարզի Սպիտակ քաղաքի Համոյի օբյեկտ-ի տարածքում գտնվող լճակում մարդ է խեղդվել: Ինչպես հայտնել է ֆոտոլրագրող Գագիկ Շամշյանը, դեպքի վայր է մեկնել մարզային փրկարարական վարչության փրկարար ջոկատը: Նրանք լճակում իրականացնում են որոնողական-փրկարարական աշխատանքներ: Ավելի ուշ պարզվել է, որ ջրահեղձ եղածը Շիրակի մարզի Ախուրյան գյուղի բնակիչ, 22-ամյա Հարություն Վաչագանի Կնյազյանն է: Գագիկ Շամշյանի տեղեկություններով, խեղդվողը փորձել է փրկել ավելի վաղ ջուրը մտած եղբորը, սակայն մոտենալ փորձել է հակառակ ափից: Նրան չի հաջողվել մոտենալ եղբորը, որին, սակայն, փրկել են նրան ավելի մոտ գտնվող մարդիկ: Իսկ Հարություն Կնյազյանն այնուհետեւ չի կարողացել դուրս գալ ջրից: Read more

Ադրբեջանը շարունակում է խախտել հրադադարի ռեժիմը

Article Details: Published on Tuesday, 12 June 2012 03:49; Written by

9 999 Հայաստանի եւ Ադրբեջանի զինված ուժերի շփման գծում հունիսի 9-ի կեսգիշերին, ադրբեջանական կողմը խախտել է հրադադարի ռեժիմը սահմանի հյուսիս-արեւելյան հատվածում` Իջեւանի ուղղությամբ: Հայաստանի պաշտպանության նախարարությունից հայտնել են, որ կրակահերթերը պարբերական բնույթ չեն կրել, հայկական կողմից զոհեր եւ վիրավորներ չկան: Հայաստանի զինված ուժերը անշեղորեն կատարում են իրենց ծառայողական պարտականությունները եւ վստահորեն պաշտպանություն իրականացնում շփման գծի ողջ երկայնքով: Իսկ Լեռնային Ղարաբաղի ուղղությամբ վերջին մեկ շաբաթում հակառակորդի կողմից հրադադարի պահպանման ռեժիմը խախտվել է շուրջ 1400 անգամ: ԼՂՀ պաշտպանության բանակի մամուլի ծառայությունից հայտնում են, որ այդ ընթացքում, տարբեր տրամաչափի հրաձգային զինատեսակներից, հայկական դիրքապահների ուղղությամբ արձակվել են հազարավոր կրակոցներ: Read more

Դեռահասներն ավերել են Ուկրաինայի նախկին վարչապետի տունը

Article Details: Published on Tuesday, 12 June 2012 03:40; Written by

8 888 Ուկրաինայի նախկին վարչապետ Պավել Լազարենկոյի Կալիֆոռնիայի առանձնատունը դեռահասները թալանել էին : Associated Press-ի փոխանցմամբ, Մըրին շրջանում գտնվող Լազարենկոյի անբնակ տանը մայիսի 27-28-ին մոտ 100 դեռահասներ երեկույթ են կազմակերպել: Դրա ընթացքում նրանց հաջողվել է ավերել մի քանի սենյակ եւ մինչ ոստիկանության ժամանելը թաքնվել: Ոստիկանության տվյալներով՝ երեկույթից հետո առանձնատնից անհետացել է Պաբլո Պիկասոյի առնվազն 30-ից՛40 հազար դոլար արժողությամբ լիտոգրաֆիան որն այսոր գտել էլ է մի քաղաքացի եւ հանձնել ոստիկանությանը, ինչպես նաեւ 5000 դոլար ընդհանուր արժողությամբ արծաթե մոմակալներ, նոութբուքեր, կաշվե վերարկուներ: 2012թ. ապրիլին Մըրինի իշխանությունները հայտարարել էին, որ Լազարենկոն առանձնատան համար պարտք է 2.1 մլն դոլար: Այդ գումարի մեջ են մտնում տան եւ հողի համար չվճարված հարկերը: Հաղորդվում էր, որ եթե պարտքը չմարվի, ապա արդեն օգոստոսին այն աճուրդի կհանեն: Նախկին վարչապետը գտնվում է բանտում Ուկրաինայում:

Article Details: Published on Tuesday, 12 June 2012 03:37; Written by

7 chiledp ԱՄՆ-ում ձերբակալել են մանկական պոռնոարդյունաբերությանը մասնակից 190 մարդու: Օրայըն գործողության ընթացքում ձերբակալվել են մարդիկ, որոնք պահել, փոխանցել եւ կամ արտադրել են մանկական պոռնոգրաֆիա, բացի այդ, փրկվել են պոռնոարդյունաբերության մեջ ներգրավված 18 երեխաներ: Ձերբակալվածներ կան նաեւ Իսպանիայում, Արգենտինայում, Մեծ Բրիտանիայում եւ Ֆիլիպիններում: Գործողություններին մասնակցել են նաեւ Շվեդիայի, Սերբիայի եւ Նիդեռլանդների իրավապահ մարմինները: Միչիգընում ձերբակալվածներից մեկի մոտ շուրջ 1200 արգելված պատկերներ եւ 109 տեսագրություն են հայտնաբերել: Մյուսը` Լուիզիանայի 35-ամյա բնակիչը, բռնաբարել է իր խնամքին հանձնված երեխային եւ իր գործողությունները նկարահանել տեսախցիկով: Read more

Հնդիկ զինվորականը սպանել է ընտանիքին եւ ինքնասպան եղել

Article Details: Published on Tuesday, 12 June 2012 03:34; Written by

6 hndik Հնդիկ նախկին զինվորական Ավթար Սինգը, սպանել է իր կնոջն ու երկու երեխաներին, ապա ինքնասպան է եղել Կալիֆորնիայի Սակրամենտո քաղաքից ոչ հեռու գտնվող Սելմա բնակավայրում: Reuters-ի փոխանցմամբ, Սինգհի ընտանիքի անդամները սպանվել են գլխին արձակված կրակոցներով: Նա սպանել էր 15 եւ 3 տարեկան որդիներին ու կնոջը, ապա ինքնասպան եղել: Սինգհը վիրավորել է նաեւ մեկ 17-ամյա երիտասարդի, որը ողջ է մնացել, սակայն ծանր վիճակում է: Սինգհն ինքն է զանգել ոստիկանություն եւ հայտնել, որ 4 մարդ է սպանել ու պատրաստվում է ինքնասպանություն գործել: Հնդկական բանակի մայոր Սինգհը 1996-ին մեղադրվել է հնդիկ քաղաքական ակտիվիստի սպանության համար: ԱՄՆ-ում նա տրանսպորտային ընկերություն ուներ: 2011-ին նա ձերբակալվել էր ընտանեկան բռնության համար: Read more

Նախկին նախարարը հարաբերությունների կարգավորման օգտին

Article Details: Published on Tuesday, 12 June 2012 03:31; Written by

3 nnnn ԱՄՆ-ի պաշտպանության նախկին նախարար Ուիլյամ Փերրին կողմ է արտահայտվել ԱՄՆ-ի եւ Իրանի միջեւ դիվանագիտական հարաբերությունների վերականգնմանը: -Ես չեմ խոսում կառավարության անունից, բայց իմ անունից կասեմ, որ կուզենայի ԱՄՆ-ի եւ Իրանի դիվանագիտական հարաբերությունների վերականգնում,- ասել է նա: Պենտագոնի նախկին ղեկավարի կարծիքով՝ դիվանագիտական հարաբերությունները դրական կազդեին եւ ԱՄՆ-ի, եւ Իրանի վրա: ԱՄՆ-ի եւ Իրանի դիվանագիտական հարաբերությունները խզվել են այն բանից հետո, երբ Իրանում իսլամական հեղաշրջում է տեղի ունեցել: Դրա հետ մեկտեղ ՄԱԳԱՏԷ-ն հրապարակել է Իրանի հետ հանդիպման արդյունքները եւ դրանք որակել հիասթափեցնող: Read more

Դատախազությունը հետաքննում է տեղեկատվական արտահոսքը

Article Details: Published on Tuesday, 12 June 2012 03:28; Written by

2 holder ԱՄՆ արդարադատության նախարար Էրիկ Հոլդերը հայտարարել է, որ նշանակվել են երկու դատախազներ, որոնք զբաղվելու են կառավարությունից կարեւոր տեղեկությունների արտահոսքի գործով։ BBC-ի փոխանցմամբ, Հոլդերն ասել է, որ գաղտնի տեղեկությունների տարածումը կարող է լուրջ հարված հասցնել երկրի ազգային անվտանգությանը։ Վերջին ժամանակներս մամուլում են հայտնվել Իրանի դեմ ԱՄՆ-ի վարած կիբերպատերազմի, ինչպես նաեւ հատուկ ծառայությունների կողմից Ալ-Քաիդա-ի կողմից կազմակերպվող ահաբեկչության կանխման մասին տեղեկություններ։ Ավելի վաղ նախագահ Օբաման հերքել էր, որ վարչակազմը տարածում է այս տեղեկությունները նախընտրական քարոզարշավի ժամանակ օգտագործելու համար։ Read more

Ահաբեկիչները գլխագին են սահմանել Օբամայի համար

Article Details: Published on Tuesday, 12 June 2012 03:19; Written by

1 urt Սոմալիի գրոհայինները 10 ուղտ պարգեւատրում են նշանակել ԱՄՆ նախագահ Բարաք Օբամայի գտնվելու վայրի մասին տեղեկատվության համար: AFP-ի փոխանցմամբ, նման կերպ են գրոհայինները պատասխանել Պետքարտուղարության հայտարարությանը, համաձայն որի առաջարկվում է 33 մլն դոլար պարգեւատրել Ալ-Շաբաբ խմբավորման յոթ ղեկավարներին գտնելու համար: Իսլամիստները նաեւ 10 աքաղաղի եւ 10 հավի չափով պարգեւ են նշանակել պետքարտուղար Հիլրի Քլինթոնի վերաբերյալ տեղեկատվության համար: -Ոչ մի նորություն չկա, որ անհավատները վճարում են մուսուլման առաջնորդների սպանության համար: Նրանք ուղտեր են առաջարկել Մուհամեդ առաքյալի գլխի համար,- հայտարարել է խմբավորման ներկայացուցիչը: Ալ-Շաբաբի առաջնորդներին գտնելու համար նշանակված պարգեւի մասին Պետդեպարտամենտը հայտնել է հունիսի 7-ին: Այդ խմբավորումը պատասխանատու է Սոմալիում հազարավոր խաղաղ բնակիչների մահվան համար: ԱՄՆ-ում Ալ-Շաբաբն ընդգրկվել է ահաբեկչական կազմակերպությունների շարքում: Read more