Հալեպում մեկ շաբաթ առաջ դիպուկահարի արձակած գնդակից վիրավորված հայազգի տղամարդը մահացել է հիվանդանոցում։ 51-ամյա Աբրահամ Բաքքալյանը վիրավորվել էր սեպտեմբերին՝ դիպուկահարի հարվածից։ Ծանր վիրավոր Բաքքալյանի կյանքը հիվանդանոցում փրկել չի հաջողվել։ Տեղեկություններ են տարածվել նաեւ այն մասին, որ Հալեպի օդանավակայանի ճանապարհին երեկ դարձյալ հրաձգություն է տեղի ունեցել եւ վիրավորների թվում հայ կա։ Բերիո թեմի ազգային առաջնորդարանի բանբեր Ժիրայր Ռեյիսյանը հաստատել է այս տեղեկությունը, նշելով, որ վիրավորը բժիշկների հսկողության տակ է, սակայն վիճակը ծանր չէ։
