Logo

Articles

Սիրիական Իդլիբ նահանգում ռումբեր են պայթում

Created on Thursday, 23 August 2012 00:55 Written by AMGA TV

idlib 8Իդլիբ նահանգի բնակավայրերը, Դամասկոսի արվարձաններն ու Դաել գյուղը Դերաա քաղաքի մերձակայքում այսօր առավոտյան դարձել են ռազմական գործողությունների իսկական թատերաբեմ: Սիրիական բանակը ռմբահարվածներ է հասցրել ուղղաթիռներից: Դամասկոսի արվարձաններում կրակ է բացվել տանկերից: Կառավարական ուժերի եւ ապստամբների դիմակայությունը մեկ օրում տարել է մոտ 200 մարդու կյանք: Ինտերնետային կայքերում զետեղված տեսագրությունների իսկությունը միջազգային լրատվական գործակալությունները չեն կարողանում հավաստել: Հալեպում եւս մարտեր են ընթանում: Ինչպես հաղորդում է պաշտոնական Դամասկոսը, կառավարական ուժերը գրոհայիններից մաքրել են քրիստոնեական թաղամասերը: Հայկական թաղամասերն ամբողջությամբ անցել են սիրիական բանակի վերահսկողության տակ: տեղական հիվանդանոցներ բազմաթիվ վիրավորների են տեղափոխել: Բարեբախտաբար Հալեպում հայերի շրջանում զոհեր չկան: Սիրիայում մեկուկես տարվա բախումների ընթացքում սպանվել է ավելի քան 18 հազար մարդ: Դիվանագիտական ճակատում եւս ամեն ինչ հանգիստ չէ: Ռուսաստանը նախօրեին հայտարարել է, թե չի հավատում, որ Սիրիան քիմիական ուժ կարող է կիրառել: Արեւմուտքն էլ մտավախություն ունի, որ զենքը կհայտնվի Հըզբոլլահի ձեռքը:  

Copyright © 2012 | Amga.TV | Armenian Media Group Of America.