Մեքսիկական իշխանությունները հայտարարել են, որ Սիուդադ Խուարես քաղաքում ձերբակալվել են թմրաբիզնեսով զբաղվող Սինալոա կազմակերպության երկու անդամներ, ովքեր հետախուզվում էին ԱՄՆ-ի թմրամիջոցների շրջանառության դեմ պայքարող գործակալության կողմից: Ձերբակալվածների անուններն են Ֆերնանդո Արելիանո Ռոմերո եւ Դանիել Ֆրանկո Լոպես։ Ավելի վաղ ԱՄՆ-ի՝ թմրամիջոցերի շրջանառության դեմ պայքարող գործակալությունը հրատարակել էր Սինալոա կազմակերպության ավելի քան 20 անդամների ցուցակը, ովքեր կասկածվում են թմրանյութերի շրջանառության, սպանությունների, փողերի լվացման եւ այլ հանցագործություններում։
