Հոլիվուդի աստղային զույգը` Թամ Կրուզն ու Քեյթի Հոլմսը ստորագրել են նախնական պայմանավորվածությունը ամուսնալուծության եւ իրենց 6-ամյա դստեր` Սուրիի խնակալության վերաբերյալ: Կողմերը գոհունակություն են հայտնել համատեղ պայմանավորվածությունից: Հայտարարության մեջ Կրուզն ու Հոլմսը ասել են, որ իրենք միասին փորձում են կարգավորել իրենց դստեր` Սուրիի նկատմամբ խնամակալության հարցը: Աղջիկը 33-ամյա դերասանուհու միակ երեխան է, այն դեպքում, երբ Թամ Կրուզը երկու որդեգրված երեխա ունի ավստրալացի դերասանուհի Նիքոլ Քիդմընի հետ ամուսնությունից: Զույգը համաձայնության է եկել, որ Սուրին պետք է մշտապես մնա մոր հետ` Նյու Յորքում: Քեյթի Հոլմսի փաստաբան Ջանըթըն Վոլֆը People-ի հետ զրույցում շնորհակալություն է հայտնել Թամ Կրուզին եւ նրա խորհրդականին ջանասիրության եւ արհեստավարժության համար, ինչի շնորհիվ էլ իրենց հաջողվեց արագ փոխզիջման հանգել: Իր հերթին Թամ Կրուզի փաստաբան Բերթ Ֆիլդսը նշել է, որ որոշումը կայացված է, համաձայնագիրը ստորագրված, եւ դա ամենակարեւորն է: Թամ Կրուզի եւ Քեյթի Հոլմսի ամուսնալուծության գործով ամփոփիչ լսումները կայանալու են հուլիսի 17-ին: Մի շարք լրատվամիջոցներ նշել են, թե Քեյթի Հոլմսը ամուսնալուծվում էր ամուսնուց, քանի որ նա սայենտոլոգների կրոնական կազմակերպության ակտիվ անդամներից է: Հոլմսը նշել էր, թե իրեն տարօրինակ մարդիկ են հետեւում, որոնք վերահսկում են իր տեղաշարժերը: Հոլմսը նաեւ նշել էր, թե ամուսնանանլուց հետո Թամ Կրուզն իրեն բռնակալի պես է պահել տանը:
