Մոտ 150 մարդ Վաշինգտըն նահանգում՝ ներգաղթյալների պահման կենտրոնում, շարունակում են հացադուլը՝ ի նշան բողոքի արտաքսման եւ իրենց նկատմամբ անպատշաճ վերաբերմունքի դեմ: Թըքոմա քաղաքի ներգաղթյալների պահման կենտրոնում գտնվում է 1300 մարդ, որոնց արտաքսում է սպառնում: Հացադուլը հայտարարվել է 4 օր առաջ: Ակցիայի սկզբում դրան մասնակցել է 750 մարդ: Համաձայն ամերիկյան օրենսդրության, եթե ներգաղթյալների պահման կենտրոնում ներգաղթյալը 72 ժամ հրաժարվում է ուտելիքից, նա պետք է տեղափոխվի հիվանդանոց՝ բժշկական հետազոտության:
