Դամասկոսի կենտրոնում երեկ ականանետային հրետակոծման արդյունքում հայ է զոհվել: Այս մասին հայտնել է Սիրիայի հայ համայնքի ներկայացուցիչ Նազարեթ էլմաջյանը: Նա նշել է, թե մահացողը 55-ամյա Շավարշ Գարթացողյանն է եղել: էլմաջյանի խոսքով՝ հրետակոծման են ենթարկվել Բաբ Թումա եւ Կասսաա փողոցները, վնաս է հասցվել բնակելի թաղամասերին, եկեղեցիների եւ դպրոցներին. Ականանետային հրետակոծման արդյունքում ոչնչացվել է հունական Սուրբ Խաչ եկեղեցին: Իսկ պետական ՍԱՆԱ գործակալությունը հայտնում է, թե Դամասկոսի քրիստոնեական թաղամասի ռմբակոծման արդյունքում զոհվել է առնվազն 8 մարդ:
