amga.tv

Switch to desktop Register Login

Թոմաս հրդեհը դարձել է եկրորդ ամենամեծ հրդեհը

 

fire 1Կալիֆոռնիայի նահանգում արդեն ավելի քան երկու շաբաթ մոլեգնող բնական հրդեհի տարածքը գերազանցել է 1100 քառակուսի կիլոմետրը, ինչից հետո այն երկրորդ խոշորագույն հրդեհն է դարձել նահանգի պատմության մեջ: Այդ մասին հայտնել է Կալիֆոռնիայի անտառային հանդակների պաշտպանության եւ հրշեջ ծառայության վարչությունը: Գերատեսչության կայքում զետեղված տեղեկատվության համաձայն՝ դեկտեմբերի 4-ին Վենտուրայի օկրուգում սկսված եւ Թամըս անվանումն ստացած հրդեհը մինչ այժմ հաջողվել է տեղափակել 55 տոկոսով: Իշխանությունների կանխատեսումների համաձայն՝ արդեն առաջիկա օրերին այն ռեկորդային կդառնա իր մասշտաբներով: Կալիֆոռնիայում ամենախոշոր հրդեհը, նման վիճակագրության վարման պահից ի վեր, գրանցվել է 2003 թվականին Սան Դիեգոյի մերձակայքում: Այն ընդգրկել էր ավելի քան 1106 քառ կմ տարածք եւ 15 մարդու կյանք էր խլել: Նահանգի հրշեջ ծառայությունները հույս ունեն, որ իրենց կհաջողվի Թամըս հրդեհն ամբողջովին տեղափակել մինչեւ հաջորդ տարվա հունվարի 7-ը: Հրդեհի զոհ է դարձել առնվազն երկու մարդ: Իշխանությունների գնահատումների համաձայն՝ Թամըսի պատճառած վնասն արդեն գերազանցել է 137 մլն դոլարը: Կրակը ոչնչացրել կամ վնասել է ընդհանուր առմամբ ավելի քան 1,2 հազար տուն ու շինություն Վենտուրայի եւ Սանտա Բարբրայի օկրուգներում: Կրակի դեմ պայքարում են շուրջ 8 հազար հրշեջներ: Տարերքի մոլեգնման պատճառով տարհանվել է մոտավորապես 100 հազար մարդ, ներկայում նրանցից ոմանց արդեն թույլատրված է վերադառնալ իրենց տներ։


Last Updated on Thursday, 21 December 2017 14:13

Hits: 5553

Ներկայացուցիչների պալատն ընդունեց հարկային բարեփոխումը

106 jpgՍուրբծննդյան հրաշալի նվեր է։ Այսպես է բնորոշել Միացյալ Նահանգների նախագահ Դոնալդ Թրամփը Ներկայացուցիչների պալատում հարկային ընդգրկուն բարեփոխման ընդունումը։ Այժմ այն ներկայացվելու է Դոնալդ Թրամփին՝ վավերացնելու համար։ Որեւէ կասկած չկա, որ նա ստորագրելու է օրինագիծը։ Ներկայացուցիչների պալատում նախագծին կողմ են քվեարկել 224 հանրապետականներ։ Բոլոր 189 դեմոկրատները, նաեւ 12 հանրապետականներ դեմ են եղել հարկային բարեփոխմանը։ Համաձայն օրենքի՝ սկսվող տարում ընկերությունների համար հարկային դրույքը կկազմի 21 տոկոս՝ ներկայիս 35 տոկոսի փոխարեն: -Մենք գերազանցեցինք բոլոր ռեկորդները՝ ընդունելով մեր երկրի պատմության ընթացքում հարկերի նվազման ամենալայնածավալ օրինագիծը։ Սա իսկապես առանձնահատուկ օր է։ Միգուցե երբեք չեք լսել այդ արտահայտությունը, բայց մենք Ամերիկան կրկին մեծ կդարձնենք,- ասել է Թրամփը։ Հարկային բարեփոխումն ընդունվել է բացառապես հանրապետական մեծամասնության շնորհիվ, Կոնգրեսի երկու պալատներում էլ դեմոկրատներն առանց բացառության դեմ էին քվեարկել։ -Նախագահի մոտ ամեն բան լավ կլինի, նաեւ կառավարության անդամների մոտ։ Այդ օրինագծի ընդունողների համար էլ ամեն բան լավ կլինի։ Նախագահ Թրամփը երկրի ամենահարուստ մարդկանց մեկ տոկոսի մեջ է մտնում, եւ նոր բարեփոխումը հենց այդ հարուստների համար է, իսկ հասարակ մարդիկ տուժելու են,- հայտարարել է Սենատում դեմոկրատական փոքրամասնության ղեկավար Չաք Շումերը։ Ներկայացուցիչների պալատը նախօրեին էլ էր կողմ քվեարկել օրինագծին,ս ակայն ավելի ուշ վերաքվերակություն էր սահմանվել, քանի որ Սենատում գտել էին, թե ընդունված նախագիծը ընթացակարգային երեք խախտոմներ ունի, որոնք պետք է վերացնել։ Նշենք, որ օրինագիծն ենթադրում է նաեւ ֆիզիկական անձանց համար հարկային դրույքների նվազեցում, ամենաբարձրը լինելու է 37 տոկոս՝ առավել հարուստների համար։ Ըստ փորձագետների հաշվարկների՝ նոր բարեփոխումը առաջիկա 10 տարում մեկուկես տրիլիոնով կավելացնի ամերիկյան բյուջեի դեֆիցիտը։ 


 

Last Updated on Thursday, 21 December 2017 14:08

Hits: 5805

Արգենտինայում ձերբակալել են հայազգի գործարարին

5Արգենտինայում ձերբակալվել է Դեպորտիվո Արմենիո ակումբի նախագահ, Ինդեպենդիենտե ակումբի փոխնախագահ Նորայր Նակիսը: Դա տեղի է ունեցել նոյեմբերի 30-ին ոստիկանների օպերատիվ գործողությունների արդյունքում: Բացի նրանից՝ նույն գործով ձերբակալվել է եւս 22 հոգի: Նորայր Նակիսը, որն արգենտինական լրատվամիջոցներին հայտնի է Նորայ անունով եւ մյուս ձերբակալվածները կասկածվում է հանցագործ խմբավորման հետ կապ ունենալու մեջ: Խմբավորումը մեղադրվում է ֆուտբոլային անօրինական բանակցություններ վարելու, ֆուտբոլիստների ու մարզիչների շահագործելու, Նակիսի միջոցով փողերի լվացման մեջ: Նշվում է, որ Նակիսն օգտագործել է խմբավորման լծակները սեփական շահերի համար բանակցություններ վարելու նպատակով: Հանցագործ խմբավորման անդամները բառաբրավայի ներկայացուցիչներ են: Լատինական Ամերիկայում այդպես են անվանում ակումբների երկրպագուների կազմակերպված խմբերին: Որպես հանցագործ խմբավորման ղեկավար ձերբակալված է նաեւ Ավեյանեդա ֆուտբոլային թիմի բառաբրավայի առաջնորդ Պաբլո Ալվարեսը, որը հայտնի է Բեբոտե մականունով: Նակիսը մտերիմ է նրա հետ: Այդ ակումբների թվում են արգենտինական Ռասինգը, Արսենալը եւ Ինդեպենդիենտեն: Ծագումով հայ Նակիսը եղել է վաճառական եւ իր կարողությունը հավաքել կտորեղենի ու ոսկեղենի վաճառքից։ Նորայր Նակիսը եղել է Արգենտինայի ֆուտբոլային ասոցիացիայի նախագահ, ՖԻՖԱ-ի նախկին փոխնախագահ Հուլիո Գրոնդոնայի շրջապատի անձանցից մեկը։ Գրոնդոնան մահացել է դեռ 2014 թվականին։ Նակիսի ձերբակալման պահին նրա հետ եղել է երգիչ Թաթա Սիմոնյանը։ Երեկ հայ համայնքի համար պետք է տեղի ունենար Թաթայի համերգը։ Դրա կազմակերպիչներից է եղել նաեւ Նակիսը։

Last Updated on Sunday, 03 December 2017 10:38

Hits: 4156

Դատարանը մեղմացրել է Էրդողանի հրոսակների մեղադրանքները

 

congress turkeyԴատարանը մեղմացրել է Թուրքիայի նախագահ Էրդողանին աջակցող թուրք հրոսակների դեմ ուղղված մեղադրանքը, որոնք մայիսի 16-ին Վաշինգթոնում Թուրքիայի դեսպանի նստավայրի մոտ հարձակվել էին խաղաղ ցուցարարների վրա: Կոլումբիայի շրջանի Գերագույն դատարանը դեկտեմբերի 21-ին ամբաստանյալների կողմից իրենց մեղքը ճանաչելու մասին կողմերի միջեւ գործարքի մասին է հայտարարել: Այսպիսով, Սինան Նարինը եւ Յըլդիրիմ Էյուպը մեկ տարի եւ մեկ օր ազատազրկման կդատապարտվեն: Դատական որոշումը պաշտոնապես կհրապարակվի մարտի 15-ին: Հիշեցնենք, որ մայիսի 16-ին Թուրքիայի նախագահ Ռեջեփ Թայիփ Էրդողանի պահակախումբը Վաշինգթոնում իր այցի ժամանակ ցուցարաների հետ կռվի էր բռնկվել: Առնվազն ինը մարդ վիրավորվել էր: Մայիսին Վաշինգթոնում Էրդողանի այցի ժամանակ ցուցարարների վրա հարձակման մեջ մեղադրվում են 19 անձինք, այդ թվում Թուրքիայի անվտանգության 15 աշխատակիցներ:


Last Updated on Thursday, 21 December 2017 14:02

Hits: 5653

Վաշինգոնում հարձակվողների մեջ եղել են Էրդողանի թիկնապահները

 

Թուրքիայի նախագահի դեմ Թուրքիայի դեսպանի տան բողոքի ակցիա իրականացնող քրդերի վրա հարձակվել են մի խումբ թուրքեր, որոնց մեջ են եղել նաեւ Թուրքիայի նախագահի եւ նրան ուղեկցող պաշտոնյաների թիկնապահները։ Վաշինգտոնում Թուրքիայի դեսպանի տան մոտ հավաքված քրդերի ձեռքին եղել է Թուրքիայում կալանքի տակ գտնվող քրդական կուսակցության առաջնորդ Սելահաթին Դեմիրթաշի նկարը։ Նշվում է, որ ոստիկանները ստիպված են եղել մահակներ կիրառել ծեծկռտուքը դադարեցնելու համար։ Բախումների կապակցությամբ 2 մարդ է ձերբակալվել: Վաշինգտոնի ոստիկանության ներկայացուցիչը ասել է, որ նրանցից մեկին ոստիկանի վրա հարձակման մեղադրանք է ներկայացվել: Ավելի վաղ հաղորդել էինք, որ Թուրքիայի նախագահի կողմնակիցները հարձակվել են բողոքի ակցիայի մասնակից խաղաղ ցուցարարների վրա: Նրանք հավաքվել էին՝ բողոքելու Վաշինգտըն Ռեջեփ Թայիփ Էրդողանի այցի դեմ: Հարձակվողների թվում Էրդողանի թիկնազորի աշխատակիցներ են եղել: Բախումների հետեւանքով 9 մարդ է տուժել: Իսկ Սպիտակ տան մոտ ակցիան խաղաղ է անցել: Նշենք, որ ամերիկահայերը միացել էին Սպիտակ տան մոտ մայիսի 16-ին կազմակերպված ակցիային, որի մասնակիցները բողոքում էին Թուրքիայի առաջնորդի կատարած այցի դեմ: Հայ դատի հանձնախումբը քրդական, հունական եւ ասորական կազմակերպությունների հետ միացել է ակցիային՝ ուշադրություն հրավիրելու համար Էրդողանի կողմից դուրս իրականացվող բռնաճնշումների վրա:Պետդեպարտամենտը հայտարարություն է տարածել, թե մտահոգված է թուրք անվտանգության աշխատակիցների ու ցուցարարների մասնակցությամբ միջադեպերով։ -Բռնությունը երբեք չի կարող համարժեք պատասխան լինել խոսքի ազատությանը ու մենք ամենուր աջակցում ենք խոսքի ազատության ու խաղաղ հանրահավաքների՝ բոլոր մարդկանց իրավունքները։ Մենք մեր ամենավճռական մտահոգությունն ենք հայտնում թուրքական կառավարությանը,- ասվում է հաղորդագրության մեջ։ Screen Shot 2017-05-18 at 12.16.52 PM

Copyright © 2012 | Amga.TV | Armenian Media Group Of America.

Top Desktop version