amga.tv

Հայաստանը չի դիտարկում ղարաբաղյան հակամարտության գոտում խաղաղապահ ուժերի տեղակայումը, ռուսական լրատվամիջոցների հետ զրույցում հայտարարել է վարչապետ Նիկոլ Փաշինյանը։ -Մեր օրակարգում նման հարց չկա, - ասել է Հայասստանի վարչապետը։ Հայաստանը նպատակահարմար չի համարում նաեւ Մոսկվա-Երեւան-Բաքու գագաթնաժողովի անցկացումը` Լեռնային Ղարաբաղում ռազմական գործողությունների պայմաններում, ընդգծել է Փաշինյանը: Ռազմական գործողությունների ընթացքում այնքան էլ տեղին չէ խոսել գագաթնաժողովի մասին, բանակցությունների անցկացման համար անհրաժեշտ են համապատասխան մթնոլորտ ու պայմաններ, ասել է Հայաստանի ղեկավարը: Նա նաեւ նշել է, թե Հայաստանի իշխանությունները ստեղծված պատերազմական իրավիճակում դիտարկում են Լեռնային Ղարաբաղի անկախության ճանաչման հարցը։ -Մենք նպատակ ունենք հարատեւ խաղաղություն ու կայունություն հաստատել տարածաշրջանում։ Մենք չենք ցանկանում, որ, օրինակ, 2-3 տարի անց այս իրավիճակը կրկնվի։ Սակայն Հայաստանը երբեք չի գործի ի վնաս իր ու Լեռնային Ղարաբաղի ազգային շահերի,- նշել է Փաշինյանը։ 

Միացյալ Նահանգներում կորոնավիրուսով վարակվածների թիվը շարունակում է աճել։ Վերջին տվյալների համաձայն, երկրում վարակվել են 65,797 մարդ։ Զոհերի թիվը հասել է 935-ի, իսկ 394 մարդ ամբողջությամբ ապաքինվել է։ Ամենածանր իրավիճակը շարունակում է մնալ Նյու Յորք նահանգում, որտեղ Ամերիկայում վարակվածների  գրեթե 50%-ն է 30,841 մարդ, իսկ զոհերի թիվը՝ 285-ի է հասել։ Նյու Ջըրզի նահանգում վարակվել է 4,402  մարդ, որոնցից 62-ը մահացել են։ Կալիֆորնիայում վարակվել է 2,998 մարդ, նրանցից մահացել են 65-ը։ Չորրորդ տեղում քըրոնավայրսի տարածմամբ, Վաշինգթոն նահանգն է՝ 2,591 վարակվածներով եւ մահվան 133 դեպքերով։ Իսկ հնգյակը եզրափակում է Միշիգընը 2,296 վարակվածներով։ Այս նահանգում մահացել է 43 մարդ։ Իրավիճակը ծանր է նաեւ Լուիզիանա, Ֆլորիդա, Իլինոյ, Ջորջիա եւ Մասաչուսեթս նահանգներում։ 

Սենատը եւ վարչակազմը համաձայնեցրել են 2 տրլն դոլարի օգնության փաթեթները։  2 տրիլիոն դոլարը կհատկացվի ուղղակիորեն, 4 տրիլիոն դոլարը՝ դաշնային պահուստի վարկերի հաշվին:

Սենատորները եւ Դանըլդ Թրամփի վարչակազմի ներկայացուցիչները համաձայնության են եկել տնտեսական խթանման մասշտաբների օրենսդրական նախագծի հարցում, որն ուղղված է կորոնավիրուսի համաճարակի հետեւանքները մեղմացնելուն։ Սենատը արդեն այսօր քվեարկություն կանցկացնի 2 տրլն դոլարի փաթեթի հարցով, որից անմիջապես հետո քվեարկություն տեղի կունենա նաեւ Ներկայացուցիչների պալատում։ -Խոսքը մեր երկիր ներդրումների մակարդակի մասին է, որը համեմատելի է պատերազմական ժամանակների հետ,- հայտարարել է հանրապետական մեծամասնության առաջնորդ Միթչ Մըքանլը՝ հայտարարելով մի քանի օր բանակցություններից հետո հանրապետականների եւ դեմեկրատների, ֆինանսների նախարար Սթիվեն Մնուչինի եւ Թրամփի բարձրաստիճան խորհրդականների միջեւ համաձայնության ձեռքբերման մասին։ -Մենք այդ նախագիծն այսօր ավելի ուշ կընդունենք,- ասել է նա։ Սենատում դեմոկրատների առաջնորդ Չակ Շումըրը հայտարարել է, որ խոսքը ամերիկյան պատմության մեջ օգնության ամենամեծ փաթեթի մասին է՝ նախաձեռնությունը անվանելով հիվանդանոցների եւ բժշկական կարիքների համար Մարշալի պլան։ Մըքանըլի խոսքերով՝ փաթեթը ենթադրում է օպերատիվ վճարումներ, որոնք պետք է օգնեն ամերիկացիներին մուծել հաշիվները, եթե նրանց աշխատանքից ազատեն համաճարակի ժամանակ, ընդլայնում է գործազրկության վճարները եւ թույլ է տալիս արտակարգ վարկեր տրամադրել փոքր բիզնեսին։ Ակնկալվում է, որ այլ դրույթները կներառեն 350 մլրդ դոլարի ընդհանուր գումարով վարկերի տրամադրում փոքր բիզնեսին եւ 250 մլրդ դոլարի գործազրկության նպաստների մեծացում։ Շումըրն ասել է, որ փաթեթը նաեւ նախատեսում է 100 մլրդ դոլար տալ հիվանդանոցներին եւ առողջապահության համակարգերին, ինչպես նաեւ լրացուցիչ գումարներ առողջապահության այլ կարիքների համար։ Եւս 150 մլրդ դոլար կուղղվի որպես համաճարակի դեմ պայքարի օգնություն նահանգներին եւ քաղաքապետարաններին։

Ադրբեջանի նախագահ Իլհամ Ալիևի դուստրերը ներգրավված են եղել անօրինական գործունեության մեջ, որը փողերի լվացման մեծ ռիսկեր է պարունակել։ Այս մասին գրում է The Guardian-ը։ Լեյլա և Արզու Ալիևաները համաձայնել են Լոնդոնում գնել 60մլն ֆունտ ստեռլինգ արժեցող էլիտար սեփականություն՝ օգտվելով գաղտնի օֆշորային ընկերությունից։ Ըստ Guardian-ի, Ալիևի դուստրերը ցանկացել են ձեռք բերել Լոնդոնի Նայթսբրիջ արվարձանում գտնվող 2 բնակարանները՝ 59,5մլն ֆունտ ստեռլինգով՝ այն 1 բնակարանի վերածելու նպատակով, որը գտնվում էր Բաքինգհեմյան պալատի մոտակայքում։ Գործարքը 2015թ-ին նախատեսում էր համալրել Իլհամ Ալիևի՝ Բրիտանիայում ունեցած բազմամիլիոն սեփականությունների շարքը։ Գնումը նախաձեռնել է Լեյլա Ալիևան այն ժամանակ, երբ նա բաժանվում էր ամուսնուց՝ ադրբեջանցի գործարար ու փոփ-աստղ Էմին Աղալարովից։ Բնակարանների ձեռքբերման համար նախատեսվում էր օգտագործել օֆշորային ընկերությունը, որը բրիտանական Child & Child ընկերության իրավաբան Խալիդ Շարիֆը գնել էր պանամական Mossack Fonseca ընկերությունից։ Այս մանրամասները հայտնվել են Բրիտանիայի կարգապահական տրիբունալում, որտեղ Խալիդը խոստովանել է, որ չի կատարել փողերի լվացման ստուգում և խախտել է մասնագիտական վարքագծի կանոնները։ Տրիբունալը նրան տուգանել է ընդհանուր 85 հազար ֆունտ ստեռլինգով։ Նշվում է, որ իրավաբանը Բրիտանիայում առաջին պրոֆեսիոնալն է, որը պատժվում է 2016թ-ի ապրիլին Guardian-ի և այլ լրտվամիջոցների կողմից Պանամական թղթերի հրապարակումից հետո։ Գործով նշվում է, որ պայմանագրերի փոխանակումից հետո Ալիևա քույրերը սկսել են վճարումներ կատարել՝ փոխանցելով ավելի քան 10մլն ֆունտ ստեռլիգ։ Սակայն գործարքը չեղարկվել է 2016թ-ին, երբ Պանամական թղթերով Ալիևների ընտանիքը կասկածվում էր մեծ մասշտաբներով փողերի լվացման մեջ։