Կորեաթաունում ավազակային հարձակում
Written by AMGA TV
Ոստիկանությունը ձերբակալել է 10 անձանց, որոնք վայրի եւ կազմակերպված հարձակում էին գործել Կորեաթաունում գտնվող ոսկեղենի խանութի վրա: Դեպքը տեղի էր ունեցել երեկ երեկոյան, ժամը 6։15-ի սահմաններում, 900 S. Western Avenue հասցեում գտնվող առեւտրի կենտրոնի St. Cross Jewelry խանութում։ Լոս Անջելեսի ոստիկանության փոխանցմամբ, խանութ էին ներխուժել 9 դիմակավորված անձինք՝ զինված ատրճանակներով եւ մեծ մուրճերով, բռնություն էին գործադրել աշխատակիցների նկատմամբ, ապա կոտրել էին ցուցափեղկերը։ Նրանք հաշված րոպեների ընթացքում հարյուրավոր թանկարժեք ժամացույցներ էին գողացել եւ հեռացել։ Կարճ ժամանակ անց Քովինայում ձերբակալել էին հարձակցվողներից երկուսին ժամացույցներում դրված GPS սարքերի միջոցով, ապա բռնել էին եւս ութ կասկածյալների, այդ թվում՝ հինգ դեռահասների։ Բոլորին մեղադրանք են առաջադրել, քննությունը շարունակվում է։
Last Updated on Saturday, 20 June 2015 11:19
Hits: 3702
Մեքսիկացի մաֆիոզներին մեղադրանք է առաջադրվել
Written by AMGA TV
Հյուսիսարեւելյան Լոս Անջելեսի երեք ավազակախմբերի մոտ երկու տասնյակ անդամների, որոնք կապեր են ունեցել մեքսիկական մաֆիայի հետ, մեղադրանք է առաջադրվել դաշնային մեծ ժյուրիի կողմից՝ ռեկետի, գումար շորթելու եւ մրցակիցների սպանելու դավադրության մեջ։ Ըստ մեղադրանքի մեքսիկական մաֆիան կապեր է ունեցել, La Eme, Ֆրագթաուն, Rascels եւ Toonrville ավազակախմբերի հետ, որոնք գործել են էտուոտըր Վիլեջի, Գլենդելի եւ Հյուսիսարեւելյան Լոս Անջելեսի տարածքում։ Ավազակախմբերի հարյուրավոր անդամներ գործել են Առնըլդ Արնի Գոնզալեսի գլխավորությամբ, որը ցմահ ազատազրկում է կրում Pelecan Bay-ում, եւ Ֆրագթաունի պարագլուխ Խորխե Գրեյի գլխավորությամբ։ Գրեյն ու Ֆրուտոզո Մենդոսան այժմ հետախուզման մեջ են։
Last Updated on Saturday, 20 June 2015 11:02
Hits: 3594
Բելգիայի վարչապետը ճանաչել է Ցեղասպանությունը
Written by AMGA TV
Բելգիայի վարչապետ Շառլ Միշելը երկրի ներկայացուցիչների պալատում իր կառավարության անունից ճանաչել է Հայոց ցեղասպանությունը։ -Ես կարծում եմ, որ 1915-1917թթ. ողբերգական դեպքերը, որոնք նախաձեռնվել էին Օսմանյան կայսրության վերջին կառավարության կողմից, պետք է որակվեն որպես ցեղասպանություն,- ասել է Շառլ Միշելը՝ պատասխանելով մեծամասնություն կազմող խմբակցության 2 պատգամավորների հարցին։ Վարչապետը նաեւ ընդգծել է Թուրքիայի եւ Հայաստանի միջեւ երկխոսության անհրաժեշտությունը։ Նա նշել է նման զանգվածային սպանությունները որակելու մեջ միջազգային դատական մարմինների առաջնային դերը եւ հիշեցրել, որ Բելգիայի Սենատը 1998թ. համապատասխան բանաձեւ էր ընդունել։ Վարչապետի հայտարարությունը ջերմ ծափողջույնների է արժանացել գրեթե բոլոր պատգամավորների կողմից։ Ողջունելով այդ հայտարարությունը՝ Նոր ֆլամանդական դաշինք կուսակցության պատգամավոր Պետեր Դե Ռովերը հայտարարել է բանաձեւի նախագիծ առաջարկելու մասին, որը թույլ կտա այդ հարցով առաջ շարժվել։
Last Updated on Saturday, 20 June 2015 10:46
Hits: 3572
Medicare-ի գործով 243 մարդ է ձերբակալվել
Written by AMGA TV
Իրավապահները 243 մարդ են ձերբակալվել 712 մլն դոլարի հափշտակության համար պետական բժշկական ապահովագրական Medicare համակարգի օգնությամբ: Ըստ արդարադատության նախարարության, ձերբակալվածների թվում են 46 բժիշկներ, բուժքույրեր եւ բժշկական ոլորտի այլ աշխատակիցներ: Ըստ իրավապահների` խարդախության մեջ մեղադրվողները բազմաթիվ անգամներ են չարաշահել իրենց ծառայողական դիրքը հանցագործություն գործելու նպատակով: Գերատեսչությունում նշում են, որ բժշկական անձնակազմը հիվանդներին հաճախ է օգնություն առաջարկել, որը նրանց կողմից չի պահանջվել եւ երբեմն նույնիսկ չի էլ տրվել: Նշվում է, որ տվյալ միջադեպը ամենախոշորն է մեղադրյալների քանակի եւ հասցված վնասի տեսանկյունից:
Last Updated on Saturday, 20 June 2015 10:57
Hits: 3598
Նոր մանրամասներ բանտի անկարգություններից
Written by AMGA TV
Լոս Անջելեսի կենտրոնական արական բանտում զանգվածային ծեծկռտուքը եղել է աֆրոամերիկացիների եւ լատինաամերիկացիների միջեւ, դանակի հարված են ստացել 10 մարդ։ Շերիֆի գրասենյակի փոխանցմամբ, նախօրեին տեղի ունեցած անկարգություններին մասնակցել է առնվազն 80 դատապարտյալ։ Կռիվը շարունակվել է մոտ 10 րոպե, սակայն լուրջ հետեւանքներ է ունեցել, դեպքի վայր հատուկ ջոկատ, շտապօգնության բրիգադներ, հրշեջ հինգ հաշվարկ, 59 փրկարարներ են բերվել։ Բանտը արգելափակվել է, մինչ պահակներին հաջողվել է դադարեցնել անկարգությունները։ Այժմ հետաքննություն է ընթանում։
Last Updated on Sunday, 07 June 2015 00:10
Hits: 3655