amga.tv

Switch to desktop Register Login

October 2012

16 October 2012

Բրազիլական ոստիկանությունը մաքրում է ֆավելաները

brazil 5Բրազիլական ոստիկանությունը՝ զրահատեխնիկայի եւ ուղղաթիռների ուղեկցությամբ, մաքրում է ֆավելաները, երեկ առավոտյան խոշոր գործողություն է սկսվել Ռիո-դե-Ժանեյրոյի աղքատ երկու թաղամասերում: Այդ շրջաններն ավանդաբար վերահսկվում են զինված թմրավաճառների կողմից: Գործողության նպատակն է մաքրել ֆավելաները քրեական խմբավորումներից եւ այնտեղ մշտապես գործող ոստիկանական բաժանմունքներ ստեղծել: Շատ տներում խուզարկություններ են իրականացվել: Նախկինում իրավապահներն աշխատում էին հեռու մնալ այդ տարածքից՝ վախենալով իրենց կյանքի համար: Գործողությանը մասնակցել է մոտ մեկուկես հազար ոստիկան եւ հատուկջոկատային: Նրանք գրեթե դիմադրության չեն հանդիպել: Որոշ տվյալներով թմրավաճառների խմբերը գործողությունից առաջ լքել էին հյուղակները: Բրազիլական իշխանությունները միջոցներ են ձեռնարկում մեգապոլիսներում հանցավորության մակարդակը նվազեցնելու համար: 2014-ին այնտեղ ֆուտբոլի աշխարհի առաջնություն, իսկ 2016-ին օլիմպիական խաղեր են կայանալու:   Read more

Հայկական ինքնաթիռը վայրէջք է կատարել Թուրքիայում

armair 4Հայկական ինքնաթիռը, որ մարդասիրական օգնություն էր տեղափոխում Սիրիայում բնակվող հայերի համար, այսօր վաղ առավոտյան վայրէջք է կատարել Թուրքիայում՝ Էրզրումի միջազգային օդանավակայանում: Վաղ առավոտից թուրքական եւ ռուսական լրատվամիջոցները ապատեղեկատվություն են տարածել, թե հայկական ինքնաթիռին հարկադրաբար՝ կործանիչների ուղեկցությամբ են ստիպել վայրէջք կատարել եւ խուզարկել են բեռնափոխադրումներով զբաղվող Air Armenia ավիաընկերության ԱՆ-32 ինքնաթիռը: Նշենք, որ Թուրքիան եւ Սիրիան փակել են օդային տարածքներն իրար համար: Ավելի ուշ Հայաստանի արտգործնախարարությունը տեղեկություն տարածեց, որ վայրէջքի համար պայմանավորվածություն է ձեռք բերվել դեռեւս մեկ շաբաթ առաջ եւ այն պլանային եղել է: Էրզրումի օդանավակայանում հայկական ինքնաթիռն անցկացրել է ութ ժամ,, որի ընթացքում թուրք սահմանապահները ստուգել են բեռը եւ համոզվել, որ արգելված բեռներ չկան: Նշենք, որ Օգնիր եղբորդ նախաձեռնությունը մոտ 40 տոննա օգնություն էր ուղարկում սիրահայերին՝ ուղարկելու ձավար, շաքարավազ, ձեթ, յուղ, ջեմ, մակարոնեղեն եւ պահածոներ: Թուրքիայում ստուգումն անցնելուց հետո հայկական ինքնաթիռը թռիչք է կատարել Հալեպ ե բարեհաջող վայրէջք կատարել՝ բեռը հասցնելով հայ համայնքին:   Read more

Թեքսասի բնակչուհուն դատապարտել են 99 տարվա ազատազրկման

mother 99 4Թեքսասի բնակչուհուն դատապարտել են 99 տարվա ազատազրկման երկամյա դստերը ծեծելու համար: Հինգ երեխաների մայր 23-ամյա Էլիզաբեթ Էսկըլոնան, ընդունել է իր մեղքը: Իրավապահներին հաջողվել է պարզել, որ անցյալ տարվա սեպտեմբերին կինը հարվածել է իր դստեր փորին, ծեծել է նրան կաթի շշով, իսկ հետո ձեռքերը սոսնձով փակցրել է պատին: Արդյունքում բժիշկները ներգանգային արյունահոսություն, կողոսկրի կոտրվածք, բազմաթիվ արյանզեղումներ եւ կծած տեղեր են  գրանցել երեխայի մարմնի վրա: Մի քանի օր աղջնակը կոմայի մեջ է եղել: Դատապարտյալի մյուս երեխաները պատմել են, որ մայրը դստերը նման կերպ պատժել է, քանի որ վերջինս չէր կարողանում դեռեւս օգտվել գիշերանոցից: Այժմ բոլոր երեխաները տատիկի հսկողության տակ են գտնվում: Դատավճռի համաձայն, Էլիզաբեթ Էսկըլոնան կարող է ներում խնդրել 30 տարի անցՄիեւնույն ժամանակ մեղադրող կողմը կնոջ համար առաջարկել էր 45 տարվա ազատազրկում, եթե վերջինս համաձայնի համագործակցել արդարադատության հետ: Սակայն դատական գործընթացի ընթացքում դատախազը համոզվել  էր, որ դատապարտյալը չի զղջացել իր արարքի համար: Արդյունքում կինը արժանացել  է խստագույն պատժամիջոցի: Read more

Endeavour-ը հասավ իր վերջնակետին

endevv 4Ամերիկյան Endeavour տիեզերանավն ի վերջո գտավ իր մշտական տեղը՝ Լոս Անջելեսի փողոցներով դեպի թանգարան ուղղություն վերցնելուց հետո։ Նախապես ծրագրված էր, որ այն Կալիֆորնիայի գիտական կենտրոն կհասներ երեկ, թեեւ նախատեսված էր, որ թանգարան էր հասնելու շաբաթ օրը երեկոյան։ Սակայն ճանապարհին հանդիպելով մի շարք խոչընդոտների՝ տիեզերանավի ընթացքը դանդաղեց։ Տիեզերանավը 2 մղոն ժամ արագությամբ կտրել է 12 մղոնանոց ճանապարհը` ընթացքում մի քանի տեղ դադար առնելով: Endeavour-ին Լոս Անջելեսի միջազգային օդանավակայանից դուրս էին բերել ուրբաթ օրը եւ թվում էր, թե այն ժամանակից ավելի վաղ էր հասնելու թանգարան։ Ըստ երեւույթին ճիշտ չէր գնահատվել այն ժամանակը, որը խլելու էին փողոցի էլեկտրականության սյուներն ու ծառերը հատելուն։ Տեղական իշխանություններն ստիպված են եղել հատել շուրջ 400 ծառ՝ Endeavour -ի ուղին մաքրելու համար: Endeavour-ի վերջին ճամփորդությանը հետեւել են հազարավոր մարդիկ։ Ինչպես ոստիկանությունն է հաղորդում, չի գրանցվել որեւէ անկարգություն, չի ձերբակալվել որեւէ մեկը։ Վթարված Չելենջերի փոխարեն 1994-ին պատրաստված Endeavour-ը Տիեզերքում անցկացրել է 299 օր: Սեպտեմբերի վերջին տիեզերանավը ԱՄՆ օդում կատարել է ցածր թռիչք` հատուկ ինքնաթիռ-կրիչի մեջքին: Endeavour-ը կշռում է 77 տոննա, ունի թեւերի 23 մ բացվածք: Հոկտեմբերի 30-ից տիեզերանավը կցուցադրվի Լոս Անջելեսի գիտական կենտրոնում:  Read more

Օբաման անդրադարձել է ավտոմեքենաշինությանը

eeekl 4ԱՄՆ նախագահ Բարաք Օբաման ամերիկացիներին իր ամենշաբաթյա ուղերձը նվիրել է Միացյալ Նահանգների ավտոմոբիլային արդյունաբերությանը: Նրա խոսքով, այսօր երկրում ավելի շատ մեքենա է վաճառվում, քան վերջին 4 տարիներին, եւ դա, ըստ Օբամայի, նրա արդյունքն է, որ իր վարչակազմը թույլ չտվեց Դեթրոյթի սնանկացումը: Նախագահն ասել է, որ Միացյալ Նահանգները խաղադրույք են կատարում ամերիկյան բանվորների եւ նրանց վարպետության վրա եւ դա արդարացնում է իրեն: Օբաման հավելել է, որ երբ որոշեց ավտոարդյունաբերությունը փրկել ձախողումից, անհետացման վտանգի տակ հայտնվեցին ավելի քան 1 միլիոն աշխատատեղեր ողջ երկրով մեկ: Այժմ, ըստ Օբամայի, Դեթրոյթում ավելի որակյալ մեքենաներ են հավաքվում, որոնք ավելի քիչ բենզին են կլանում, իսկ դա օգտակար է դրամապանակի եւ շրջակա միջավայրի համար: Օբամային ի պատասխան հանդես է եկել հանրապետական Մարկուեյն Մալլինը Օկլահոմայից, ով մասնակցում է Ներկայացուցիչների պալատի ընտրություններին: Նա քննադատել է Օբամայի քաղաքականությունը: ըստ Մալլինի, հանրապետական Միթ ռամնին փոքր բիզնեսին աջակցությունը դարձրել է իր ծրագրի մեխը, մինչդեռ նախագահ Օբաման ծանր բեռ է թողնում փոքր բիզնեսի ներկայացուցիչների վրա:   Read more

12 October 2012

Կանայք առավել զգայուն են վատ նորությունների նկատմամբ

qomaan 8The Guardian-ը նշում է, թե կանայք առավել զգայուն են վատ նորությունների նկատմամբ: Նման հետեւության են հանգել Մոնրեալի համալսարանի ուսումնասիրողները: Մարդիկ ամեն օր լսում են մեծ քանակությամբ վատ նորություններ: Գիտնականները որոշել են բացահայտել, թե որքան են դրանք ազդում մարդու վրա: Ուսումնասիրության արդյունքում նրանք անսպասելի հետեւությունների են հանգել: Վատ նորությունները սթրեսի պատճառ չեն դառնում, սակայն նվազեցնում են սթրեսակայունությունը, ընդ որում միայն կանանց մոտ: Գիտնականները կանանցից եւ տղամարդկանցից կազմված 60 կամավորների առաջարկել են կարդալ տարբեր աստիճանի էմոցիաներ առաջացնող սովորական եւ բացասական նորություններ: Փորձի ընթացքում բացահայտվել է, որ կանայք ավելի շատ են ուշադրություն դարձնում նորության մանրամասների վրա եււ ավելի լավ են այն հիշում, քան տղամարդիկ:   Read more

Նյու Յորքն առաջատար շուկա անշարժ գույքի համար

real 4Արդեն երկրորդ տարին անընդմեջ Նյու-Յորքը ճանաչվում է առեւտրային անշարժ գույքի ոլորտում իրականացված ներդրումների ծավալով աշխարհի խոշորագույն շուկան: Cushman & Wakefield-ի տվյալներով՝ մեկ տարվա ընթացքում՝ 2011 թվականի հունիսից 2012 թվականի հունիսն ընկած ժամանակահատվածում, Նյու Յորքում առեւտրային անշարժ գույքի ոլորտում իրականացվել է 34,7 մլրդ դոլարի ներդրում: Ցուցանիշը տարեկան կտրվածքով աճել է շուրջ 18,9 տոկոսով: Առեւտրային անշարժ գույքի ոլորտում իրականացված ներդրումների ծավալով երկրորդ տեղում Լոնդոնն է: Մեկ տարվա ընթացքում Լոնդոնում գրանցվել է ներդրումների 3,8 տոկոս աճ՝ կամ 29,3 մլրդ դոլարի ներդրում: Առաջատար եռյակը եզրափակում է Տոկիոն, որտեղ 2011-2012 ֆինանսական տարում ցուցանիշը կազմել է 23,9 մլրդ դոլար: Առաջին հնգյակում ընդգրկվել են նաեւ Փարիզը՝ 19.4 մլրդ դոլար, եւ Լոս-Անջելեսը՝ 17 մլրդ դոլար: Read more

Ֆրանսիայում ահաբեկիչներին մեղադրանք են առաջադրելու

 fraaan 5Ֆրանսիայի իշխանությունները հայտնել են, որ վերաորակավորել են սեպտեմբերին Փարիզի արվարձանում հրեական խանութի վրա զինված հարձակում գործած 7 անձանց գործը. այժմ կալանավորվածները կասկածվում են ահաբեկչական ցանցի անդամակցելու մեջ: Նրանց նախնական պահման վայրից տեղափոխել են քննչական մեկուսարան, որտեղ էլ սպասելու են մեղադրանք առաջադրելուն: Հոկտեմբերի 9-ին Փարիզի ստորգետնյա կայաններից մեկում հայտնաբերվել էր մեծ քանակությամբ պայթուցիկ սարք, որը թաքցնելու մեջ ոստիկանությունը կասկածում էր կալանավորվածներին: Փարիզի դատախազ Ֆրանսուա Մոլենը հայտարարել է, որ ձերբակալվածները, որոնք ամենայն հավանականությամբ, սալաֆիտներ են, վերջին 15 տարվա ընթացքում ամենավտանգավոր խմբավորման մասն են կազմում. նրա խոսքերով՝ նրանցից ոմանք պատրաստվում էին հարձակումներ իրականացնել Սիրիայում: Ծայրահեղ իսլամական խմբավորման անդամներից մեկի վրա կրակել էին անցյալ շաբաթ, մյուս 5-ն ավելի վաղ ազատ էին արձակվել: Read more

Ձերբակալել են հայտնի մաֆիոզին

maff 5Իտալիայում երեկ երեկոյան ոստիկանությունը ձերբակալել է նդրանգետա կալաբրիական մաֆիայի պարագլուխ Դոմենիկո Կոնդելլոյին: 56-ամյա Կատաղի Միչը մտնում էր առավել փնտրվող 30 հանցագոծների ցուցակի մեջ: ANSA գործակալության փոխանցմամբ, նա փախուստի մեջ էր 1992թ.-ից եւ պետք է ցմահ բանտարկություն կրի, ինչին հեռակա կարգով դատապարտվել էր սպանության համար: Բացի այդ, Կոնդելլոն մեղադրվում է մաֆիոզ գործունեության, ֆինանսական խարդախությունների ու հանցագործությունների մեջ: Հաղորդվում է, որ Կոնդելլոն ձերբակալվել է հայրենի բնակավայրում` Ռեջո դի Կալաբրիա քաղաքում, որտեղ նա գլխավորում էր Կոնդելլո, Իմերտի եւ Ֆոնտանա մաֆիոզ ընտանիքների ղեկավարների հավաքը:   Read more

Հալեպում հայ է զոհվել

hallep 6Հալեպի ծայրամասում` Գոնդոլի հրապարակում, կրկին հայ է զոհվել. ազատ բանակի դիպուկահարի փամփուշտը խոցել է 55-ամյա հայազգի Ժան Թահանին: Ինչպես հայտնել է Բերիո թեմի առաջնորդարանի մամլո խոսնակ Ժիրայր Ռեիսյանը, ըստ տվյալների` նույն փամփուշտը խոցել է նաեւ մեկ այլ հայազգի երիտասարդի`Հովիկ Թամփալյանին, ով, նախնական տեղեկություններով, 25 տարեկան է: Վերջինս այժմ գտնվում է բժիշկների հսկողության տակ. նրա վիճակը մտահոգիչ չէ: Ի դեպ, հաստատվել են նաեւ այն լուրերը, որ հոկտեմբերի 10-ի կեսօրին Հալեպի Նոր Գյուղ շրջանում կրկին դիպուկահարների փամփուշտից վիրավորվել է 35-ամյա Գեւորգ Թալշյանը: Բժիշկների տեղեկացմամբ` փամփուշտը դեռ գտնվում է Թալշյանի մարմնում: Նա եւս այժմ գտնվում է բժիշկների հսկողության ներքո է եւ նրա կյանքին, բարեբախտաբար, վտանգ չի սպառնում:   Read more

Powerd by Bloogie

Copyright © 2012 | Amga.TV | Armenian Media Group Of America.

Top Desktop version