amga.tv

Switch to desktop Register Login

August 2012

21 August 2012

Ողջ է մնացել սարսափելի դեպքից հետո

Gang 5Բրազիլացի 24-ամյա շինարարը ողջ է մնացել այն բանից հետո, երբ 1,8-մետրանոց մետաղե ձողը վերեւից ընկել է եւ անցել գանգի միջով: Ձողն ընկել է հինգհարկանի շենքի բարձրությունից, ծակել սաղավարտը եւ դուրս եկել աչքերի մեջտեղից: Հինգժամանոց վիրահատությունից հետո Ռիո դե Ժանեյրոյի հիվանդանոցի բժիշկները հաջողությամբ դուրս են բերել երկաթը ձողը երիտասարդի գանգից: Չնայած սարսափելի վնասվածքին` հիվանդի վիճակը կայունացել է եւ նրան սովորական հիվանդասենյակ են տեղափոխել: Նրան հրաշքով է հաջողվել խուսափել մասնակի կաթվածահարումից եւ մեկ աչքից զրկվելուց: Ամենազարմանալին եղել է այն, որ հիվանդանոց տեղափոխվելիս նա ասել է, թե ցավ չի զգում: Բժիշկների խոսքով` միայն երջանիկ պատահականությամբ ձողը չի վնասել ուղեղի` հիմնական ֆունկցիաների համար պատասխանատու հատվածը: Էդուարդո Լեյտեն առնվազն երկու շաբաթ կանցկացնի հիվանդանոցում: Բժիշկների խոսքերով` Լեյտեն հաջողությամբ է տարել վիրահատությունը, դրա բացասկան հետեւանքները չի կրելու եւ գրեթե ցավ չի զգացել:   Read more

Նոր սարսափելի գտածո Կանադայում

cccan 3Ոստիկանները սարսափելի գտածո են արել Տորոնտոյի մերձակայքում: Մարմնի առանձին մասեր, երկու ձեռք, գլուխ եւ ոտք, հայտնաբերվել են գետում` Միսիսոգա քաղաքից ոչ հեռու: Զոհի ինքնությունը դեռ չի պարզվել: Առայժմ անհայտ է` արդյոք դրանք պատկանում էին նույն մարդուն, թե ոչ: Դա հնարավոր է պարզել միայն փորձաքննության արդյունքում, սակայն իրավապահները հակված են կարծել, որ դրանք նույն մարդուն են պատկանում: -Ելնելով հանգամանքներից եւ հաշվի առնելով ընդհանուր պատկերը, մեծ է հավանականությունը, որ դրանք մեկ մարմնի մասեր են: Ոստիկանության ներկայացուցիչները պնդում են, որ հանցագործությունը որեւէ կապ չունի կանադացի պոռնոդերասան Լուկա Մանտոյայի գործին: Վերջինս սպանել էր չինացի ուսանողին եւ մնացորդներն ուղարկել էր քաղաքական կուսակցությունների գրասենյակներ: Մանտոյային հետախուզել եւ հայտնաբերել էին Բեռլինում:   Read more

Նայադը կրկին փորձում է լողալով հասնել ԱՄՆ

nayad 6ԱՄՆ-ի վետերան լողորդներից 62-ամյա Դայանա Նայադը փորձում է պատմության մեջ դառնալ առաջին լողորդը, որը Կուբայից դեպի ԱՄՆ է լողալով անցել առանց շնաձկներից պաշտպանվելու համար հատուկ վանդակների։ Սա արդեն նրա չորրորդ փորձն է: Նայադն օվկիանոսն է մտել շաբաթ օրը եւ նախատեսում է 166 կիլոմետրանոց ուղին ալեկոծված ջրերի միջով ավարտել վաղը, երբ լրանում է իր ծննդյան 63 ամյակը։ Նա այս քայլով փորձում է նաեւ նոր հնարավորություն ստեղծել ԱՄՆ-ի ու Կուբայի միջեւ հարաբերությունները բարելավելու համար։Նայադը այս նույն ճանապարհը փորձել է անցնել 1978 թվականին, 28 տարեկան հասակում, սակայն շնաձկներից պաշտպանվող վանդակի ուղեկցությամբ։ Սակայն ուժեղ ալիքները ստիպել էին նրան լողն ավարտել 42 ժամ անց։ Ավստրալիացի 49 -ամյա Փենի Փալֆրեյն իր փորձն ավարտել էր 41 ժամ անց։ Անցած տարվա սեպտեմբերին Նայադը ստիպված է եղել վաղաժամկետ դադարեցնել լողը` կապված այն բանի հետ, որ նրան մի քանի անգամ կծել էին պորտուգալական նավակ կոչվող մեդուզաները: Բժիշկները նախազգուշացրել էին, որ եւս մեկ հարձակումը կարող է վտանգավոր լինել նրա կյանքի համար: Այս անգամ նա գիշերները կհագնի հատուկ պաշտպանական կոստյում: Նրա տեղաշարժին կհետեւեն շնաձկների եւ մեդուզաների փորձագետները:   Read more

Նշանավոր ռեժիսորն ինքնասպան է եղել

Scott 4Նշանավոր բրիտանացի ռեժիսոր Թոնի Սքաթը՝ ռեժիսոր Ռիդլի Սքաթի կրտսեր եղբայրը, ինքնասպանություն է գործել Կալիֆոռնիայում՝ ցած նետվելով Լոս Անջելեսի Վինսընթ Թամըսի կամրջից: Մոտակա ավտոկայանատեղում հայտնաբերվել է 68-ամյա Սքաթի մեքենան, որում հետմահու նամակ է հայտնաբերվել, սակայն բովանդակության մասին չի հաղորդվում: Թոնի Սքաթը ծնվել է 1944 թվականի հունիսի 22-ին Մեծ Բրիտանիայում: Նրա գործունեությունը սկսվել է 16 տարեկանից, երբ ավագ եղբայրը` Ռիդլի Սքաթը նրան առաջարկել է նկարահանվել իր կարճամետրաժ ֆիլմում: Այնուհետեւ նա կենտրոնացել է գովազդի վրա, իսկ 70-80 -ականներին Սքաթը տեղափոխվել է Հոլիվուդ եւ սկսել է համագործակցել MGM ընկերության հետ: 68-ամյա Սքաթը կինոռեժիսորի կարիերան սկսել էր 1983-ից՝ հիմանականում Հոլիվուդում: Նա նկարահանել է 16 ֆիլմ, որից հայ հանդիսատեսին առավել հայտնի են Ամպրոպի օրերը՝ Թամ Քրուզի եւ Պետության թշնամին ՝ Ուիլ Սմիթի մասնակցությամբ: Նրա ստեղծած ֆիլմերից նշանավոր են Լավագույն հրաձիգ, Լրտեսական խաղեր ֆիլմերը: Էկրաններին հայտնված Սքաթի վերջին գործը դարձել է Անկառավարելին ֆիլմը, 2010 թվականին: Էնթընի Սքաթը աշխատել է այնպիսի նշանավոր դերասանների հետ ինչպիսիք են Դենզըլ Վաշինգտոնը,Դեւիդ Բոուինը, Թամ Քրուզը, Հերի Օլմընը: Թոնի Սքաթը ֆրանսահայ երկգչուհի Սիլվի Վարդանի երկրորդ ամուսինն է եղել: Եվ քանի որ Սիլվի Վարդանը երեխա չեր կարող ունենալ, զույգը ժամանակին մի բուլղարացի աղջկա էր որդեգրել: Read more

Օբաման եւ Ռայանը քննադատում են իրար

rrray 4ԱՄՆ նախագահի թեկնածուներ, հանրապետական Միթ Ռամնիի եւ դեմոկրատ Բարաք Օբամայի նախընտրական շտաբները հանգստյան օրերը նվիրել են տնտեսության խնդիրների մասին քարոզչական միջոցառումներին: Փոխնախագահի հանրապետական թեկնածու Փոլ Ռայընը խոստացել է, որ հանրապետականները իշխանության գալուց հետո տարեցներին կպաշտպանեն առողջապահության պետական Medicare ծրագրի ֆինանսավորման կրճատումից: Ելույթ ունենալով Ֆլորիդա նահանգի Դը Վիլիջիս քաղաքում, տարեց ընտրողների առջեւ, Ռայընը պատմել է, թե իր հարազատներն էլ օգտվում են այդ ծրագրից: Քաղաքական գործչի մայրը 78 տարեկան է, եւ ըստ Ռայընի իրենք ամեն ինչ անելու են տարեցների արտոնությունները պահպանելու համար: Ռայընը քննադատել է Օբամային Medicare հիմնադրամի ֆինանսավորումը 716 միլիոն դոլարով կրճատելու որոշման համար: Այդ միջոցները նախագահի աշխատակազմը մտադիր է ուղղել առողջապահական բարեփոխման ֆինանսավորման ուղղությամբ: Նախագահ Օբաման իր հերթին հանդիպել է Նյու Հեմփշիրի ընտրողներին եւ խստորեն քննադատել հանրապետական մրցակիցների տնտեսական քաղաքականությունը: Օբաման հայտարարել է, թե հարկերի նվազեցման Ռամնիի ծրագիրը օգտակար կլինի միայն հարուստների համար, մինչդեռ միջին դասի ընտանիքների հարկերը կավելանան միջինը 2 հազար դոլարով: Ըստ նախագահի, Ռամնիի առաջարկը չի կարող նոր աշխատատեղեր ստեղծել, կրճատել դեֆիցիտն ու զարգացնել տնտեսությունը: Օբաման նաեւ լուրջ քննադատության է ենթարկել կոնգրեսական, փոխնախագահի թեկնածու Փոլ Ռայընի տնտեսական ծրագիրը` նշելով, որ նա մտադիր է վերացնել առողջապահության բարեփոխումը` փոխարենը ոչինչ չառաջարկելով: Read more

18 August 2012

Ահաբեկչություններ Իրաքում

iraqqq 9Օգոստոսի 17-ին Իրաքում տեղի ունեցած ահաբեկությունների ալիքին զոհ են գնացել ամենաքիչը 90 մարդ, ավելի քան 250 մարդ վրավորվել է: 15 քաղաքներում որոտացել են ականապատ մեքենաների եւ ինքնաշեն ռումբերի պայթյուններ: Միայն Բաղդադում զոհվել է 26 մարդ: Փորձագետները կարծում են, որ զինյալների գործողությունները հստակ կանոնակարգված են եղել: Առավոտյան երկու ռումբ է պայթել Բաղդադում եւ Սադրեյում: Օրվա մեջ մեքենա է պայթել Կիրկուկում: Երբ դեպքի վայր են ժամանել ոստիկանները, երկրոդ պայթյունն է որոտացել: Երեկոյան զինյալները հարձակվել են Միշադ քաղաքի ամերիկյան անցակետերի վրա: Այնուհետեւ ես մեկ ահաբեկչություն է տեղի ունեցել իրաքյան մայրաքաղաքում. ռումբը տեղադրված է եղել պաղպաղակի խանութի մոտ: Տուժածների մեջ շատ է երեխաների թիվը: Դեռեւս ոչ մի արմատական խմբավորում իր վրա չի վերցրել տեղի ունեցած ահաբեկչությունների պատասխանատվությունը: Իրաքից ամերիկյան զորքերի դուրս բերումից 7 ամիս անց այս պայթյունների շարքը դարձել է ահաբեկիչների ամենախոշոր գործողությունները: Իրաքում օգոստոսի սկզբից բռնությունների զոհ է դարձել արդեն 198 մարդ:  Read more

Ձերբակալել են մաֆիայի հայտնի դեմքերից Ֆրանչեսկո Մատրոնեին

matrone 3Իտալիայի հարավում ոստիկանությունը ձերբակալել է մաֆիայի հայտնի դեմքերից մեկին` Ֆրանչեսկո Մատրոնեին, ով հայտնի էր «Գազան» մականունով: Մատրոնեն ձերբակալվել է այսօր Բատտիպալիա քաղաքում: Իտալիայի ամենավտանգավոր 10 հանցագործների ցուցակում ընդգրծված մաֆիայի ներկայացուցչի ձերբակալման համար ներգրավվել են մոտ 100 ոստիկան, ուղղաթիռ, ինչպես նաեւ կինոլոգների խումբ: 65-ամյա Ֆրանչեսկո Մատրոնեն ղեկավարում էր իր անվանումը կրող կլանը, որն էլ մտնում էր նեապոլիտանական «Կամորրո» խմբավորման մեջ: 2007 թ. նա հաջողացրել էր փախնել բանտից եւ մինչ ձերբակալումը թաքնվում էր ոստիկանությունից: Մատրոնեն երկու անգամ դատապարտվել է ցմահ ազատազրկման` երկու մարդ սպանելու համար:   Read more

Ինքնասպան է եղել գործարար Միշա Քալանթարյանը


ttt 8Ոստիկանության Էրէբունի բաժնում ահազանգ է ստացվել, որ Ազատամարտիկների 183 (Նախկին Դիմիդրով) հասցեում, ըստ նախնական տեղեկությունների հրազենով ինքնասպան է եղել հայտնի գործարար Միշա Քալանթարյանը: Նա հայտնի Հայրապետյան եղբայրներից մեկն էր, ուղղակի ազգանունը Քալանթարյան էր գրվում: Ֆոտոլրագրող Գագիկ Շամշյանի փոխանցմամբ, Հայրապետյան եղբայրներին են պատկանում Երեւանի Գաջի գործարանը, «Հայաստան» հանրախանութը, Արեացիա թաղամասում գտնվող ձիարշավարանը եւ BMW խանութների ցանցը: Դեպքի վայրում հավաքվածները պատմել են, որ Միշա Քալանթարյանը ինքնասպան է եղել ՏՏ տեսակի ատրճանակից կրակելով իր գլխին: Զենքը հայտնաբերվել եւ առգրավվել է, նշանակվել է հետքաբանական մատնադրոշմային փորձաքննություն: Արդեն ժամանել են նաեւ Ոստիկանության քննչական գլխավոր վարչության Երեւանի քննչական վարչության էրեբունու քննչական բաժնի քննիչները: Read more

Pussy Riot խմբի անդամներին դատապարտել են

pussy 7Մոսկվայի Խամովնիչեսկի շրջանային դատարանը Pussy Riot խմբի անդամներ Նադեժդա Տոլոկոննիկովային, Մարիա Ալյոխինային եւ Եկատերինա Սամուցեւիչին դատապարտել է երկու տարվա ազատազրկման ընդհանուր ռեժիմի գաղութում: Նրանց կալանքի ժամկետը հաշվարկվելու է ձերբակալման պահից: Մեղադրողն աղջիկների համար պահանջել էր երեք տարվա ազատազրկում: Հիշեցնենք` Pussy Riot փանք խմբի անդամներն արդեն հինգ ամիս է` անազատության մեջ են. նրանց դատում են Մոսկվայի Քրիստոս Ամենափրկիչ տաճարում փետրվարի 21-ին կատարած ակցիայի համար, որի ընթացքում աղջիկները Տիրոջն աղոթել են Պուտինին վտարելու համար։ Ռուս Ուղղափառ Եկեղեցին կտրուկ դատապարտել էր աղջիկների արաքը, իսկ դատախազությունը մեղադրանք առաջադրել խուլիգանության հոդվածով: Դատարանը աղջիկներին մեղավոր է ճանաչել խուլիգանության մեջ: Փանկ-խմբի անդամներն իրենց մեղքը չեն ընդունել, իսկ պաշտպանական կողմը հայտարարել է, թե Քրիստոս Փրկչի տաճարում տեղի ունեցածը քաղաքական ակցիա է եղել: Վճռի հրապարակման պահին դատարանի մոտ Pussy Riot-ի հարյուրավոր կողմնակիցներ են եղել, որոնցից շատերին ոստիկանությունը ձերբակալել է: Ձերբակալվածների մեջ է եղել նաեւ շախմատի աշխարհի չեմպիոն Գարրի Կասպարովը, որին դաժանաբար ծեծել եւ տեղափոխել են ոստիկանական բաժանմունք: Այսօր Pussy Riot-ի սատարման ակցիաներ են տեղի ունեցել Ռուսաստանի և աշխարհի շատ քաղաքներում:   Read more

Նոր Օռլեանում ոստիկանների են գնդակահարել

luisian 3Երեկ առավոտյան Լուիզանա նահանգի Նոր Օռելան քաղաքում տեղի ունեցած հրաձգության պատճառով երկու ոստիկան է սպանվել: Ամեն ինչ սկսվել է այն բանից հետո, երբ անհայտ անձը չբացահայտված պատճառներով կրակ է բացել կողմնային ճանապարհի օժանդակ գծի վրա աշխատող ոստիկանի ուղղությամբ: Ոստիկանը վիրավորվել է, վկաները օգնություն են կանչել` հեռախոսով նկարագրելով մեքենան, որը արագ հեռացել է դեպքի վայրից: Ոստիկանությունը հետեւել է մեքենային մինչեւ մոտակայքում գտնվող զբոսայգի: Այնտեղ ոստիկանները հարցաքննել են բեռնատարներից մեկի երկու կասկածյալ ուղեւորներին: Այդ պահին բեռնատարից դուրս է եկել դեպքի երրորդ մասնակիցը եւ կրակ է բացել շերիֆի ներկայացուցիչների նկատմամբ: Երկու ոստիկանները սպանվել են: Պատասխան կրակով ոստիկանությունը կարողացել է վիրավորել երկու հանցագործների, իսկ հետո տեղում ձերբակալել 5 մարդ: Ձերբակալվել է եւս երկու ոստիկան: Շերիֆի օգնականներից մեկը վիրահատվել է, եւ ըստ բժիշկների նրա կյանքին ոչինչ չի սպառնում: Լուիզանայի նահանգապետը սգո օր է հայտարարել, վարչական շինությունների վրայից իջեցվել են պետական դրոշները:   Read more

Powerd by Bloogie

Copyright © 2012 | Amga.TV | Armenian Media Group Of America.

Top Desktop version