16 August 2012
Հիպերձայնային հրթիռի փորձարկումն ավարտվել է անհաջողությամբ
- Article Details
- Published on Thursday, 16 August 2012 22:51
- Written by
Հիպերձայնային անօդաչու թռչող ապարատի փորձարկումը, որն ԱՄՆ-ի ռազմածովային ուժերը կատարել են Խաղաղ օվկիանոսի վրա, 
ավարտվել է անհաջողությամբ: Այս մասին հաղորդել է Օհայոյի նահանգի Ռայթ Փատերսըն ռազմաօդային կայանի գիտական լաբորատորիայի ներկայացուցիչը: Նա պարզաբանել է, որ կառավարվող կայունարարի համակարգում անսարքությունները թույլ չեն տվել միացնել ռեակտիվ շարժիչը: Նրա խոսքով՝ դրա պատճառով X-51A Waverider անվանումն ստացած ապարատի թռիչքն ընդհատվել է: Ինքնաթիռից առանձնանալուց 16 վայրկյան անց ապարատը կորցրել է կառավարումն ու մասնատվել` ընկնելով Խաղաղ օվկիանոսի ջրերը: X-51A հիպերձայնային անօդաչու թռչող ապարատի հերթական փորձարկումը, որը կարող է զարգացնել ժամում 5,8 հազար կիլոմետր արագություն, տեղի է ունեցել օգոստոսի 14-ին: Ըստ կոնստրուկտորների մտահղացման՝ X-51A-ն պետք է դառնա այն անօդաչու թռչող ապարատների նախատիպը, որոնք կարող են հաշված րոպեներում հրթիռային զենքը հասցնել նպատակին, ինչպես նաեւ հիպերձայնային մարդատար ինքնաթիռների նախատիպը: Վերջին տասնամյակում Պենտագոնը նման ապարատների ստեղծման ծրագրերի վրա ծախսել է շուրջ 2 միլիարդ դոլար: Մինչ օրս անցկացվել են X-51A Waverider-ի 3 փորձարկումներ: Առաջինը, որն իրականացվել է 2010 թվականին, համարվել է 95 տոկոսով բարեհաջող: Երկրորդ փորձարկումն անցկացվել է 2011-ին` անհաջող: Boeing ընկերությունը, որը զբաղվում է X-51A-ի մշակմամբ, ստեղծել է հրթիռի 4 նախատիպ: 4-րդ հրթիռի փորձարկման ժամկետը դեռեւս հայտնի չէ: Read more
16 August 2012
Օքսնարդում ոստիկանները կասկածյալի են գնդակահարել
- Article Details
- Published on Thursday, 16 August 2012 22:43
- Written by
Ոստիկանները գնդակահարել է կասկածյալին, ով սպառնալիք է ստեղծել իրավապահների համար: Միջադեպը տեղի է ունեցել երեկ երեկոյան, Օքսնարդում: Ոստիկանությունն ահազանգ է ստացել 300 block of South H Street-ում զինված տղամարդու առկայության մասին: Երբ իրավապահները ժամանել են, 36-ամյա Մայքլ Մահոնին զենքը պահել է իր գլխին: Սակայն այնուհետ նա փախուստի է դիմել դեպի հարեւանի տուն: Այնտեղից կրակոց է լսվել, եւ իրավապահները ստիպված են եղել կրակել Մահոնիի ուղղությամբ: Կասկածյալին տեղափոխել են հիվանդանոց, որտեղ էլ նա մահացել է: Միջադեպի հետեւանքով այլ անձինք չեն տուժել, քննիչները հետաքննություն են սկսել: Read more
16 August 2012
Աֆղանստանում ՆԱՏՕ-ի ուղղաթիռ է ընկել
- Article Details
- Published on Thursday, 16 August 2012 22:39
- Written by
ՆԱՏՕ-ն հայտնել է Աֆղանստանի հարավում դաշինքի ուղղաթիռներից մեկի վթարի ենթարկվելու մասին: Վթարին զոհ է գնացել 11 զինծառայողներ: Հյուսիսատլանտյան դաշինքի հաղորդագրության համաձայն, հինգշաբթի օրը տեղի ունեցած վթարի պատճառով զոհվել է ամերիկացի 7 զինծառայող: Վթարին զոհ է գնացել նաեւ Աֆղանստանի զինված ուժերի երեք ծառայող եւ մեկ թարգմանիչ: Վթարի պատճառները դեռեւս հայտնի չեն, անցկացվում է հետաքննություն: Լրացուցիչ որեւէ տեղեկություն ՆԱՏՕ-ն դեռեւս չի տրամադրել: Հիշեցնենք, որ Աֆղանստանի Վարդակ նահանգում անցյալ տարի զինյալների կողմից խփված Չինուկ տեսակի ուղղաթռի կործանման պատճառով զոհվել էր Միացյալ Նահանգների զինված ուժերի 30 ծառայող: Read more
16 August 2012
Գեներալը մեղադրվում է բյուջետային գումարները վատնելու մեջ
- Article Details
- Published on Thursday, 16 August 2012 22:36
- Written by
Բյուջետային հարյուր հազարավոր դոլարներ սեփական նպատակների համար ծախսելու մեջ է կասկածվում չորսաստղանի գեներալ Ուիլյամ Ուորդը: Եթե նրա նկատմաբ մեղադրանքները հաստատվեն, ապա նրան սպասվում է ամոթալի հրաժարական, կոչումի իջեցում եւ թոշակային կուտակումների մասնակի կորուստ: Վատագույն դեպքում նրա դեմ քրեական գործ կարող է սկսվել: Նրան մասնավորապես կասկածում են` ռազմական ինքնաթիռներն իր ընտանիքի անդամների տեղափոխման համար օգտագործելու եւ շքեղ հյուրանոցների վրա բյուջեի գումարները ծախսելու մեջ: Ներկա դրությամբ ամփոփիչ զեկույցն ուսումնասիրվում է ռազմական փաստաբանների կողմից, այնուհետեւ այն կհայտնվի Լիոն Պանետայի սեղանին: Read more
16 August 2012
Enterprise-ը մտավ Պարսից ծոց
- Article Details
- Published on Thursday, 16 August 2012 22:31
- Written by
Արաբական ծովում պարեկություն կատարող ամերիկյան Enterprise ատոմային ավիակիրը, հրթիռային հածանավի եւ էսկադրոնային ականակրի ուղեկցությամբ, մտել է Պարսից ծոց: Պենտագոնն այս տեղեկությունը դեռ պաշտոնապես չի հաստատել, սակայն, ինչպես հաղորդում են Մեծ Բրիտանիայի թագավորական ռազմածովային նավատորմից, ԱՄՆ ռազմածովային ուժերի ավիակրի հարվածային խմբին միացել է բրիտանական Diamond էսկադրոնային ականակիրը, որը վերջես էր մտել Պարսից ծոց՝ պարեկության համար: Ամերիկյան նավերի հետ բրիտանական էսկանդրոնային ականակիրը մշակում է հավանական հակառակորդի ավիացիայից ավիակրի խմբի հակաօդային պաշտպանության գործողությունների ծրագիր: Այս պահին Արաբական ծովում ռազմական պարեկությունը շարունակում է ԱՄՆ ռազմածովային ուժերի ականակրային հավածային խումբը՝ Էյզենհաուեր ատոմային ավիակրի գլխավորությամբ: Read more
16 August 2012
Բարերից մեկում 9 մարդու են սպանել
- Article Details
- Published on Thursday, 16 August 2012 03:51
- Written by
Մի խումբ զինված անձինք հարձակում են գործել մեքսիկական Մոնտերեյ քաղաքի բարի վրա, ինչի հետեւանքով զոհվել է 9 մարդ: Agence France-Presse-ի փոխանցմամբ, հարձակվողները բարին մոտեցել են 3 ավտոմեքենաներով, որից հետո ներխուժել են բար եւ կրակ բացել: 4 մարդ տեղում սպանվել է, եւս 5-ը ստացած վնասվածքներից մահացել են հիվանդանոցներում: Նրանք եղել են բարի աշխատողներ: Հարձակումից հետո հանցագործները թաքնվել են դեպքի վայրից: Ոստիկանությունը փորձում է պարզել միջադեպի պատճառները: Մոնտերեյ քաղաքը հանդիսանում է Զետաս եւ Գոլֆո թմրակարտելների առճակատման թատերաբեմ: Քաղաքում խմբավորումները սկսել են իրենց դիրքերի համար պայքարել 2010 թվականից: 2006թ.-ից Մեքսիկայի կառավարությունը թմրահանցագործության դեմ պատերազմ է իրականացնում: Թմրակարտելների եւ անվտանգության ուժերի բախումներն այդ պահից մինչ օրս ավելի քան 50 հազար մարդու կյանք են խլել: Read more
Բրոկերին սպառնում է 155 տարվա ազատազրկում
- Article Details
- Published on Thursday, 16 August 2012 03:43
- Written by
Peregrine Financial Group բրոկերային ընկերության հիմնադիր եւ ղեկավար Ռասըլ Վեիզընդորֆին ներկայացվել է ֆինանսական կարգավորիչներին ոչ ստույգ հաշվետվություն ներկայացնելու մեղադրանք: Reters-ի փոխանցմամբ` առավելագույն հնարավոր պատիժը կարող է կազմել 155 տարվա ազատազրկում եւ 7.75 միլիոն դոլարի տուգանք: Նշենք, որ Ռասըլ Վեիզընդորֆը ձերբակալվել էր հուլիսի կեսերին: Ձերբակալությունից մի քանի օր առաջ նա փորձել էր ինքնասպանություն գործել` թողնելով գրություն, որում պատմել է, թե ինչպես 20 տարի շարունակ ոչ ստույգ տեղեկատվություն է ներկայացրել հաճախորդներին եւ կարգավորիչ մարմիններին PFGBest-ի ֆինանսական վիճակի մասին: Մեքենայությունների միջոցով նա յուրացրել է ավելի քան 200 միլիոն դոլար: Վեիզընդորֆի նախկին հաճախորդները կարծում են, որ նա արժանի է ամենախիստ պատժի: Read more
Բանկի կողոպտչին սպանել են
- Article Details
- Published on Thursday, 16 August 2012 03:32
- Written by
Ոստիկանությունը Ֆոլսըմում կրակել եւ սպանել է բանկի կողոպուտների մեջ կասկածվող անձին տեւական հետապնդումից հետո: Ոստիկանները ստիպված են եղել կրակ բացել, երբ փախչող կողոպտիչը ներխուժել է տներից մեկը եւ սպառնալիք ստեղծել քաղաքացիական անձանց համար: Կասկածյալը փախել է ավտոկանգառից եւ նրան հետապնդել են մի խումբ ոստիկաններ: Իրավապահները վերջինիս կասկածել են բանկի կողոպուտի մեջ: Սպանվածի անունը չի հաղորդվում` նախաքննության շահերից ելնելով, ոստիկանությունը հետաքննություն է սկսել` պարզելու դեպքի հանգամանքները: Read more
ԱՄՆ-ում անտառային հրդեհների օջախները գերազանցել են 80-ը
- Article Details
- Published on Thursday, 16 August 2012 03:25
- Written by
Միացյալ Նահանգների տարածքում ներկայումս գրանցվել է անտառային հրդեհների ավելի քան 80 օջախ: Ամենախոշորները երկրի արեւմուտքում են: Երկրի արեւմուտքում ներկայումս հրդեհի 62 օջախ կա: Հրդեհը մի քանի տասնյակ շինություններ է ոչնչացրել: Զոհվել է մեկ հրշեջ: Առավել դրամատիկ իրավիճակ է Վաշինգտոն նահանգում, որտեղ վերջին երկու օրերի ընթացքում կրակն իր տիրապետության տակ է առել 107 քառակուսի կմ տարածք: Հրդեհի արագ տարածմանը նպատասում են շոգ եւ չորային եղանակը եւ ուժեղ քամին: Այրվել է 60 տուն: Տարհանվել են 500 ընտանիքներ: Հրդեհը տեղայնացնել դեռեւս չի հաջողվում: Խոշոր հրդեհը, որի մակերեսը կազմում է 1700 քառակուսի կմ, արդեն 10-րդ օրն է` իր դիրքերը չի թուլացնում Նեվադա եւ Օրեգըն նահանգների սահմանին: Հրդեհի դեմ պայքարում են 750 հրշեջներ: Ավիատեխնիկայի կիրառմամբ հնարավոր է եղել կասեցնել կրակի անվերահսկելի տարածումը: Սան Ֆրանցիսկո քաղաքի շրջանում հրդեհը ոչնչացրել է 7000 հազար ակր անտառային տարածք: Աղետի գոտուն մոտ գտնվում են 500 քոթեջներ եւ բնակելի բարձրահարկ շինություններ: Տեղի բնակիչների մեծ մասը ինքնակամ լքել է տները, հրդեհաշիջման աշխատանքները դժվարանում են շոգ եւ չոր եղանակի պատճառով: Կրակը սպառնում է նաեւ ազգային արգելոցներին, օրինակ Լասսենին եւ Ջաշուա Թրիին: Դա հանգեցրել է ճանապարհների եւ տուրիստական ճամբարների փակմանը: Հրդեհներ են նաեւ Ռիվըրսայդ շրջանում, բնակիչներից մեկը լուրջ այրվածքներ է ստացել եւ գտնվում է ծայրահեղ ծանր վիճակում, եւս երկու հրշեջներ թեթեւ վնասվածքներ են ստացել: Այրվել է 2 հազար ակր տարածք: Հրդեհներ են նաեւ Կոլորադոյում եւ Նյու Մեքսիկոյում: Read more
Թենեսիում ինքնաթիռներն իրար են բախվել
- Article Details
- Published on Thursday, 16 August 2012 03:17
- Written by
Թեննեսի նահանգի Նեշվիլլ քաղաքի միջազգային օդանավակայանում բախվել են երկու ինքնաթիռներ: Միջադեպը տեղի է ունեցել աշխատանքային օրվա թեժ պահին: Մասնավոր մարդատար օդանավը, վայրէջքից հետո գետնավարելով դեպի կայանման վայր, մխրճվել է թեթեւաշարժիչ ինքնաթիռի մեջ: Չնայած այն բանին, որ հարվածը շատ ուժեղ չի եղել, երկու օդանավերն էլ վնասվածքներ են ստացել: Տուժածների մասին չի հաղորդվում: Դաշնային ավիացիոն վարչությունը հետաքննություն է սկսել` պարզելու վթարի հանգամանքները: Հիշեցնենք, որ օգոստոսի 11-ին Վաշինգտոնի՝ Դալեսի անվան միջազգային օդանավակայանում տեղի է ունեցել համանման արտակարգ պատահար: Դեպի թռիչքագոտի գետնավարելիս Լյուֆտհանզա ընկերության A-330 աերոբուսը, որը մեկնում Էր Մայնի Ֆրանկֆուրտ, թեւով թեթեւակի դիպել էր ոչ մի մեծ տուրբապտուտակային ինքնաթիռի պոչին, որը ժամանել էր Փիտսբուրգից: Read more
Powerd by Bloogie