Մահացու վթար թիվ 5 մայրուղու վրա

Article Details

Published on Wednesday, 21 November 2012 00:48

Category Press Review

Լոս Անջելեսի 25-ամյա բնակիչը մահացել է, երբ նրա մեքենային ճանապարհի վրա ետեւից մեկ այլ մեքենա է բախվել: Դեպքը տեղի է ունեցել Գլենդելի մոտ` թիվ 5 եւ 134 մայրուղիների հատման հատվածում: Բախման հետեւանքով մեքենան ցած է ընկել եւ բռնկվել: Կալիֆոռնիայի ճանապարհային ոստիկանության փոխանցմամբ, Honda Accord-ը ետեւից հարվածել եւ ցած է գլորել Ford Focus մակնիշի մեքենային: Վերջինիս վարորդը, ում անունը չի հաղորդվում, մահացել է տեղում: Հանդայի 22-ամյա վարորդը աննշան վնասվածքներ է ստացել, նրան ձերբակալել են ալկոհոլի ազդեցության տակ մեքենա վարելու կասկածանքով: Ըստ ոստիկանների, Հանդան միջադեպի ժամանակ երթեւեկում էր ժամում 80 մղոն արագությամբ: Վթարի հետեւանքով ճանապարհը մի քանի ժամ փակ է եղել, դեպքի կապակցությամբ հետաքննություն է ընթանում:   Read more

Անցած տարում զոհվել է 72 իրավապահ

Article Details

Published on Wednesday, 21 November 2012 00:29

Category Press Review

ԱՄՆ Հետաքննությունների դաշնային բյուրոն հայտնել է, թե անցած տարվա ընթացքում ծառայողական պարտականությունները կատարելիս զոհվել է 72 իրավապահ: Նշենք, որ նախորդ տարի զոհվածների թիվը 56-ն էր: Ըստ FBI-ի զեկույցի, եւս 53 իրավապահներ զոհվել են դժբախտ պատահարների հետեւանքով, եւս 54 հազար 774-ը հարձակման են ենթարկվել ծառայողական պարտականությունները կատարելու ժամանակ: 72 մահերից 23-ը տեղի են ունեցել հանցագործներին ձերբակալելու, 15-ը` հետապնդման, 11-ը` մեքենաներով հետապնդման, 9-ը` օպերատիվ իրավիճակում: Ըստ զեկույցի հեղինակների, իրավապահներից 29-ը մահացել են ԱՄՆ հարավում, 21-ը` միջին արեւմուտքում, 10-ն` արեւմուտքում եւ 10-ը` հյուսիս-արեւելքում: Եւս երկու իրավապահ զոհվել է Պուերտո-Ռիկոյում:   Read more

Հետաքննություն է սկսվել ամերիկյան ընկերությունների դեմ

Article Details

Published on Wednesday, 14 November 2012 03:30

Category Economy

Մեծ Բրիտանիայի խորհրդարանն ամերիկյան ընկերություններին կասկածում է հարկերից խուսփելու մեջ եւ հետաքննություն է սկսել: Starbucks սրճարանների ցանցի, Amazon օնլայն-խանութների եւ Google ինտերնետային հսկայի բրիտանական ստարաբաժանումները հրավիրվել են զրույցի բյուջետային միջոցների ծախսումեը վերահսկող խորհրդարանական հանձնաժողով: Բրիտանացի պատգամավորները կարծում են, թե այդ ընկերությունները չափազանց ցածր հարկեր են վճարել բրիտանական գանձարան: Մասնավորապես Starbucks-ը երեք տարվա ընթացքում եկամտահարկ չի վճարել, իսկ, օրինակ, Amazon-ը օպտիմալացնում է հարկերը, քանի որ նրա եվրոպական կենտրոնակայանը գտնվում է Լյուքսեմբուրգում: Ընկերությունը խոստովանել է, որ Ֆրանսիայի իշխանությունները եւս հարկային խնդիրներ ունեն իրենց հետ:   Read more

Կլոդ Մոնեի կտավը ռեկորդ է սահմանել

Article Details

Published on Friday, 09 November 2012 02:04

Category Culture

Ֆրանսիացի իմպրեսիոնիստ Կլոդ Մոնեի Ջրաշուշաններ կամ Նունուֆարներ հռչակավոր շարքի նկարներից մեկը Նյու Յորքի աճուրդային տան Իմպրեսիոնիզմի եւ մոդեռնիզմի արվեստը աճուրդում վաճառվել է 43,7 միլիոն դոլարով: 1905 թվականին ստեղծված գործի գնահատման արժեքը կազմում էր 30 – 50 միլիոն դոլար:

 Աճուրդի մյուս ֆեյվըրիտը դարձել է ռուս գեղանկարիչ եւ գծանկարիչ, աբստրակցիոնիզմի հիմնադիրներից մեկի՝ Վասիլի Կանդինսկու Իմպրովիզացիայի էսքիզ 8-ը: Այն վաճառվել է 23 միլիոն դոլարով՝ սահմանելով Կանդինսկու ստեղծագործությունների նոր գնային ռեկորդ:  Հավաքորդների ուշադրությունը գրավել են նաեւ իսպանացի հռչակավոր գեղանկարիչ Պաբլո Պիկասոյի գործերը: Կնոջ կիսանդրի կտավը վաճառվել է 13 միլիոն դոլարով, Շնիկով կինը՝ 6,3 միլիոն դոլարով, Կնոջ գլուխը՝ 5,2 միլիոն դոլարով: Read more

Fitch-ը նախազգուշացնում է

Article Details

Published on Friday, 09 November 2012 02:02

Category Economy

ԱՄՆ նախագահի պաշտոնում վերընտրվելուց հետո առաջին իսկ ժամերին Բարաք Օբամայի առջեւ արտակարգ խնդիր է ծառացել` թույլ չտալ երկրի վարկային վարկանիշն ընկնի: Այս մասին այսօր տարածած հայտարարության մեջ նախազգուշացրել է Fitch գործակալությունը: Օբաման ֆիսկալային մեղրամիսի ժամանակ չունի, որն ավանդաբար ունենում են ԱՄՆ վերընտրված նախագահները առաջին մի քանի ամիսների ընթացքում,- նշել է Fitch-ի լոնդոնյան ստորաբաժանումը: Միացյալ Նահանգների վարկային հեռանկարն, ըստ Fitch գործակալության վերլուծաբանների, այսօրվա դրությամբ բացասական է:   Read more

Սենդիից տուժածներին օգնելու համերգը 23 մլն է հավաքել

Article Details

Published on Tuesday, 06 November 2012 03:04

Category Economy

NBC հեռուստաընկերության կազմակերպած բարեգործական Սենդի փոթորիկ. միավորվում ենք կարգախոսով համերգը, որի նպատակն էր միջոցներ հավաքել Կարմիր Խաչի հիմնադրամի համար, հավաքել է 23 մլն դոլար: Հիմնադրամը համակարգում է փոթորիկից տուժած միլիոնավոր մարդկանց օգնությունը, ներառյալ ժամանակավոր բնակության վայրի, սննդի, բժշկական եւ հոգեբանական օգնության տրամադրում։ Համերգը հեռարձակվել է ուղիղ եթերում ԱՄՆ խոշորագույն հեռուստաընկերությունների կողմից։ -Մենք անչափ շնորհակալ ենք եւ զգացված տուժածներին նկատմամբ աջակցության ցուցաբերմամբ։ Հավաքվել է 23 մլն դոլար, եւ այս արտառոց արդյունքը ցույց է տալիս, թե ինչպես կարող են քաղաքացիները միավորվել դժբախտության ժամանակ,- ասել է Կարմիր Խաչի մարքեթինգի բաժնի ղեկավար Պեգի Դաերը։ Համերգին մասնակցել են այնպիսի աստղեր, ինչպես Ջան Բոն Ջովին, Քրիստինա Ագիլերան, Բիլի Ջոելը, Սթինգը եւ այլ աստղեր:  Read more

Դատախազը հայ քահանայի համար 3 տարի է պահանջել

Article Details

Published on Friday, 02 November 2012 02:45

Category Press Review

Ֆրանսիայի Նիս քաղաքի դատախազը թղթադրամներ կեղծելու գործով անցնող Նիսի Հայ առաքելական եկեղեցու նախկին քահանա, այժմ Ստրասբուրգի թեմի հոգեւոր հովիվ տեր Վաչե Այրապետյանի համար պահանջել է 3 տարվա ազատազրկում: Իր խոսքում դատախազը նշել է, որ տեր Վաչեն խայտառակում է հայ համայնքը: Համաձայն Ֆրանսիայի իրավապահ մարմինների`տեր Վաչեն խմբավորման անդամ է: Խմբավորման ղեկավարներն են 49-ամյա Միհրդատ Ասատրյանը եւ 50-ամյա Ռոբերտ Մխիթարյանը, որոնց համար դատախազը 7 տարվա ազատազրկում է պահանջել: Թերթը տեղեկացնում է, որ 36-ամյա տեր Վաչեն նաեւ յուրացրել է 30 000 եվրո, որ եկեղեցու դուռ գնելու համար իրեն տրամադրել է հայազգի մի մաֆիոզ, ով հետապնդվում է ոստիկանության կողմից: Համայնքի անդամներից մեկը նշել է, որ Տեր Վաչեն եկեղեցու տարածքում կերուխում եւ այլասերվածություն էր տարածում եւ զարմանք հայտնել, ինչու է Գարեգին Բ-ն լռություն պահպանում հանցագործության մեջ մեղադրվող հոգեւորականի հարցում:  Read more

Հրդեհ Փասադինայում, կա 2 զոհ

Article Details

Published on Thursday, 01 November 2012 23:53

Category Health

Երկու մարդ զոհվել, եւս մեկը ծանր վնասվածքներ է ստացել այս գիշեր Փասադինայում բռնկված հրդեհի հետեւանքով: Կրակը բռնկվել է գիշերը ժամը 2-ի սահմաններում, 1300 El Sereno Avenue հասցեում: Նախքան հրշեջների ժամանելը տանից 19 մարդ տարհանվել է: Հրշեջները տանը երկու տղամարդու դիակ են գտել: Ըստ տեղական իշխանությունների, վերաձեւված տունը եղել է ծերերի խնամքի կենտրոն: Փրկարարները տարհանել են հարակից մի քանի տներ, սակայն դրանք հրդեհի հետեւանքով չեն վնասվել: Ականատեսների վկայությամբ՝ նախ պայթյուն է որոտացել, ապա հրդեհ է բռնկվել: Վիրավորին տեղափոխել են հիվանդանոց, եւ նրա վիճակը ծայրահեղ ծանր է: Ամերիկյան Կարմիր խաչը տարհանվածների համար կացարան է տրամադրել, ոստիկանությունը հետաքննում է հրդեհի բռնկման  Read more

Barclays բանկի դեմ հետաքննություն է սկսվել

Article Details

Published on Thursday, 01 November 2012 02:56

Category Economy

 ԱՄՆ արդարադատության նախարարությունը հետաքննություն է սկսել՝ պարզելու բրիտանական Barclays բանկի եւ երրորդ կողմի միջեւ կոռուպցիայի փաստերը, որոնք թույլ են տվել բանկին ստանալ կամ պահպանել բիզնեսն արտերկրում: Միաժամանակ հայտնի է դարձել, որ ամերիկայն հակամենաշնորհային մարմինները Barclays-ին կասկածում են ԱՄՆ-ում 2006-2008 թվականներին էլեկտրաէներգիայի գների խարդախության մեջ, տուգանքի մասին որոշումը կարող է կայացվել առաջիկայում: Տեղեկատվությունը հայտնվել է բանկի՝ երրորդ եռամսյակի մասին հաշվետվության ներկայացման ժամանակ: Վերջին տարում Barclays-ի շուրջ բազմիցս սկանդալներ են ծագել, որոնցից ամենածանրը վերաբերում էր Բրիտանիայում եւ դրա սահմաններից դուրս միջբանկային վարկավորման դրույքների վրա խարդախություններ անելուն: Դրանում ներգրավված են եղել տասնյակ միջազգային բանկեր, արդյունքում Մեծ Բրիտանիայի իշխանությունները ֆինանսական հատվածի լայնածավալ բարեփոխումներ էին նախաձեռնել: Read more

Ամենահարուստ քաղաքական գործիչները ըստ Forbes-ի

Article Details

Published on Thursday, 01 November 2012 02:52

Category Press Review

Forbes ամսագիրը կազմել է ամենահարուստ քաղաքական գործիչների ցուցակը, որի համաձայն քաղաքական գործիչներից ամենատպավորիչ կարողության տեր է Նյու Յորքի քաղաքապետ Մայքլ Բլումբըրգը: Բլումբըրգը հիմնադրել եւ ղեկավարում է Bloomberg տեղեկավական գործակալությունը: Քաղաքականության մեջ է 1990-ական թ-երից, 2001 թ-ին դարձել է Նյու Յորքի քաղաքապետ: Քաղաքապետի պաշտոնում նա ստանում է 1 դոլար աշխատավարձ եւ ապրում է բացառապես սեփական բիզնեսի շահույթի հաշվին: Ցուցակում երկրորդ տեղն է զբաղեցնում ռուս քաղաքական գործիչ Միխայիլ Պրոխորովը, երրորդը Վրաստանի այժմյան վարչապետ Բիձինա Իվանիշվիլին է: Ցուցակում են նաեւ Իտալիայի սկանդալային նախկին վարչապետ Սիլվիո Բեռլուսկոնին, ԱՄՆ-ի նախագահի նախկին թեկնածու Հենրի Ռոսս Պերոն, ռուս սենատոր Անդրեյ Գուրեւը, Ազատ եգիպտացիներ կուսակցության առաջնորդ Նագիբ Սավիրիսը, Չիլիի նախագահ Սեբաստիան Պինիերան եւ այլոք:   Read more