All articles
24 October 2013
ԱՄՆ աշխատաշուկան համեստ աճ է արձանագրել
- Article Details
- Published on Thursday, 24 October 2013 00:24
- Category Economy
Միացյալ Նահանգներում աշխատաշուկան սեպտեմբեր ամսվա ընթացքում գրանցել է համեստ աճ՝ ավելացնելով ընդամենը 148 հազար աշխատատեղ: Նման տվյալներ է հրապարակել ԱՄՆ աշխատանքի նախարարությունը: Վերլուծաբանները կանխատեսել էին գոնե 183 հազար աշխատատեղի ստեղծում: ԱՄՆ-ում գործազրկության մակարդակն այնուամենայնիվ հասել է 2008 թվականի վերջից գրանցված ամենացածր մակարդակի եւ այժմ կազմում է 7,2 տոկոս, ինչը մեկ տասնորդական տոկոսով բարելավել է օգոստոս ամսին գրանցված ցուցանիշը: Վերլուծաբանների կանխատեսումներն ավելի հոռետեսական էին, նրանք կանխատեսում էին, որ ցուցանիշն առնվազն նույնն է մնալու: Աշխատանքի շուկայի համեստ աճի մասին տվյալները վկայում են այն մասին, որ Միացյալ Նահանգներում պետական որոշ ձեռնարկությունների գործունեության 16 օր տեւած դադարից առաջ տնտեսական աճը սկսել էր դանդաղել: Ըստ փորձագետների, պետական ձեռնարկությունների գործունեության մասնակի դադարեցումը դարձել էր երկրի տնտեսության կողմից կրած մոտ 24 միլիարդ դոլարի վնասների պատճառը: Միացյալ Նահանգներում 7,2 տոկոսի հասնող գործազրկության մակարդակն ընդհանուր առմամբ բավականին բարձր է ԱՄՆ-ի համար՝ հաշվի առնելով պատմական տվյալները, որոնց համաձայն ԱՄՆ-ում նորմալ է համարվում գործազրկության 5-ից 6 տոկոսի հասնող մակարդակը: Աշխատանքի նախարարության տվյալները հիմք են տալիս կարծելու, որ Դաշնային պահուստային համակարգը դեռ տեւական ժամանակ չի փոխի զրոյական տոկոսադրույքը: Read more
08 October 2013
McDonald’s-ի նորամուծությունը
- Article Details
- Published on Tuesday, 08 October 2013 11:18
- Category Economy
McDonald’s արագ սննդի ռեստորանների ցանցի ղեկավարությունը Հյուսթընում արգելել է իր հաստատություններ այցելել գոտկատեղից ցածր տաբատներով: Նշենք, որ այս նորաձեւությունը տարածված է ԱՄՆ-ում, հատկապես աֆրոամերիկացի երիտասարդների շրջանում: Նախկինում McDonald’s-ում չէր կարելի ճաշել ոտաբոբիկ կամ առանց վերնազգեստի: Հաստատություններից մեկի դռան վրա նույնիսկ գրված էր. -Չկան կոշիկներ, չկա վերնազգեստ՝ չկա սպասարկում: Իսկ այժմ հավելել են՝ -Այս ռետորանում չեն թույլատրվում ցածր տաբատներ, -Կա՛մ բարձր գոտիով տաբատներ, կա՛մ մի մտիր: -Հաճախորդների համար նախատեսված նշումներում ասված է, որ նրանք հետեւեն պատշաճ հագուկապին եւ հարգեն ուրիշներին: Ոչ ոք չի ցանկանում տեսնել ձեր ներքնազգեստը,- ասել է McDonald’s-ի մենեջերը: Read more
05 October 2013
Բյուջետային ճգնաժամը սպառնում է շարունակվել
- Article Details
- Published on Saturday, 05 October 2013 12:10
- Category Economy
ԱՄՆ-ում այսպես կոչված կառավարության անջատումը սպառնում է շարունակվել մինչեւ հաջորդ շաբաթ: Բյուջետային ճգնաժամի չորրորդ օրը ոչնչով չի մոտեցրել Սպիտակ տան եւ հանրապետական կոնգրեսականների մոտեցումները: Վերջինները դեռ նախկինի պես պատրաստ չեն քվեարկել Բարաք Օբամայի առաջարկած առողջապահական ապահովագրության բարեփոխման օգտին: Նախագահն ու դեմոկրատները հրաժարվում են քննարկել հնարավոր զիջումները: Դժգոհությունը բուռն կերպով աճում է շարքային ամերիկացիների շրջանում, քաղաքական ուժերն ու հաստատությունները դեռ երբեք նման ցածր վարկանիշներ չեն ունեցել: Վաշինգթընի փողոցներում մարդիկ իրենց դժգոհությունն են հայտնում: -Քաղքական գործիչները նման են երեխաների, որոնք պարզում են, թե ումն է խաղալիքը,- ասել է անցորդներից մեկը: -Ես տեսնում եմ, որ Կոնգրեսն ի վիճակի չէ որոշում կայացնել:տարբեր կուսակցությունները չեն կարողանում միասին աշխատել: Դրա մեջ նոր բան չկա, բայց այժմ առավել քան ծանր է իրավիճակը,- նշել է մեկ ուրիշը: Բյուջետային ճգնաժամի ֆոնին Նյու Յորքի ֆոնդային բորսան օրն ավարտել է նվազմամբ, Դաու-Ջոնսի ինդեքսն ընկել է 0,9 տոկոսով: Ներդրողները սկսում են անհանգստություն ցուցաբերել ԱՄՆ պետպարտքի վերին շեմի պատճառով: Դրա բարձրացման մասին օրենքը պետք է ընդունվի մինչեւ հոկտեմբերի 17-ը, բայց եթե դեմոկրատներն ու հանրապետականները նախընտրեն անցել առճակատման, երկիրը սնանկ կհայտարարվի եւ կկանգնի աղետի առջեւ: Read more
Վստահությունը երկրի տնտեսության հանդեպ նվազել է
- Article Details
- Published on Saturday, 05 October 2013 12:08
- Category Economy
Ամերիկացիների վստահությունը երկրի տնտեսության հանդեպ էականորեն նվազել է: Այս մասին ասվում է Gallup կենտրոնի հետազոտության մեջ: Վերլուծաբանները դա կապում են կառավարության փակման հետ: Տնտեսական վստահությունը նվազել է 5 կետով եւ արդեն հոկտեմբերի 2-ին հասել 32-ի: Սա վստահության ամենացածր ցուցանիշն է տարվա ընթացքում: Ինդեքսը նշանակում է, որ ամերիկացիների թիվը, որոնք գոհ են տնտեսական իրավիճակից, 32 տոկոսով ավելի քիչ է նրանցից, ովքեր դժգոհություն են հայտնել ստեղծված վիճակից: ԱՄՆ նախագահ Բարաք Օբամային աջակցելու վարկանիշը նվազել է մինչեւ 44, իսկ նրա ոչ հայտնիության վարկանիշը բարձրացել է 2 կետով՝ մինչեւ 50: Gallup-ի ուսումնասիրության համաձայն՝ 1/10-ով աճել է նաեւ գործազրկությունը եւ կազմել 7.8 տոկոս: Read more
13 July 2013
ԱՄՆ բյուջեն ամփոփվել է 117 մլրդ դոլար հավելուրդով
- Article Details
- Published on Saturday, 13 July 2013 22:46
- Category Economy
2013 թվականի հունիս ամիսն ԱՄՆ դաշնային բյուջեն ամփոփվել է հավելուրդով: Այն կազմել է 117 մլրդ դոլար՝ նախորդ տարվա նույն ժամանակահատվածում գրանցված 59,74 մլրդ դոլար պակասուրդի դիմաց: Այս մասին հաղորդում է ԱՄՆ ֆինանսների նախարարությունը: Ըստ ներկայացված տվյալների՝ հունիսյան հավելուրդի ցուցանիշը ռեկորդային է՝ վերջին շուրջ 5 տարվա կտրվածքով: Հավելուրդը պայմանավորված է հարկային եկամուտների աճով եւ դրա զուգահեռ բյուջեի ծախսերի կրճատմամբ: Բյուջեի հավելուրդի ցուցանիշը գերազանցել է վերլուծաբանների կանխատեսումները: Վերլուծաբանները կանխատեսել էին 39,5 մլրդ դոլարի հավելուրդ: Ընթացիկ ֆինանսական տարվա առաջին 8 ամիսների արդյունքներով ԱՄՆ բյուջեի պակասուրդը կազմել է 509,8 մլրդ դոլար, ինչը նախորդ տարվա ցուցանիշի համեմատ կրճատվել է 394,4 մլրդ դոլարով: Ֆինանսական տարին կամփոփվի 2013թ. սեպտեմբերի 30-ին: Read more
09 July 2013
Գործազրկությունը մնացել է նույն մակարդակի վրա
- Article Details
- Published on Tuesday, 09 July 2013 01:36
- Category Economy
Միացյալ նահանգներում հունիսին ստեղծվել է 195 հազար նոր աշխատատեղեր, նման տվյալներ ներկայացրել է ԱՄՆ աշխատանքի նախարարությունը: Այս թվերն առնվազն 30 հազարով գերազանցում են կանխատեսումները եւ հինգ ամսվա ընթացքում առավելագույն թռիչքն են: Ավելին, նախորդ ամսվա թվերը կառավարությունը դեպի աճ է վերանայել: Աճի լոկոմոտիվը մասնավոր հատվածն է, ամերիկյան ընկերությունները գործի են ընդունել 202 հազար մարդու, մինչեւ կառավարությունը, ընդհակառակը, 7 հազար մարդու ազատել է աշխատանքից: Գործազրկությունը մնացել է մայիսի մակարդակին` աշխատունակ բնակչության 7,6 տոկոսը: Անցած տարվա հունիս համեմատ առաջընթացն ակնհայտ է, այն ժամանակ այդ ցուցանիշը կազմել է 8,2 տոկոս: բայց մինչ 6,5 տոկոսին, որ ԱՄՆ Դաշնային պահուստային համակարգը նորմալ է համարում աշխարհի ամնենախոշոր տնտեսության համար, դեռ շատ հեռու է: Համարվում է, որ աշխատաշուկան տնտեսական փոփոխություններին արձագանքում է կես տարի ուշացումով: Այնպես որ հունիսիյան հաշվետվությունը կարող է լուրջ փաստարկ դառնալ համակարգի ձեռքում` դրամական քաղաքականությունը խստացնելու եւ տնտեսական աջակցման նոր ծրագրի համար: Գերատեսչության ղեկավար Բեն Բեռնանկին արդեն բազմանշանակ ակնարկներ է արել այդ մասին: Read more
25 June 2013
Ոսկու գինը նվազում է
- Article Details
- Published on Tuesday, 25 June 2013 01:09
- Category Economy
Հունիսի 20-ին ոսկու գինը համաշխարհային շուկայում կազմել է 1319,76 դոլար մեկ ունցիայի համար՝ գրանցելով վերջին 2,5 տարվա մեջ նվազագույն արդյունքը: Այս մասին է հաղորդում միջազգային Bloomberg գործակալությունը: Միեւնույն ժամանակ, անհապաղ առաքման ոսկու գինը գրանցել է 3,4 տոկոս անկում: Առեւտրային շրջանի ընթացքում արծաթի գինը եւ նվազել է` գրանցելով շուրջ 6,2 տոկոս անկում: Ոսկու գնի անկումը վերլուծաբանները կապում են ԱՄՆ Դաշնային պահուստային համակարգի ղեկավար Բեն Բերնանկիի ավելի վաղ արված հայտարարության հետ: Բերնանկին նշել է, որ ԱՄՆ տնտեսական աճի նման տեմպերի պահպանման դեպքում Դաշնային Պահուստային Համակարգը կկրճատի ակտիվների գնման ծավալները եւ քանակական մեղմացումների ծրագիրը կամփոփվի արդեն 2014 թվականի կեսերին: Նշենք, որ վերջին 12 տարվա ընթացքում ոսկու գինը գրանցել է շարունակական աճ՝ 2011թ. հասնելով ռեկորդային մակարդակի` 2000 դոլար մեկ ունցիայի համար: Read more
12 June 2013
Apple-ի նորույթները
- Article Details
- Published on Wednesday, 12 June 2013 02:52
- Category Press Review
Երեկ երեկոյան բոլոր այֆոնամոլների ու մաքբուքասերների ուշադրությունը գամված էր Սան Ֆրանցիսկոյում կայացած Apple-ի ամենամյա համաժողովին, որի շրջանակներում հանրահայտ ընկերությունը ներկայացրել է մի շարք նորույթներ։ Apple-ը, մասնավորապես, ներկայացրել է OS X Mavericks նոր ծրագրային ապահովումը, որի գլխավոր առավելությունն այն է, որ իջեցնում է պրոցեսորի ծանրաբեռնվածությունը 72 տոկոսով։ Շնորհիվ App Nap տեխնոլոգիայի սարքի էներգիան բաշխվում է միայն ակտիվ պատուհանների վրա, ինչն էլ հանգեցնում է մարտկոցի ավելի քիչ օգտագործմանը։ Բացի այդ, նոր ծրագրային ապահովումը կարողանում է պատասխանել փոստին՝ անմիջապես երեւացող ծանուցումների մեջ։ OS X Mavericks-ից զատ, ներկայացվել է նաեւ նոր Mac Book Air-ն ու Mac Book Pro-ն, որոնց դեպքում մասնագետները շեշտը դրել են արագության վրա։ Mac Pro-ն համալրված է 12 միջուկանի Xeon E5 պրոցեսորով, որը 2.5 անգամ ավելի կարագացնի սարքի աշխատանքը։ Այժմ Apple-ի նոր համակարգիչը տվյալները կպահի PCIe ֆլեշ հիշողության մեջ։ Սակայն երեկոյի ամենահետաքրքիր մասը երկար սպասված iOS 7 օպերացիոն համակարգի շնորհանդեսն էր։ 7-րդ սերնդի արհեստական ինտելեկտում այս անգամ ինտեգրվել են Twitter-ը, Wikipedia-ն եւ Bing-ը։ Ընկերության գործադիր տնօրեն Թիմ Կուկը, անդրադառնալով նոր օպերացիոն համակարգին, ասել է, որ առաջին iOS-ի ներկայացումից ի վեր iOS 7-ն ամենանշանակալից թարմացումն է։ Նորույթների շարքում է նաեւ iTunes Radio-ն, որը ներկառուցված է անմիջապես երաժշտական նվագարկչի մեջ։ Այն կլինի անվճար ու առանց գովազդի: Read more
31 May 2013
ԱՄՆ ամեն 4-րդ ընտանիքում կինը ամուսնուց շատ է վաստակում
- Article Details
- Published on Friday, 31 May 2013 05:32
- Category Economy
Ամերիկյան ամեն 4-րդ ընտանիքում կինը ամուսնուց շատ է վաստակում: Դա պատմության մեջ ռեկորդային ցուցանիշ է: Pew Research Center-ի տվյալով՝ 50 տարի առաջ ընդամենը մի քանի կին է շատ վաստակել ամուսնուց, իսկ այսօրվա դրությամբ կանայք (այդ թվում՝ չամուսնացածները) ամերիկյան 40 տոկոս ընտանիքներում հիմնական կերակրողն են: 1960թ. այդ ցուցանիշը, ըստ ԱՄՆ մարդահամարի բյուրոյի տվյալների, եղել է 4 տոկոս, իսկ ներկայում այդ թիվը աճել է մինչեւ 23 տոկոս: Նոր տվյալներն ունեն թե դրական, թե բացասական կողմեր: Ըստ վերլուծաբանների՝ մի կողմից՝ դա վկայում է, որ կրթություն ստացած կանայք մրցունակ են շուկայում, մյուս կողմից՝ փոփոխվել է վիճակագրությունը՝ շնորհիվ միայնակ մայրերի տոկոսային հարաբերության մեծացման, որոնց մեծ մասը աղքատության շեմին է: Read more
30 May 2013
Բիլլ Գեյթսը կողմ է հարկման խստացմանը
- Article Details
- Published on Thursday, 30 May 2013 12:10
- Category Economy
Microsoft կորպորացիայի հիմնադիր եւ աշխարհի ամենահարուստ մարդ Բիլ Գեյթսը հանդես է եկել հաջակցություն անդրազգային կորպորացիաներից հարկերի վճարման վերահսկման ուժեղացման: Bloomberg-ի փոխանցմամբ, մասնավորապես, Գեյթսը կոչ է արել մանրակրկիտ ստուգել ընկերությունների ու ֆիզիկական անձանց հարկման սխեմաները: Վերջին շրջանում նվազեցված վճարումների մեջ մեղադրվում են բազում ընկերություններ: Դրանց թվում են Google-ը, Apple-ը, Hewlett-Packard-ը: Ավելի վաղ հենց նույն Microsoft-ին կասկածել են բանագողության եւ օֆշորային գործարքների մեջ: Read more
Powerd by Bloogie