September 2012
14 September 2012
ԴՊՀ-ն մեկնարկում է տնտեսության խթանման նոր ծրագիրը
- Article Details
- Published on Friday, 14 September 2012 02:01
- Written by
ԱՄՆ Դաշնային պահուստային համակարգը երկօրյա նիստի արդյունքում հայտարարել է տնտեսության խթանման նոր ծրագրի մասին: Այն, մասնավորապես, ներառում է ամեն ամիս մոտ 55 միլիարդ դոլարի չափով հիփոթեքային պարտատոմսերի գնում մինչեւ իրավիճակն աշխատանքի շուկայում չկարգավորվի: Բացի այդ Համակարգը խոստացել է պահել դրույքաչափերը ռեկորդային ցածր նշաձողի վրա մինչեւ 2015թ. կեսերը, այլ ոչ 2014-ի վերջ ինչպես նախապես էր խոստացվել: Խթանիչ միջոցների ընդունումը պայմանավորված է ամերիկյան տնտեսության թուլութայմբ: Երկրորդ եռամսյակում աճը դանդաղել է մինչեւ 1,7 տոկոս: Օգոստոսին ԱՄՆ-ում ստեղծվել է ընդամենը 96 հազար նոր աշխատատեղ, մինչդեռ ըստ ԴՊՀ-ի գնահատականների, որպեսզի երկրում գործազրկությունը նվազի, հարկավոր է ամսական առնվազն 150-200 հազար աշխատատեղերի ստեղծում: Բարձր գործազրկությունն ու աճի ցածր տեմպերը կարեւոր նշանակություն ունեն ոչ միայն տնտեսության, այլեւ քաղաքականության համար, հատկապես նոյեմբերին կայանալիք նախագահական ընտրությունների նախաշեմին: Վերլուծաբանները խիստ կասկածում են, որ աշխատանքի շուկայում հնարավոր է մինչեւ նոյեմբեր բեկում մտցնել: Read more
Պրոֆեսորին կդատեն սպանության համար
- Article Details
- Published on Friday, 14 September 2012 01:54
- Written by
Ալաբամայի համալսարանի նախկին պրոֆեսոր Էմի Բիշըպը դատարանում իրեն մեղավոր է ճանաչել երեք գործընկերների սպանության եւ եւս երեքին վիրավորելու համար: Համապատասխան դիմումները կնոջ պաշտպանությունը Հանթսվիլլի դատարանին է փոխանցել նախօրեին: Հետաքննության կարծիքով` 2010թ-ի փետրվարի 12-ին Բիշըպը հրացանից գործընկերների ուղղությամբ կրակ է բացել համալսարանի ամբիոնի նիստի ժամանակ: Արդյունքում նրանցից երեքը սպանվել է, եւս երեքը ծանր վիրավորվել են: Թե ինչն է եղել հարձակման պատճառը հստակ հայտնի չէ, սակայն ինչպես գտնում են համալսարանում` կինը հակասություններ ուներ համալսարանի ղեկավարության հետ, որը չէր ցանկանում նրա հետ պայմանագիրը երկարաձգել: Ի սկզբանե նա հրաժարվում էր իր մեղքը ճանաչել, սակայն հեռուստաալիքը ենթադրում է, որ Բիշապը գործարք է կնքել իշխանությունների հետ, որպեսզի խուսափի մահապատժից: Այդ գործարքի պայմանները հայտնի չեն: Դատախազությունը համաձայնել է նրա համար մի քանի ցմահ ազատազրկում է պահանջելու: Միաժամանակ Բիշապը մեղադրյալ է եւս մեկ գործով: Նրան մեղադրում են 1989թ. հարազատ եղբոր սպանության մեջ: Այն ժամանակ նա հայտարարել էր, թե զենքը պատահաբար է կրակել, սակայն այժմ նոր հանգամանքներ են պարզվել: Բիշըպի դատավճիռը կհրապարակվի սեպտեմբերի 24-ին: Read more
Facebook-ի շնորհիվ ձերբակալել են 50 գանգստերների
- Article Details
- Published on Friday, 14 September 2012 01:50
- Written by
Facebook սոցիալական կայքի շնորհիվ Նյու Յորքի ոստիկանությունը ձերբակալել է հանցախմբերի 50 գանգստերների: Ոստիկանները ցանցում հետեւել են նրանց վիճաբանությանը: Ըստ ոստիկանության ներկայացուցիչ Ռեյ Քելիի` Very Crispy Gangster եւ Rockstarz հանցախմբերի գանգստերներն իրար հետ ընկերանում էին, որ հետո վիրավորեն իրար: Նրանց վերջնականապես մատնել է ձեռքբերումներով պարծենալու ցանկությունը: Գանգստերների կողմից սոցկայքում տեղադրված գրառումներից մեկը սպանության խոստովանություն է եղել: Rockstarz-ի անդամները իրենց են վերագրել 2011թ. հունիսի 6-ին Ջանի Սանտյագոյի սպանությունը: Հանցագործներից մեկը լուսանկար է տեղադրել, որում նա կրում է Սանտյագոյի գոտին եւ ժամացույցը: Ձերբակալված 16-ից 23 տարեկան մոտ 50 անձանց մեղադրանքներ են ներկայացվել սպանության, մահափորձի, զենքի ապօրինի ձեռքբերման մեջ: 22 մեղադրյալներ Rockstarz-ի կազմում են, իսկ 27-ը` VCG-ի: Read more
Մաունթ Վաշինգթոնում այրված դիակ են գտել
- Article Details
- Published on Friday, 14 September 2012 01:45
- Written by
Մաունթ Վաշինգթընի տարածքում այսօր գիշերը այրված մեքենա են հայտնաբերել, որում մահացած մարդ է եղել: Փրկարար ծառայությունն ահազանգը ստացել է ժամը 2-ի սահմաններում, 4800 Marmion Way հասցեից: Այրված դին գտել են Ford Expedition մակնիշի մեքենայի վարորդի նստատեղին: Գործը հետաքննում են սպանությունների բաժնի դետեկտիվները: Առայժմ հայտնի չեն ոչ մահվան պատճառները, ոչ էլ անգամ մահացած մարդու սեռը: Ոստիկանները չեն բացառել, որ մահացածին նախ սպանել են հրազենով, ապա այրել մեքենան: Լոս Անջելեսի ոստիկանական վարչության ներկայացուցիչ, լեյտենանտ Ջոզեֆ Հիլթնըրը նշել է, թե ժամը 1:38-ի սահմաններում Sycamore Park-ի շրջանում կրակոցներ են լսվել: Ոստիկանները խնդրել են տեղեկություններ ունենալու դեպքում զանգահարել Read more
Հարձակումներ ԱՄՆ դեսպանատների վրա
- Article Details
- Published on Friday, 14 September 2012 01:38
- Written by
Եմենի ոստիկանությունը կրակ է բացել մայրաքաղաք Սանայում ԱՄՆ դեսպանատան շենքը գրոհող ցուցարարների ուղղությամբ, ինչի հետեւանքով զոհվել է 1, տասնյակ մարդիկ վնասվածքներ են ստացել: Դեսպանատան վրա մոտ 4 հազար ցուցարար էր հարձակվել: Կատաղած ամբոխը հրդեհել է դիվանագետների` մոտակայքում կայանած մեքենաները, ինչպես նաեւ կոտրել է դեսպանատան մի քանի պատուհաններ: Դեսպանատան աշխատակազմը, անվտանգության նկատառումներով, արդեն տարհանվել է ` տեղափոխվելով ավելի անվտանգ վայր: ԱՄՆ դեսպանատունը գրոհի է ենթարկվել նաեւ Թունիսում: Ամբոխին զսպելու համար ոստիկանությունը արցունքաբեր գազ եւ ռետինե գնդակներ է կիրառել: Պատճառը դարձյալ Մահմեդականների անմեղություն ֆիլմն է, որի պատճառով երեկ հարձակվել էին Եգիպտոսում ԱՄՆ դեսպանատան եւ Լիբիայի Բենղազի քաղաքում հյուպատոսարանի վրա, սպանել Լիբիայում ԱՄՆ դեսպա Քրիսթըֆըր Սթիվընսին: Եգիպտոսում այսօր էլ շարունակվել են բողոքի ակցիաներն ու զանգվածային անկարգությունները: Բենգազիում ԱՄՆ հյուպատոսության վրա հարձակումից հետո, Պենտագոնը Լիբիա է ուղարկել երկու ավիակիր՝ USS Laboon-ն ու USS McFaul-ը: Նավերը դեռ ոչ մի կոնկրետ հրաման չեն ստացել, սակայն լիովին մարտական պատրաստվածության են բերված՝ սպասելով նախագահ Բարաք Օբամայի հրամաններին: Read more
Արեւմտյան Նեղոսի համաճարակի զոհերի թիվն աճում է
- Article Details
- Published on Friday, 14 September 2012 01:31
- Written by
Արեւմտյան Նեղոսի համաճարակի զոհերի թիվն ԱՄՆ-ում հասել է 118-ի: Ըստ մասնագետների գնահատման` նեկայիս համաճարակն ամենալուրջն է ԱՄՆ-ի պատմության մեջ: Վերջին մի քանի շաբաթների ընթացքում գրանցվել է 2 հազար 636 հիվանդության դեպք ամերիկյան բոլոր նահանգներում` բացառությամբ Ալյասկայի եւ Հավայան կղզիների: Միայն վերջին շաբաթվա ընթացքում ԱՄՆ-ում վարակակիրների թիվն աճել է եռակի: Ամենից շատ դեպքեր գրանցվել են Թեքսըսում: Ավելի վաղ հաղորդվել էր, որ Դալլըսի իշխանությունները արտակարգ դրություն են հայտարարել: Քաղաքապետ Մայք Ռոլինգսը դիմել է նահանգի իշխանություններին` խնդրելով Դալլըսի շրջանում միջատասպան պատրաստուկներ տարածել մոծակների դեմ պայքարի համար: Արեւմտյան Նեղոսի համաճարակն առաջին անգամ հայտնաբերվել է 1937 թվականին Ուգանդայում: Դրա դեմ հակավարակ չի ստեղծվել: Համաճարակի գլխավոր տարածողները մոծակներն են, մահացությունը կազմում է 4 տոկոս: ԱՄՆ-ի տարածքում այդ համաճարակն առաջին անգամ գրանցվել է 1999 թվականին: Read more
Հետապնդում Լոս Անջելեսի փողոցներով
- Article Details
- Published on Friday, 14 September 2012 01:25
- Written by
Նախօրեին Լոս Անջելեսի հարյուրավոր բնակիչներ ականատեսն են դարձել աննախադեպ հետապնդման, որի ընթացքում կողոպտիչները գումարները նետել են իրենց ամենագնացի պատուհաններից: Շատերը հազիվ են փրկվել վրաերթի ենթարկվելուց, երբ փորձում էին հավաքել այդ գումարները: Ոստիկանության փոխանցմամբ, միջադեպը սկսվել է Սանտա-Կլարիտայում: Զինված չորս կամ հինգ կողոպտիչները մտել են Bank of America-ի բաժանմունք, վերցրել գումարներն ու փորձել փախչել: Դրանից հետո ոստիկանները սկսել են հետապնդել նրանց Սիլմարով դեպի Սան Ֆերնանդո հովիտ: Հանցագործներին հետապնդել են մոտ 90 րոպե, որի ընթացքում նրանք պատուհանից թափել են փողերը` ազատվելով իրեղեն ապացույցներից միաժամանակ դիմելով այս քայլին` հետախուզությանը խոչընդոտելու համար: Տեսագրության մեջ երեւում է, թե ինչպես են մարդիկ նետվում` հավաքելու դոլարները: Ի վերջո կասկածյալների մեքենան հայտնվել է խցանման մեջ, եւ ոստիկաններին հաջողվել է ձերբակալել նրանց եւ տեղափոխել ոստիկանատուն: Նույնիսկ այդ ընթացքում մի քանի անցորդներ փորձել են մեքենայից գումարներ գտնել, սակայն նրանց կանխել են ոստիկանները: Մարդիկ արդեն կողոպտիչներին անվանել են լոս Անջելեսի Ռոբին Հուդեր: Դա, սակայն նրանց չի փրկի, քանի որ կասկածյալներին զինված կողոպուտի մեղադրանք է առաջադրվել եւ շուտով նրանք կկանգնեն դատարանի առջեւ: հանցագործների անունները չի հաղորդվում: Իշխանությունները պահանջում են նրանցից, ովքեր գումար են գտել փողոցում, վերադարձնել այն և սպառնում են գտնել մեղավորներին` հսկողության տեսախցիկների ձայնագրությունների օգնությամբ: Ավելի ուշ հայտնի դարձավ մի բնակչի մասին, ով վերադարձրել է գտնված գումարը: Read more
Մեքսիկայում ձերբակալել են Էլ Կոսսին
- Article Details
- Published on Friday, 14 September 2012 01:20
- Written by
Մեքսիկացի զինվորականները հայտարարել են, որ իրենց հաջողվել է հայտնաբերել El Golfo կարտելի ղեկավար Խորխե Էդուարդո Կաստիլյա Սանչեսին` Էլ Կոսս մականունով: Սանչեսը ձերբակալվել էր սեպտեմբերի 12-ին երկրի հյուսիսարեւելյան Տամաուլիպաս նահանգում՝ Թեքսըսի հետ սահմանից ոչ հեռու: Ոստիկանական գործողության մասին տեղեկություններ զինվորականները չեն հաղորդում: Խորխե Էդուարդո Կաստիլյա Սանչեսը հայտնի է նաեւ որպես Էլ Կոսս, El Golfo կարտելը գլխավորում է 2010-ից, այն բանից հետո, երբ ոստիկանության հետ փոխհրաձգության ժամանակ սպանվել էր կազմակեպության նախորդ ղեկավար Անտոնիո Գիլյենը:Սանչեսի կալանքը դարձավ մեքսիկական իշխանությունների արդեն երրորդ հաջող օպերացիան ընդդեմ El Golfo-ի բարձրաստիճան անդամների՝ 2012թ. սեպտեմբերից ի վեր: Ըստ տեղեկությունների, ձերբակալությունն անցել է առան բարդությունների, հանցագործը չի էլ փորձել դիմադրել: Նրան մեղադրում են թմրավաճառության, սպանությունների եւ փողերի լվացման մեջ, եւ Մեքսիկայում 2,3 միլիոն դոլար գլխագին էր նշանակվել: Նշենք, որ օրեր առաջ ձերբակալվել էր El Golfo-ի մեկ այլ պարագլուխ` Չաղլիկ մականունով Մարիո Կարդենաս Գիլյենը: El Golfo կարտելը Մեքսիկայի ամենահին հանցախումբն է, որն իր գործունեությունն սկսել է դեռ 1930-ականներից: Read more
13 September 2012
Պարսկական ավտոբուսները բախվել են իրար
- Article Details
- Published on Thursday, 13 September 2012 22:29
- Written by
Սեպտեմբերի 13-ին, ժամը 16.37-ին տեղեկատվություն է ստացվել, որ Սեւանա լճի Ախթամար թերակղզու մոտակայքում տեղի է ունեցել ճանապարհատրանսպորտային պատահար. ավտոճանապարհի 68-րդ կմ-ին իրար են բախվել պարսկական 2 ավտոբուսներ: Դեռեւս չբացահայտված հանգամանքներում բախվել են երկու Scania մակնիշի ավտոբուսները: Վթարի հետեւանքով մոտ մեկ տասնյակ վիրավորներ տեղափոխվել են Սեւան քաղաքի հիվանդանոց: Բոլոր վիրավորները Իրանի Իսլամական Հանրապետության քաղաքացիներ են: Ոստիկանությունը փորձում է պարզել վիրավորների եւ վարորդների ինքնությունը: Read more
13 September 2012
Մեկնարկել է Հարսնաքարի գործով դատավարությունը
- Article Details
- Published on Thursday, 13 September 2012 22:27
- Written by
Երեւանի Ավան եւ Նոր Նորք վարչական շրջանների ընդհանուր իրավասության դատարանում այսօր մեկնարկել է Հարսնաքար ռեստարանային համալիրում կիրառված բռնությունների հետեւանքով ռազմական բժիշկ Վահե Ավետյանի մահվան գործով դատավարությունը: Ամբաստանյալի աթոռին են հայտնվել վեց անձինք` Նեմեց Ռուբո մականունով հայտնի օլիգարխ Ռուբեն Հայրապետյանի թիկնապահներ եւ նրան պատկանող Հարսնաքար ռեստորանային համալիրի աշխատակիցներ Արման Խաչատրյանը, Նորայր Հայրապետյանը, Գարիկ Մարգարյանը, Արման Բաղդասարյանը, Դավիթ Ադամյանն ու Արթուր Բաբլոյանը, որոնք հունիսի 17-ին դաժան ծեծի էին ենթարկել ռազմական բժիշկների: Հունիսի 29-ին գիտակցության չգալով հիվանդանոցում մահացել էր մայոր Վահե Ավետյանը: Այսօրվա նիստում ներկայացրել են ամբաստանյալներին: Դատավոր Դավիթ Հարությունյանը մերժել է դատախազին ներկայացված բացարկի միջնորդությունը, ապա հետաձգել նիստը մինչեւ սեպտեմբերի 24-ը, քանի որ Արման Խաչատրյանը փաստաբան չի ունեցել: Read more
Powerd by Bloogie