August 2012

02 August 2012

ԱՄՆ պետքարտուղարը մեկնել է Աֆրիկա

Article Details: Published on Thursday, 02 August 2012 02:47; Written by

sinegal 4 Մեկնարկել է ԱՄՆ պետքարտուղար Հիլարի Քլինթոնի 10-օրյա շրջագայությունն Աֆրիկա, որի ընթացքում նա մտադիր է այցելել յոթ երկիր: Այս երկրներից առաջինը դարձել է Սենեգալը, որտեղից Քլինթոնը մտադիր է գնալ Հարավային Սուդան։ Նշենք, որ այս երկիրն առաջացել է միայն անցյալ տարի Սուդանից տարանջատման հետեւանքով։ Այդ երկրի, ինչպես նաեւ Ուգանդայի, Քենիայի եւ Մալավիի ղեկավարների հետ բանակցությունների ընթացքում քննարկվելու են անվտանգության, ահաբեկչության դեմ պայքարի, թմրանյութերի վաճառքի, տնտեսական համագործակցությանը վերաբերող հարցեր։ Ակնկալվում է, որ պետքարտուղարը կհայտարարի ԱՄՆ-ի՝ աֆրիկյան երկրներին ցուցաբերվող նոր օգնության ծրագրերի մասին։ Քլինթոնը մասնավոր այց կկատարի նաեւ Հարավային Աֆրիկա, որտեղ կհանդիպի երկրի 94-ամյա նախկին նախագահ Նելսոն Մանդելայի հետ։ Քլինթոնի շրջագայությունը կեզրափակվի Գանայում, ուր Քլինթոնը կմասնակցի նախկին նախագահ Ջոն Աթ Միլզի հուղակավորությանը: Read more

Անցած տարին բեկումնային էր ահաբեկչության դեմ պայքարում

Article Details: Published on Thursday, 02 August 2012 02:32; Written by

ahab 5 ԱՄՆ-ը համարում է, որ 2011 թվականը բեկումնային էր ահաբեկչության դեմ գլոբալ պայքարում: Անցած տարի աշխարհում տեղի են ունեցել ավելի քիչ ահաբեկչական հարձակումներ, քան 2005 թվականին: Այս մասին ասված է ահաբեկչության խնդրին վերաբերող ԱՄՆ պետքարտուղարության հրապարակած զեկույցում: Այդ ոլորտում որպես կարեւորագույն իրադարձություն նշվում է 2011-ի մայիսին Ալ-Քաիդա ահաբեկչական խմբավորման առաջնորդ Ուսամա Բեն Լադընի մահը: Խմբավորման կրած ընդհանուր վնասները հանգեցրել են նրա ակնհայտ անկման: Միեւնույն ժամանակ, փորձագետները մատնանշում են ծայրահեղականների ակտիվացում այնպիսի անկայուն երկրներում, ինչպիսիք են` Լիբիան, Նիգերիան եւ Մալին: Պետդեպարտամենտը Իրանն անվանում է ահաբեկչության առաջատար հովանավորներից մեկը եւ անհանգստություն հայտնում Պակիստանում տեղակայված Հակկանի ցանցի առնչությամբ: Զեկույցի հեղինակների տվյալներով` 2011 թվականին ամբողջ աշխարհում տեղի է ունեցել ավելի քան 10 հազար ահաբեկչական գործողություն, որին զոհ է գնացել 12,5 հազար մարդ: Read more

Ռոմնիի օգնականը վիրավորել է լրագրողներին

Article Details: Published on Thursday, 02 August 2012 02:25; Written by

Gorka 5 Իսրայելում ԱՄՆ Հանրապետական կուսակցությունից նախագահի թեկնածու Միթ Ռամնիի հնչեցրած հայտարարության շուրջ սկանդալն անսպասելի շարունակություն է ունեցել Լեհաստանում: Այս անգամ իրադարձությունների կենտրոնում է հայտնվել ոչ թե Ռամնին, այլ նրա մամուլի խոսնակ Ռիկ Գորկան: Նրա նյարդերը տեղի են տվել, եւ նա սկսել է բղավել լրագրողների վրա` վերջիններիս ուղարկելով գրողի ծոցն ու առաջարկելով համբուրել իր հետույքը, երբ վերջիններս փորձել են Ռամնիից պարզել, թե ինչ նկատի ուներ, որ ասում էր, թե Երուսաղեմը Իսրայելի մայրաքաղաքն է: Նախագահի թեկնածուն անտեսել է լրագրողների խնդրանքը, իսկ նրա մամուլի խոսնակը բղավել է, կորեք գրողի ծոցը, Իսկ CNN-ի, New York Times-ի եւ Washington Post-ի լրագրողները ստացել են առավել ծայրահեղ առաջարկ` հետույքը համբուրելու տեսքով: Ավելի ուշ Ռիկ Գորկան զանգահարել է ամերիկացի լրագրողներին ու ներողություն խնդրել` խոստովանելով, որ իր արարքն անհարիր էր: Read more

01 August 2012

Հռոմի Կոլիզեումը թեքվում է

Article Details: Published on Wednesday, 01 August 2012 00:31; Written by

coliz 3 Այսօրվանից Հռոմում սկսվում է աշխարհի ամենահայտնի պատմական հուշարձաններից մեկի` Կոլիզեյում ամֆիթատրոնի վերանորոգման աշխատանքները, որոնք, ըստ մասնգետների կանխատեսման, կտեւեն 2-3 տարի: Վերանորոգման աշխատանքների ընթացքում Կոլիզեյը փակ է լինելու եւ զբոսաշրջիկները հնարավորություն չեն ունենա այն տեսնել: Վերջին անգամ աշխարհի ամենահայտնի անտիկ հուշարձանը վերանորոգել են 73 տարի առաջ: Մասնագետների խոսքով` ներկայիս աշխատանքներն ուղղակի անհարժեշտ են, քանի որ հուշարձանի ներսում տարբեր չափերի շուրջ 3000 ճեղքեր կան: Կոլիզեյի ամֆիթատրոնի հարավային հատվածը 38 սմ-ով ներքեւ է իջել, ինչի հետեւանքով շինությունը թեքվել է` կրկնելով Պիզայի աշտարակի ճակատագիրը: Իշխանությունները կարծում են, որ պատի իջեցման պատճառ են դարձել լարված երթեւեկությունից առաջացած դինամիկ վիբրացիաները, քանի որ հարավային պատը գտնվում է Հռոմի ամենածանրաբեռնված ճանապարհներից մեկի հարեւանությամբ: Այժմ մասնագետները պետք է մի շարք ուսումնասիրություններ անցկացնեն՝ իջեցման պատճառը պարզելու համար: Չի բացառվում նաեւ, որ շինության հիմքում ճեղք գոյացած լինի: Կոլիզեյը վերանորոգելու համար կպահանջվի 25 մլն եվրո, որն արդեն տրամադրել է կոշիկի արդադրության ոլորտում հայտնի Tod’s ընկերության տնօրեն Դիեգո Դելա Վալեն: Վերջինս այդ գումարը տրամադրելու դիմաց հնարավորություն է ստանում Կոլիզեյի լոգոտիպը օգտագործել 15 տարի իր արտադրանքի վրա: Read more

Թայֆունը մարդկային կյանքեր է խլել

Article Details: Published on Wednesday, 01 August 2012 00:19; Written by

philipp 4 Ֆիլիպիններում խաղաղօվկիանոսյան Սաոլա թայֆունի հետեւանքով 7 մարդ է զոհվել: Երկրի խոշորագույն Լուսոն կղզում եւ արշիպելագի կենտրոնական հատվածում թայֆունը ջրհեղեղի պատճառ է դարձել: Մանիլայից ստացված տեղեկություններով` տարերային աղետից ավելի քան 40 հազար մարդ է տուժել, 11 հազարը տարհանվել են: 150 կմ/ժամ արագությամբ քամին վնասել է հարյուրավոր տներ ու շինություններ, որոշ շրջաններ մնացել են առանց էլեկտրականության: Օդերեւութաբանների կանխատեսումներով` արեւադարձային օդային հոսանքը տեղաշարժվում է Թայվանի ուղղությամբ, որտեղ նախազգուշացվել է փոթորկի մասին: Ուրբաթ ցիկլոնը կարող է հասնել Շանհայի շրջան: Խաղաղ օվկիանոսում թայֆունների սեզոնը սկսվում է հունիսին եւ շարունակվում մինչեւ հոկտեմբեր: Այդ մթնոլորտային հոսանքները ձեւավորվում են հասարակածի ցածր ճնշման գոտիներում եւ տարածվում դեպի հյուսիսային լայնություններ` վիթխարի վնաս պատճառելով Արեւելյան Ասիայի երկրներին: Սաոլա -ն արդեն այս տարվա 9-րդ թայֆունն է: Այն իր անվանումը ստացել է այծքաղի հազվագյուտ տեսակից, որի գոյությունը բացահայտվել էր 20 տարի առաջ` Վիետնամի եւ Լաոսի հետ սահմանային լեռներում: Read more

Ավստրալիայում մեծ քանակությամբ թմրանյութ են գտել

Article Details: Published on Wednesday, 01 August 2012 00:12; Written by

aust 1 Ավստրալիայի ոստիկանությունը առգրավել է մոտ 525 մլն դոլար արժեքով մետամֆետամինի ու հերոինի խմբաքանակ: Մեկ տարի ձգվող հետաքննության տվյալով` Սիդնեյի նավահանգստում հայտնաբերվել է ավելի քան կես տոննա տարողությամբ խմբաքանակ. ծովով Թաիլանդից բերված կերամիկական ծաղկամանների մեջ եղել է 306 կգ մետամֆետամին ու 252 կգ հերոին: Ըստ քննիչների` եղել է 100 ծաղկաման: Երկրի ներքին գործերի նախարար Ջեյսոն Քլերի խոսքով` ստուգման արդյունքում առգրավվել է ավելի շատ թմրամիջոց, քան մեկ տարվա ընթացքում: Ստուգումներն իրականացվում էին երկու շաբաթ առաջ, սակայն ոստիկանությունը միայն այսօր է հայտնել արդյունքի մասին: Ոստիկանական գործողությանը մասնակցել են մաքսային ծառայության ու սահմանապահ հսկողության ծառայության աշխատակիցները: Տվյալ գործով հատուկ գործողությունների ընթացքում ոստիկանները հսկողության տակ են վերցրել թմրանյութերի առեւտրով զբաղվող 29-61 տարեկան կասկածյալներին, որոնցից երեքը Ավստրալիայի քաղաքացիներ են, չորսը` Հոնկոնգի բնակիչ: Ավստրալական օրենքներով` բոլոր նրանց ցմահ բանտարկություն է սպառնում: Կանաչ մայրցամաքում սա թմրանյութերի երբեւէ հանդիպած խոշորագույն խմբաքանակն է: Նշենք, որ նախորդ տարվա հոկտեմբերին էլ կոկաինը Մեքսիկայից Ավստրալիա տեղափոխելիս օգտագործել էին գարեջրի շշերը` գարեջրի փոխարեն լուծված կոկաին լցնելով: Գարեջրի անսովոր գույնն էլ բռնվելու պատճառ էր դարձել: Aust 2 Aust 3

Article Details: Published on Wednesday, 01 August 2012 00:02; Written by

walll 5 Նյու Ջերսի նահանգի Սիկակըս քաղաքում մոտ 700 մարդ է տարհանվել Walmart հանրախանութից, երբ հանրախանութում ռումբի մասին տեղեկություն է ստացվել: Շինությունն անմիջապես երկու շարքով շրջափակվել է ոստիկանների կողմից, եւ հատուկ վարժեցրած շները սկսել են ստուգել 100 հազար քառակուսի ոտնաչափ տարածքը: Այս ահազանգը մեկն էր այն 12 ահազանգներից, որ Wallmart-ի տարբեր հանրախանութներ ստացել են ողջ երկրի տարածքով: Խանութի աշխատակիցներին եւ հաճախորդներին մինչ այդ բարձրախոսով խնդրել են կազմակերպված ձեւով լքել տարածքը: Հադսըն շրւանի շերիֆ Ֆրենկ Շիլարիի խոսքով, անհայտ անձը զանգահարել է հանրախանութի մենեջերին եւ ասել, թե պայթուցիկ սարքն արդեն միացված է եւ որոշ ժամանակ անց կպայթի: Wallmart-ը զանգահարել է Սեկաուկուսի ոստիկաններին, եւ ժամանել են նաեւ շերիֆի գրասենյակի աշխատակիցները: Ոստիկանները, սակրավորներն ու վարժեցրած շները մանրազննին հետազոտել են ամբողջ տարածքը, սակայն կասկածելի ոչինչ չեն հայտնաբերել: Նշենք, որ 8 զանգ ստացել են Միզուրիի, եւս երեք զանգ` Քանզըսի հանրախանութները, որտեղից եւս տարհանում է իրականացվել: Միզուրիի ոստիկանների խոսքով, իրենք ունեն այն հեռախոսահամարը, որից կատարվել են զանգերը: Չի բացառվում, որ բոլոր ազահանգերը ստացվել են մեկ տեղից: Իրավապահները որոնում են հեռախոսային ահաբեկչին: Read more

Start
Prev
13
14
15
16
17
18
19
20
21
22
Next
End