Դեկտեմբերի 15-ին, երեկոյան Երեւան - Մեղրի ավտոճանապրհի 355-րդ կմ-ում` Արեւիկ գյուղի հատվածում մարդատար ավտոբուսը դուրս է եկել երթեւեկելի մասից եւ շրջվել գետը: Դեպքի վայր մեկնած փրկարարները պարզել են, որ Սկանիա մակնիշի իրանական պետհամարանիշով մարդատար ավտոբուսը դուրս է եկել երթեւեկելի մասից եւ շրջվել գետը: Հրշեջ-փրկարարները ոստիկանության աշխատակիցների եւ տեղի բնակիչների հետ համատեղ ավտոբուսից դուրս են բերել Հայաստանի եւ Իրանի 22 քաղաքացիների, ովքեր, ստանալով տարբեր աստիճանի մարմնական վնասվածքներ, հոսպիտալացվել են Մեղրի եւ Ագարակ քաղաքի հիվանդանոցներ: Հրշեջ-փրկարարները ավտոբուսից դուրս են բերել Իրանի քաղաքացի, 23-ամյա Մեհդաթ Սեիդ Նաջաթի դին եւ հանձնել իրանական կողմին: Բժիշկները Իրանի երկու քաղաքացու առողջական վիճակը գնահատել են ծայրահեղ ծանր, մյուսներինը` միջին ծանրության եւ բավարար: Read more
Գլենդելում պարզվել է տղամարդու ինքնությունը, ով դեկտեմբերի 10-ին մահացել է միկրոավտոբուսի տակ ընկնելու հետեւանքով: Նա 83-ամյա Գուրգեն Անուշյանն է: Լոս Անջելեսի շրջանի քննիչները հինգշաբթի օրը հայտարարել էին, որ փորձաքննություն են անցկացնելու՝ վնասվածքների բնույթը պարզելու համար, որոնք հանգեցրել են հետիոտնի մահվան: Ինչպես հաղորդում է Glendale News-Press-ը, Գլենդելի բնակիչ Գուրգեն Անուշյանի մահն արձանագրվել է Գլենդելի բժշկական կոնտրոնում, որտեղ նրան տեղափոխել էին վթարից հետո: Անուշյանը փողոցն անցնելիս է եղել դրա համար չնախատեսված վայրով, երբ նրան հարվածել է 40-ամյա Սանա Հուսեյնն՝ իր միկրոավտոբուսով: Վերջինս դեպքի վայրից չի փախել: Անուշյանի մահը այս տարվա ընթացքում առաջին դեպքն է, երբ Գլենդելում վրաերթի հետեւանքով մարդ է մահանում: Նախորդ տարի եւս մեկ նման դեպք է գրանցվել, որի հետեւանքով մահացել էր Գլենդելի բնակիչ 70-ամյա Տոնյա Կիսիշվիլին: Read more
Տարզանայում հայուհին սպանվել է նախկին ամուսնու հետ վեճի հետեւանքով: Դեպքը տեղի էր ունեցել շաբաթ օրը, 4500 Vanalden Avenue հասցեում, երեկոյան ժամը 7:20-ի սահմաններում: Ոստիկանության լեյտենանտն Թերեսա Ուոլլինը հայտնել է, որ 51-ամյա Ազնիվ Մեգըրյանը եւ 49-ամյա Մայքլ Քարվերը դեկտեմբերի 15-ին հրազենային վնասվածքներով տեղափոխվել էին հիվանդանոց: Երկուսն էլ վնասվածքներ էին ստացել վեճի ընթացքում, որին մասնակցել էր Ազնիվի նախկին ամուսինը՝ 59-ամյա Հրանտ Մեգըրյանը: Հրանտ Մեգըրյանը ձերբակալվել է Լոս Անջելեսի ոստիկանության կողմից: Մեգըրյանը մնացել է դեպքի վայրում եւ կալանավորվել: Նրա դեմ քրեական գործ է հարուցվել սպանության եւ մահափորձի առիթով, գրավի չափը կազմել է մեկ միլիոն դոլար: Ազնիվ Մեգըրյանը հիվանդանոցում մահացել է, Մայքլ Քարվըրի վիճակը գնահատվում է կայուն ծանր: Read more
Սան Ֆերնանդո Հովտի 22-ամյա բնակչին կալանավորել են` նրան մեղադրելով իր տատիկին բարբիքյուի պատառաքաղով սպանելու մեջ: Լոս Անջելեսի ոստիկանական վարչության տվյալներով, ահազանգը ստացվել է երեկ առավոտյան` ժամը 9-ին, 11 100 Rincon Avenue հասցեից: Կասկածյալը, ում անունը չի հաղորդվում, տատի եւ պապի հետ ապրում էր նույն տանը եւ շաբաթ գիշերը վիճել է տատիկի հետ: Կիրակի առավոտյան, երբ պապը բացակայել է, նա սպանել է տատուն: Կինը մահացել է տեղում, իսկ հանցագործը փախուստի չի դիմել եւ առանց դիմադրելու հանձնվել է ոստիկաններին: Read more
Կալիֆոռնիայի Նյուփորթ-Բիչ քաղաքում զենքի գործադրմամբ հերթական միջադեպն է գրանցվել: Միջադեպը տեղի է ունեցել Fashion Island mall առեւտրի կենտրոնի Macy's հանարախանութի մոտ բաց կայանատեղիում։ Անսպասելորեն մի տղամարդ չորս կողմը կրակ է արձակել, նա մոտ 50 կրակոց է արձակել: Տարածքում գտնվող մի քանի տասնյակ մարդիկ խուճապահար փախուստի են դիմել, թաքցրել երեխաներին: Բարեբախտաբար եւ զարմանալիորեն ոչ ոք անգամ աննշան վնասվաք չի ստացել, թեպետ հանցագործը կրակել է մարդկանց ուղղությամբ: Առեւտրի կենտրոնի անվտանգության աշխատակիցները փակել են դռները եւ գրեթե կես ժամ այցելուներին թույլ չեն տվել դուրս գալ` անվտանգության նկատառումներից ելնելով: Իրավապահներին հաջողվել է վնասազերծել եւ բռնել հանցագործին։ Ներկայումս պարզվում են հանցագործի դրդապատճառները, Հանցագործը Գարդեն Գրովի 42- ամյա բնակիչ Մարկոս Սարինանա Գուրոլան է եղել։ Ոստիկանները խուզարկել են առեւտրի կենտրոնը, սակայն կասկածելի ոչինչ չեն հայտնաբերել: Մարկոս Գուրոլային տեղափոխել են Օրանջ շրջանի բանտ, որտեղ նրան մեղադրանք են առաջադրել: Պարզվում է, որ նա իրավապահ համակարգի աշխատակից է, աշխատում է Անվտանգության եւ հետաքննության ծառայությունների բյուրոյում, իսկ արտոնագիրն ավարտվում է եկող տարվա հունվարին: Read more
Քանզըս նահանգում զինված հանցագործը երկու ոստիկան է սպանել եւ թաքնվել է։ 50-ամյա կապրալ Դեյվիդ Գոգիանն եւ ոստիկանության սպա Ջեֆ Աթըրլին սպանվել են Նահանգի մայրաքաղաք Թոպիկայում՝ մթերային խանութի մոտ։
Ոստիկանությունը հաղորդագրություն է ստացել խանութի մոտ կասկածելի մեքենայի հայտնվելու մասին եւ որոշում է ստուգել այն։ Ինչպես պարզվել է՝ ղեկին նստած էր լավ զինված 22-ամյա երիտասարդ՝ Դեյվիդ Թիսքարինո անունով, որը եւ կրակ է բացել։ Ոստիկանը, որը փորձել է կանգնեցնել մեքենան՝ օգնություն է կանչել: Հանցագործության վայր հասած Գոգիանը եւ Աթըրլին վիրավորվում են՝ գլխի հատվածում փափուշտի հարվածներից։ Բժիշկներին չի հաջողվել փրկել նրանց։ Սպանվածների գործընկերներին ավելի ուշ հաջողվում է գտնել լքված Toyota Camry մեքենան, որից կրակ էր բացել հանցագործը, սակայն Թիսքարինոյին հաջողվել էր փախչել: Ոստիկանությունը այսօր առավոտյան հատնաբերել է նրան դեպքի վայրից մեկ մղոն հեռավորության վրա ինչ որ տանը, ոստիկանների նրան պահանջել են հանձնվել բայց ապարդյուն: Ոստիկանները արցունքաբեր գազ են կիրառել, Թիսքարինոն կրակ է բացել, ոստիկանները դիմել են պատասխան կրակոցի արդյունքում հացագործը սպանվել է։ Read more
ԱՄՆ-ում Դեմոկրատական կուսակցության ներկայացուցիչները հրազենի վաճառքի կոշտ սահմանափակումների կոչ են արել: Առաջարկվող միջոցառումների շարքում է ավտոմատ հրացանի եւ լայն տրամաչափի հրազենի արգելքը: Նախաձեռնությունն առաջ է քաշել Կոնգրեսում Ներկայացուցիչների պալատի դեմոկրատների առաջնորդ Ջան Լարսընը: -Մենք պետք է լուրջ քննարկում սկսենք: Մեր երկրի պատմության մեջ տեղի ունեցած 12 ամենաարյունալի հանցագործությունների կեսը տեղի է ունեցել վերջին 5 տարում: Եվ ոչ ոք չի կարող երաշխավորել, որ դրանք այլեւս չեն կրկնվի,- ասել է Լարսընը: Նա առաջարկում է խստացնել գնորդների ստուգումները եւ արգելել մի շարք ավտոմատ եւ ծայրաստիճան հզոր հրազենը:
Նրա նախաձեռնությանն իրենց աջակցությունն են հայտնել Կաննեկտիկըտի, Կալիֆոռնիայի եւ Նյու-Յորքի դեմոկրատ կոնգրեսականներ Ռիչըրդ Բլումընտեյլը, Ջորջ Միլլըրն ու Քերըլայն Մաքքարթին: Հիշեցնենք, որ վերջին անգամ հրազենի գնման եւ պահման օրենքները ԱՄՆ-ում խստացվել են 1994 թվականին: 2004-ին լրացել է կիսաավտոմատ զենքի որոշ տեսակների վաճառքի արգելքի ժամկետը:Զենքի վաճառքի կանոնների խստացման օգտին հանդես են եկել շատ քաղաքական գործիչներ և հայտնի մարդիկ: Աստղերը ևս հանդես են եկել զենքի վաճառքն արգելելու պահանջով և վրդովմունք են արտահայտել իշխանությունների` այդ ոլորտում ունեցած բացթողումների դեմ։ Հրազենի ազատ վաճառքի դեմ է հանդես եկել նաև Նյու Յորքի քաղաքապետը:
Ինչպես նշում են լրատվամիջոցներն ու փորձագետները, զենքի ազատ առևտրի սահմանափակումը դժվարանում է ոչ միայն նրանով, որ կգնահատվի որպես ԱՄՆ Սահմանադրության խախտում, այլ նաև դրան խոչնդոտում է զենքի ազդեցիկ լոբբին: Read more
ԱՄՆ-ի նախագահ Բարաք Օբաման մերժել է կոնգրեսի պալատի ներկայացուցիչների խոսնակ Ջան Բեյնըրի առաջարկը` զիջումների գնալ`ճեղքվածքը կանխելու համար: Շաբաթ օրը հայտնի դարձավ, որ Բեյնըրը համաձայնել է միլիոնատերերի համար հարկերի բարձրացմանը`պայմանով, որ Օբաման կկրճատի մի շարք սոցիալական ծրագրերի ծախսերը: Ներկայումս դեմոկրատները եւ հանրապետականները ուսումնասիրում են ճեղքվածքից խուսափելու, բյուջեի կրճատման եւ 2013թ. բոլոր քաղաքացիների համար հարկերի բարձրացման հարցերը: Սպիտակ տունն ու հանրապետականները տեւական ժամանակ չէին կարողանում համաձայնության գալ բյուջետային ճգնաժամի հարցում: Հարկերի բարձրացումը պետք է մեխանիկորեն կատարվի, քանի որ 2013-ին կսպառվեն հարկային արտոնությունները, որոնք ներդրվել էին դեռ նախագահ Ջորջ Բուշ Կրտսերի օրոք: Օբաման հանդես է գալիս միջին խավի համար դրանց երկարաձգման օգտին: Կոնգրեսի ընդդիմությունը, իր հերթին, պնդում է, որ տնտեսության աճի դանդաղ տեմպի պայմաններում հարկային արտոնությունները պետք է տարածվեն նաեւ հարուստների վրա, որոնք այդ կերպ հնարավորություն կունենան ստեղծել ավելի շատ աշխատատեղեր, ինչը կօգնի լուծել գոյություն ունեցող գործազրկության հարցը: Սպիտակ տունը չի համաձայնել ընդունել Կոնգրեսի` միլիոնատերերի համար հարկերի մեծացման առաջարկը, որով նախատեսվում էր խուսափել բյուջեի նվազումից: Սպիտակ տունը կարծում է, որ հարկավոր է հարկերը բարձրացնել ոչ միայն միլիոնատերեր,ի այլև բոլոր այն ամերիկացիների համար, ովքեր վաստակում են տարեկան 250 հազար դոլարից ավել: Այսօր ներկայացուցիչների պալատի խոսնակ Ջան Բեյները եւ նախագահ Օբաման դեմ առ դեմ հանդիպում են ունեցել Սպիտակ տանը, հանադիպումը տեւել է մոտ 45 րոպե, սա արդեն երորդ դեմ առ դեմ հանդիպումն է ութ օրվա ընթացքում, այդպես էլ համաձայնության չգալով կողմերը որոշել են բանակցությունները շարունակել Սուրբ ծննդյան տոներից հետո։ Read more
Գլենդելի քաղաքային խորհրդի անդամ Արա Նաջարյանը հրապարային քննադատել է Լոս Անջելեսի շրջանային մետրոպոլիտենի տրանսպորտի վարչությունից իրեն հեռացնելու փորձերը: Նա դա ապօրինություն է համարել, ինչը սպառնում է խորհուրդը քաոսի վերածել: Նաջարյանն իր մեկնաբանություններն արել է տրանսպորտային վարչության առաջին նիստի ժամանակ: Այս ամիս նա բավականաչափ ձայներ չէր ստացել համապատասխան կոմիտեից, որը նշանակումներ է կատարում խորհրդում: Նաջարյանի համոզմամբ, դա կազմակերվել է այն պաշտոնյաների կողմից, ովքեր դժգոհ են նրա բացասական դիրքորոշումից` Փասադինայի ավտոստրադաներից մեկն ընդլայնելու վերաբերյալ:Նիստի ընթացքում Նաջարյանը կտրուկ քննդատության է ենթարկել տրանսպորտային վարչության անդամ եւ Դուարտեի քաղաքապետ Ջան Ֆրսանային եւ Ալհամբրայի քաղաքապետ Բարբրա Մեսինին այն բանի համար, որ փորձել են ճնշելել մյուս անդամների վրա, որ նրանք դեմ քվեարկեն Նաջարյանին: Read more
ԱՄՆ նախագահ Բարաք Օբաման որոշել է սենատըր Ջան Քերիին նշանակել պետքարտուղարի պաշտոնում: Ավելի վաղ Սպիտակ տան աղբյուրը չէր բացառել, որ Քերին կարող է նշանակվել պետքարտուղարի պաշտոնում:Քերիի մասին, որպես պետքարտուղարի հավանական թեկնածուի, սկսեց խոսվել այն ժամանակ, երբ ՄԱԿ-ում ԱՄՆ մշտական ներկայացուցիչ Սյուզըն Ռայսը հայտարարեց, թե չի պատրաստվում պայքարել պետքարտուղարի պաշտոնի համար: Օբաման ափսոսանք էր հայտնել, որ Ռայսի թեկնածությունը բուռն բողոք էր առաջացրել հանրապետական սենատըրների շրջանում:Նշենք, որ Սենատի արտաքին կապերի հանձնաժողովի նախագահ Ջան Քերին հայտնի է իր հայամետ դիրքորոշմամբ եւ աջակցում է Հայոց ցեղասպանության ճանաչման բանաձեւին: Read more
Powerd by Bloogie