amga.tv

Switch to desktop Register Login

December 2012

26 December 2012

Մահացու վթար Փասադինայում

asssp 5Առնվազն երկու մարդ է զոհվել Սուրբծննդյան տոներին Փասադինայում, երբ ոստիկանությունը հետապնդում էր ամենագնացի: Փասադինայի ոստիկանությունը հայտնել է, թե հետապնդումը սկսել է երեքշաբթի երեկոյան, ժամը 8-ի սահմաններում: Մեքենան Մըրենգո ավենյուում անցել է կարմիր լույսի տակով եւ բախվել հինգ մարդու տեղափոխող մինիվենին: Մի 26 տարեկան կին եւ 11տարեկան երեխա մահացել են տեղում, եւս երեք մարդու ծայրահեղ ծանր վիճակում տեղափոխել են հիվանդանոց: Ոստիկանությունը ձերբակալել է չորս կասկածյալների, որոնցից երկուսին տեղափոխել են հիվանդանոց` բուժզննման: Ոստիկանությունը նրանց որոնում էր նախօրեին Փասադինայում տեղի ունեցած սպանության կասկածանքով, երբ սպանվել էր մի տղամարդ:   Read more

26 December 2012

Ամերիկացի խորհրդականին սպանողը Իրանցի էր

iranci 6Պարզվել է, որ Աֆղանստանի մայրաքաղաք Քաբուլում ամերիկացուն սպանած կինն Իրանի քաղաքացի է, ով ամուսնու հետ Աֆղանստան է տեղափոխվել 10 տարի առաջ եւ նրա օգնությամբ կեղծ փաստաթղթեր ստացել: Աֆղանստանի Ներքին գործերի նախարարության ներկայացուցիչ Սեդիք Սեդիքին հայտնել է, որ կինն անկայուն վարք է դրսեւորել, սակայն քննությունը դեռեւս գրոհայինների հետ ոչ մի կապ չի հայտնաբերել:Կասկածյալի տանը խուզարկություն է անցկացվել, որտեղ իրանական անձնագիր է հայտնաբերվել: Նախաքննության ընթացքում կինը խոստովանել է, որ իր խնդիրն է եղել սպանել երկրի Ներքին գործերի ղեկավարությանը: Նշենք, որ նախօրեին ոստիկան կինը գնդակահարել է 49-ամյա ամերիկացի խորհրդական Ջոզեֆ Գրիֆինին: Վերջինս պայմանագրով աշխատում էր ՆԱՏՕ-ի համար: Read more

26 December 2012

Սենատորին ձերբակալել են DUI-համար

dui 5Վըրջինիա նահանգի Ալեքսանդրիա քաղաքում կիրակի օրը ոստիկանությունը ձերբակալել է Այդահո նահանգի հանրապետական սենատըր Մայքլ Կրեպոյին: Նրան մեղադրում են անսթափ վիճակում մեքենա վարելու մեջ: Նա անցել է լուսացույցի կարմիր լույսի տակով, ինչից հետո ոստիկանները կանգնեցրել են օրինախախտին: Անցկացված ալկոհոլային թեստը ցույց է տվել ձերբակալվածի արյան մեջ սպիրտի առկայությունը, հայտնել են տեղի ոստիկանները: Ներկայում 61-ամյա սենատորը 1000 դոլար գրավի դիմաց ազատ է արձակվել: Նրա գործով դատական նիստը նշանակված է 2013 թվականի հունվարի 4-ին: -Ես խորապես ցավում եմ կատարվածի համար: Ես սխալ եմ թույլ տվել, ինչի համար ներողություն եմ հայցում իմ ընտանիքից եւ իմ ընտրողներից,- ասված է նրա տարածած հատուկ հայտարարության մեջ: Հանրապետականը վստահեցրել է, որ նման բան այլեւս չի կրկնվի: Վըրջինիա նահանգի օրենքների համաձայն՝ առաջին անգամ անսթափ վիճակում ձերբակալված վարորդը տուգանվում է 300 դոլարով, կես տարով զրկվում վարորդական իրավունքից: Կրկնակի խախտումների դեպքում տուգանքի չափը կարող է հասնել 10 հազար դոլարի: Այդ դեպքում սպառնում է նաեւ 6 ամսվա ազատազրկում: Read more

26 December 2012

Բեն Աֆլեքը չի մասնակցի Սենատի ընտրություններին

banaf 4Հայտնի դերասան Բեն Աֆլեքը հայտարարել է, որ չի առաջադրվի Սենատի ընտրություններին: Այս մասին փոխանցում է Huffington Post-ը: -Ես սիրում եմ Մասաչուսեթսն ու մեր քաղաքական գործընթացը, սակայն որպես սենատըր չեմ առաջադրվի,- իր ուղերձում ասել է հալիվուդյան աստղը: Բեն Աֆլեքը խոստացել է շարունակել աշխատանքը Eastern Congo Initiative-ի հետ, որը 2010 թվականին հիմնադրվել է Աֆլեքի կողմից, եւ պայքարել ԱՄՆ-ում աղքատության ու սովի դեմ: Օրերս տեղեկություններ էին տարածվել, որ հայտնի ռեժիսորն ու դերասանը մտադիր է փոխարինել Ջան Քերիին, որին Օբաման առաջադրել է պետքարտուղարի պաշտոնում: Մասաչուսեթսից սենատըրի աթոռը թափուր կմնա հունվարից հետո, երբ սենատըր Ջան Քերին փոխարինի Հիլըրի Քլինթընին:   Read more

26 December 2012

Ռամնիի որդին գաղտնիքներ է բացում

romne 4ԱՄՆ-ի նախագահի նախկին թեկնածու Միթ Ռամնիի որդին հայտարարել է, որ իր հայրը չի ցանկացել մասնակցել նախընտրական քարոզարշավին: Agence France-Presse-ի փոխանցմամբ, Թեագ Ռամնին հայտարարել է, թե իր հայրը նախագահ դառնալ ավելի քիչ էր ցանկանում, քան որեւէ մեկը: Ռոմնիի որդին նաեւ նշել է, որ հայրը սիրում է իր ընտանիքը եւ երկիրը, սակայն չի սիրում հրապարակայնություն եւ ուշադրություն, հավելելով, որ եթե իր հայրը հնարավորություն ունենար գտնել որեւէ մեկին, ով կզբաղեցներ Հանրապետական կուսակցությունից նախագահի թեկնածուի իր տեղը, ապա նա ուրախ կլիներ: Թեագ Ռամնին նաեւ հայտարարել է, որ իր հայրը 2008 թվականի նախագահական ընտրություններում անհաջողությունից հետո իր ընտանիքին ասել էր, որ չի ցանկանա մասնակցել հաջորդ նախագահական ընտրություններին: Այնուամենայնիվ, Ռամնիի կինը եւ որդին կարողացել են համոզել նրան առաջադրել իր թեկնածությունը:  Read more

26 December 2012

Օբաման վերադառնում է արձակուրդից

vacat 4ԱՄՆ նախագահ Բարաք Օբաման, ով գտնվում է արձակուրդում, Սուրբ Ծնունդը նշել է Հավայան կղզիներում՝ կնոջ եւ աղջիկների հետ: Սպիտակ Տան ներկայացուցիչը հայտնել է, որ Օբամայի օգնականներն ամեն օր նրան տեղեկացնում են երկրում եւ աշխարհում տեղի ունեցող իրադարձությունների մասին: Նշվում է, որ Օբաման օրվա մի մասը անցկացնում է լողափում, զբոսնում է իր աղջիկների հետ, նաեւ չի մոռանում գոլֆ խաղալու մասին: Նա նաեւ ամեն օր մարզվում է: Նշենք, որ արդեն չորրորդ անգամն է, որ ԱՄՆ նախագահը Սուրբ Ծնունդն անցկացնում է Հավայան կղզիներում: Սակայն այս անգամ նրա արձակուրդը երկար չի տեւի: Օբաման, ամենայն հավանականությամբ, Վաշինգտոն կվերադառնա դեկտեմբերի 27-ին, որպեսզի հանրապետականների հետ շարունակի բանակցել սեկվեստրը կանխելու հարցով: Առաջին տիկինը եւ աղջիկները կմնան Հավաիի նահանգում: Նշենք, որ ԱՄՆ Կոնգրեսը եւ վարչակազմն աստիճանաբար մոտենում են փոխզիջման արդեն հինգերորդ շաբաթը շարունակվող բյուջեի շուրջ բանակցությունների վերաբերյալ: Բանակցություններում հարկային հարցն առանցքային է: Բյուջեի եկամուտը բարձրացնելու համար Օբաման առաջարկում է չեղյալ հայտարարել արտոնություններն այն ամերիկացիների համար, որոնք տարեկան աշխատում են ավելի քան 250 հազար դոլար, իսկ Ջան Բեյնըրը պատրաստ է խոսել միայն միլիոնատերերի համար հարկերը բարձրացնելու մասին:  Read more

22 December 2012

WikiLeaks-ը միլիոնավոր փաստաթղթեր կհրապարակի

sssa 5WikiLeaks-ի հիմնադիր Ջուլիան Ասանջը հայտարարել է, որ հաջորդ տարի իր ղեկավարած կազմակերպությունը միլիոնավոր նոր ամերիկյան դիվանագիտական փաստաթղթեր է հրապարակելու։ Իր աջակիցներին դիմելով Էկվադորի դեսպանատան պատշգամբից՝ Ասանջն ասել է, որ WikiLeaks-ի կողմից հրապարակվելիք նյութերը վերաբերում են աշխարհի բոլոր երկրներին։ Ասանջը, ով վերջին շրջանում հազվադեպ է հրապարակավ հանդես գալիս, գովեստով է խոսել ամերիկացի զինծառայող Բրեդլի Մենինգի մասին, ով WikiLeaks-ին արդեն հրապարակված եւ հրապարակվելիք ամերիկյան դիվանագիտական փաստաթղթերը փոխանցելու համար ԱՄՆ-ում քրեական հետապնդման է ենթարկվում եւ կարող է դատապարտվել մինչեւ 22 տարի ազատազրկման։ Նա նաեւ անբարոյական է համարել WikiLeaks-ի հրապարակումների առնչությամբ ԱՄՆ-ում ընթացող քրեական գործը եւ քննադատել է Ավստրալիայի իշխանություններին, որոնք հրաժարվում են պաշտպանել ավստրալահպատակ Ասանջին։ WikiLeaks-ի հիմնադիրը ապաստան է հայցել Էկվադորից եւ արդեն վեց ամիս գտնվում է Լոնդոնում Էդվադորի դեսպանատանը՝ այսպիսով խուսափելով Շվեդիա արտահանձնումից, որտեղ նրա դեմ քրեական գործ է հարուցված բռնաբարության մեղադրանքով։ Ասանջը հերքում է մեղադրանքը եւ քրեական գործի հարուցումը պայմանավորում WikiLeaks-ի հրապարակումներով։ Read more

Հրաձգություն Փենսիլվենիայում

pens 4Նվազագույնը չորս մարդ է զոհվել ևս հինգն էլ տուժել են ամերիկյան Փենսիլվենիա նահանգի Բլեր շրջանում տեղի ունեցած հրաձգության հետևանքով: Դեպքը տեղի է ունեցել առավոտյան ժամը 9-ի սահմաններում: Մարդասպանը սպանել է երեք մարդու, ինքն էլ սպանվել ոստիկանության հետ փոխհրաձգության ընթացքում: Սպանվածներից երկուսը տղամարդիկ են, մեկը` կին: Զոհերի եւ մարդասպանի անունները չեն հաղորդվում: Վիրավորներից երեքը Ազգային գվարդիայի զինծառայողներ են, որոնք վիրավորվել են Ֆրենկսթաուն քաղաքում, Փիթսբուրգից մոտ 100 մղոն հեռավորության վրա: Քննիչների կարծիքով, մարդասպանը վարել է մեքենան եւ դրա միջից կրակ է բացել պատահական անձանց ուղղությամբ: Ոստիկանության ներկայացուցիչ Ադըմ Ռիդի խոսքով, մարդասպանը ոչնչացված է եւ մարդկանց կյանքին այլեւս սպառնալիք չկա:  Read more

Փախուստ բանտի 20-րդ հարկից

padk 5Չիկագոյի բանտից համարձակ փախուստ իրականացրած բանկերի երկու թալանչիներից մեկին դեկտեմբերի 20-ի ուշ երեկոյան ԱՄՆ Հետաքննությունների դաշնային բյուրոն ձերբակալել է: Այս մասին հայտնում է Associated Press-ը: Ջոզեֆ Բենքսը Քենեթ Քանլիի հետ փախել էր Metropolitan Correctional Center դաշնային ուղղիչ կենտրոնի 20-րդ հարկից: Նրանք խցի պատին 15 սմ-անոց անցք էին բացել, այնուհետեւ սպիտակեղենից պատրաստված պարանով ցած իջել: Հանցագործները զգեստափոխվել էին, հարեւան փողոցից տաքսի նստել, ինչը ֆիքսել էր տեսահսկման խցիկը: Բենքսի եւ Քանլիի անհետացումը նկատվել է միայն վաղ առավոտյան, ինչը խոսում է այն մասին, որ նրանք մանրակրկիտ ծրագրել էին փախուստը: Նրանք անկողնում ծածկոցների տակ սրբիչներով անհարթություններ էին ստեղծել, որպեսզի քնած մարդու տպավորություն ստեղծեին: Բացի այդ նրանց հաջողվել էր քողարկել նաեւ վնասված պատերը: Հանցագործներին գտնելու համար մոբիլիզացվել են բոլոր հնարավոր ուժերը: Բենքսին հայտնաբերել հաջողվել է, նա զինված չի եղել: Քանլիի որոնումները շարունակվում են: 37-ամյա Ջոզեֆ Բենքսը մեղավոր էր ճանաչվել երկու բանկ կողոպտելեու, եւս երկուսը թալանելու մտադրության համար: Նա գողացել էր մոտ 600 հազար դոլար, ընդ որում, գումարի մեծ մասը չի հայտնաբերվել: Քենեթ Քանլին 2011թ. խոստովանել էր, որ բանկ է կողոպտել եւ տարել 4 հազար դոլար: Read more

Սան Պեդրոյի Գրինչին ձերբակալել են

grinch 4Սան Պեդրոյի Գրինչը, ով հազարավոր դոլարների հասնող արժեքով թանկարժեք իրեր էր գողացել Հարավային Կալիֆոռնիայի ողջ տարածքում, ձերբակալվել է: Լոմիտայի դետեկտիվները պարզել են նրա ինքնությունը, 42-ամյա Միխայիլ Վիչորեկն է: Դետեկտիվները ծպտյալ գործակալի միջոցով կապվել են Վիչորեկի հետ, ով թմրանյութ, քարտեր եւ այլ գողացված իրեր էր վաճառում, գտել նրա տունը եւ խուզարկել են այն: Պարզվել է, որ Վիչորեկը գողություններ էր արել Rolling Hills Estates-ում, Թորընսում, Պալոս Վերդեսում, Սան-Պեդրոյում, Քարսընում, Լոնգ-Բիչում եւ Լեյքվուդում: Գողոնի մեջ հատկապես շատ էին ամանորյա բացիկները, կային նաեւ փոշեկուլներ, խաղալիքներ, տնային տեխնիկա եւ ափսեներ: Վիչորեկին ազատ են արձակել 20 հազար դոլար գրավի դիմաց, հունվարի 10-ին նա պետք է կանգնի Թորընսի դատարանի առջեւ: Read more

Powerd by Bloogie

Copyright © 2012 | Amga.TV | Armenian Media Group Of America.

Top Desktop version