October 2013
22 October 2013
Մահացու ելքով վթար Եղվարդի ճանապարհին
- Article Details
- Published on Tuesday, 22 October 2013 00:16
- Written by
Հոկտեմբերի 20-ին, խոշոր ավտովթար է տեղի ունեցել Կոտայքի մարզում: Ժամը 21:20-ի սահմաններում Եղվարդ-Երեւան ավտոճանապարհի 32-րդ կմ հատվածում բախվել են BMW եւ Նիվա մակնիշի մեքենաները: Վթարի հետեւանքով 7 հոգի մարմնական վնասվածքներով տեղափոխվել են հիվանդանոցներ: Նիվայում գտնվող երկու տղամարդիկ` Էդգար եւ Էդուարդ Հակոբյան եղբայրները մահացել են հիվանդանոցում, իսկ չորս երեխաների վիճակը ծանր է: BMW մեքենայի ղեկին եղել է հայտնի դերասան Վարդան Պետրոսյանը: Վթարի հետեւանքով պատռվել է նրա փայծաղը, որն այսօր վիրահատել են, նրա կյանքին ոչինչ չի սպառնում: Ոստիկանությունը քրեական գործ է հարուցել ճանապարհային երթեւեկության կանոնների խախտման մեղադրանքով: Read more
Սխալմամբ ազատված հանցագործներին ձերբակալեցին
- Article Details
- Published on Tuesday, 22 October 2013 00:13
- Written by
Իրավապահները դարձյալ ձերբակալել են երկու հանցագործներին, որոնք բանտի ղեկավարության սխալմունքի պատճառով ազատ էին արձակել: Ֆլորիդա նահանգի անվտանգության դեպարտամենտի աշխատակիցները ԱՄՆ Մարշալների ծառայության հետ համատեղ նախօրեին երեկոյան ձերբակալել են փախուստի դիմածներին Պանամա-Սիթի քաղաքի մոթելներից մեկում: Նրանց ձերբակալել են մի քանի ժամ անց այն բանից հետո, երբ իրենց հարազատները մամուլի ասուլիսի ժամանակ կոչ են արել հանձնվել իշխանություններին: Ջոզեֆ Ջենքինսը եւ Չարլզ Ուոլքըրը, ովքեր 1990թ. ցմահ բանտարկության էին դատապարտվել ծանրացուցիչ հանգամանքներում սպանության համար, բանտի աշխատակիցների սխալմունքի պատճառով հայտնվել են ազատության մեջ, ովքեր լիարժեք չեն ստուգել ազատ արձակման վերաբերյալ նրանց փաստաթղթերը: Ուոլքըրը ուղղիչ հաստատությունը լքել է հոկտեմբերի 8-ին, այն ժամանակ, երբ Ջենքինսը ազատության մեջ է գտնվում է սեպտեմբրի 27-ից: Պատիժների դեպարտամենտի ներկայացուցիչը հաղորդել է, որ բանտի ղեկավարությունն աշխատել է դատարանից ստացած փաստաթղթերի հիման վրա, արդյունքում պարզվել է, որ դրանք կեղծ են: Ցմահ բանտարկության փոխարեն նշված էր 15-ամյա ազատազրկում: Read more
Որոնում են փախուստի դիմած անձանց
- Article Details
- Published on Tuesday, 22 October 2013 00:09
- Written by
Հետաքննությունների դաշնային բյուրոն բնակչության օգնությունն է խնդրում երեք փախուստի մեջ գտնվող երեք հանցագործների որոնման հարցում, որոնց հետախոզում են միջազգային հանցավոր խմբավորման գործի շրջանակներում, որը զբաղվում էր բանկային ու հարկային խարդախությամբ: FBI-ը որոնում է 34-ամյա Հայաստանի քաղաքացի Հովհաննես Հարությունյանին, 23-ամյա Երմեկ Դոսիմբեկովին ու 25-ամյա Ալիշեր Օմարովին: Մյուս 52 հանցակիցների հետ միասին մեղադրանք է ներկայացվել երեք փախստականերին չորս դաշնային մեղադրական եզրակացությունների շրջանակում, որոնք կապված են ավելի քան 3500 մարդու անձնական տվյալների հափշտակման հետ: Այդ տվյալների շնորհիվ նրանք ԱՄՆ-ի Հարկային վարչությունից խաբեությամբ ձեռք են բերել ավելի քան 27 մլն դոլար, որից 7 մլն դոլարը վճարել էր հենց Հարկային վարչությունը: Իշխանությունները նշել են, որ այս խմբին ղեկավարները եղել են հայեր, որոնք նախկին խորհրդային բլոկի երկրների օտարերկրյա քաղաքացիներին օգտագործում էին խարդախ գործությունների համար: Read more
21 October 2013
Հրշեջին մեղադրանք չի առաջադրվի
- Article Details
- Published on Monday, 21 October 2013 23:58
- Written by
Հրշեջ ծառայության աշխատակցին, ով մեղադրվում է հուլիսի 6-ին Սան Ֆրանցիսկոյում Բոինգ 777-200 ինքնաթիռի ուղեւորուհուն վրաերթի ենթարկելու մեջ, մեղադրանք չի առաջադրվի եւ նա քրեական պատասխանատվության չի ենթարկվի: Սան Մաթեո քաունթիի դատախազությունը հրաժարվել է քրեական գործ հարուցել Չինաստանի քաղաքացու մահվան փաստով: Դատախազի խոսքով, քննությունը ցույց է տվել, որ աղջկա մահը վրա է հասել դժբախտ պատահարի հետեւանքով: -Սան Ֆրանցիսկոյի հրշեջները պոտենցիալ վտանգավոր պայմաններում արել են հնարավորը հարյուրավոր մարդկանց փրկության համար: Տվյալ միջադեպը քրեական հետապնդման պատճառ չի դառնա, ասել է դատախազը: Հիշեցնենք, որ Asiana Airlines ընկերության ինքնաթիռը հուլիսի 6-ին վթարային վայրէջք է կատարել Սան Ֆրանցիսկոյում: Բոինգը բախվել էր գետնին, պոկվել էր պոչամասը: Չորս անձի հարվածից դուրս էր նետել: 16-ամյա աղջիկը մահացել էր ոչ թե անկումից, այլ օգնության շտապող հրշեջ մեքենայի վրաերթի հետեւանքով: Վարորդը չէր նկատել գետնին ընկած աղջկան: Սեուլից ժամանած ինքնաթիռում 307 մարդ էր եղել, երեքը զոհվել էին, 182-ը վիրավորվել: Read more
21 October 2013
Օբաման կոչ է արել քննարկել խնդիրները
- Article Details
- Published on Monday, 21 October 2013 23:54
- Written by
ԱՄՆ նախագահ Բարաք հայտարարել է, թե դեմոկրատներն ու հանրապետականներն այժմ կարող են աշխատել երեք ոլորտներում: Իր ամենշաբաթյա ուղերձում Օբաման ասել է, թե այժմ, երբ կառավարական հաստատությունները կրկին աշխատում են եւ դեֆոլտի սպառնալիքը հեռացված է, երկու կուսակցությունները պետք է նստեն եւ քննարկեն` ինչպես հավասարակշռել բյուջեն, որ ամերիկյան տնտեսությունը շարունակի աճել, իսկ պարտքը` շարունակի նվազել: Օբաման շեշտել է, որ կա եւս մեկ ոլորտ, որտեղ երկու կուսակցությունների ներկայացուցիչները կարող են միասին աշխատել` դա չգործող ներգաղթի համակարգի բարեփոխումն է: Նա նշել է, թե Սենատն արդեն ընդունել է օրինագիծը, որն արժանացել է թե դեմոկրատների, թե հանրապետականների հավանությանը, եւ այժմ Ներկայացուցիչների պալատի հերթն է նույնն անելու: Երրորդ ոլորտը, որտեղ կուսակցությունները կարող են միասին առաջընթացի հասնել, ֆերմերների աջակցության օրինագիծն է, որը կօգնի երեխաներին եւ չափահասներին բարդ ժամանակներում եւ գյուղատնտեսական համայնքներին զարգանալու հնարավորություն կտա: Հանրապետականների ամենշաբաթյա ուղերձով հանդես է եկել Վըրջինիա նահանգի գլխավոր դատախազ Քեն Քուչընելին, ով հայտարարել է, թե առողջապահական ապահովագրության օրինագիծը, մարտահրավեր է բոլոր այն ազատություններին, որոնց հիման վրա ստեղծվել է ԱՄՆ-ը: Քուչընելին առաջադրվել է Վըրջինիայի նահանգապետի պաշտոնում, կարծում է, թե օրինագիծը դաշնային իշխանության չարաշահում է: Read more
21 October 2013
Հանրապետական սենատորին սպառնացել են
- Article Details
- Published on Monday, 21 October 2013 23:50
- Written by
Իրավապահները հետաքննում են հանրապետական սենատոր Թեդ Քրուզի հասցեին ուղղված սպառնալիքները: Նա կարող է դառնալ 2016-ի նախագահական ընտրությունների թեկնածու, իսկ այս տարի առանձնացել է առողջապահության բարեփոխումների եւ բյուջեի ընդունման դիմակայության ակտիվ մասնակցությամբ: Հետաքննությունը կապված է որպես նախկին զինծառայող ներկայացող ոմն Տրոյ Գիլմորի՝ Twitter-ի միկրոբլոգի գրառումների հետ: Նա հրապարակել է Հյուսթընում բնակվող սենատըրի տան հասցեն եւ մի քանի գրառումներ, մասնավորապես այն մասին, որ Քրուզին պետք է իմաստության դաս տալ: Սենատըրի ներկայացուցիչը նշել է, որ իրենք այդ մասին ծանուցել են իրավապահներին: Կապիտոլիումի ոստիկանությունը հետաքննում է գործը: Read more
21 October 2013
Գեներալն ու իր տեղակալը հրաժարական կտան
- Article Details
- Published on Monday, 21 October 2013 23:47
- Written by
ԱՄՆ Ազգային անվտանգության գործակալության տնօրեն Քիթ Ալեքսանդըրը եւ նրա տեղակալն առաջիկա ամիսներին հրաժարական կտան: Այս քայլը կարող է հնարավորություն ընձեռել ԱՄՆ նախագահ Բարաք Օբամային վերակազմավորել գործակալությունը, որի գործառույթների մեջ մտնում է մասնավորապես գաղտնալսումը: Ալեքսանդըրը պաշտոնից հեռանալու մտադրության մասին պաշտոնապես կհայտարարի 2014 թ. մարտ-ապրիլ ամիսներին, իսկ նրա տեղակալ հրաժարական կտա մինչեւ տարեվերջ: Սպիտակ տան մամուլի քարտուղար Ջեյ Քարնին հայտարարել է, թե Քիթ Ալեքսանդըրի հրաժարականը կապված չէ էդվըրդ Սնոդենի գործի հետ եւ պարտադիր բնույթ չի կրում: -Մենք կարող ենք հաստատել, որ մի քանի շաբաթ առաջ գեներալ Ալեքսանդըրը նախագահին հայտնել է 2014-ի գարնանը պաշտոնը լքելու իր մտադրության մասին,- ասել է Բարաք Օբամայի մամուլի քարտուղարը: Read more
08 October 2013
Միջադեպ օլիմպիական կրակի տեղափոխման ժամանակ
- Article Details
- Published on Tuesday, 08 October 2013 11:24
- Written by
Մոսկվայում ազդարարված Սոչիի ձմեռային օլիմպիական խաղերի ջահի փոխանցումավազքի ռուսաստանյան փուլը նշանավորվել է տհաճ դիպվածով. ստորջրյա լողի աշխարհի 17-ակի չեմպիոն Շավարշ Կարապետյանի ձեռքերում կրակը մարել է: Այն անմիջապես վառել են կրակայրիչի միջոցով եւ մեր հայրենակիցն այն հասցրել է հաջորդ ջահակրին: Խաղերի կազմկոմիտեի ղեկավարը դա հիմնավորել է այն հանգամանքով, որ պատասխանատու աշխատակիցը մինչեւ վերջ չէր բացել ջահի գազի փականը: Փոխանցումավազքը սկսվել է Կրեմլի տարածքից: Հիշեցնենք, որ Շավարշ Կարապետյանը հերոսական արարք է կատարել 37 տարի առաջ՝ 1976 թվականի սեպտեմբերի 16-ին, երբ ուղեւորներով լիքը տրոլեյբուսը ընկել է Երեւանյան լիճը, պատահաբար մոտակայքում գտնվող Շավարշ Կարապետյանը իսկույն ջուրն է նետվել: Ջրասուզված տրոլեյբուսից նա 20 մարդ է դուրս բերել, 20 կյանք է փրկել: Նրա հերոսական արարքի լուրը տարածվել էր աշխարհով մեկ: Նշենք, որ օլիմպիական կրակը Ռուսաստանի մայրաքաղաք են հասցրել փոխվարչապետ Դմիտրի Կոզակը, Մոնակոյի իշխան Ալբեր 2-րդը: 123 օրում ջահը կլինի Ռուսաստանի բոլոր 83 սուբյեկտների 130 քաղաքներում, կլինի միջերկրային ուղեծրում եւ Բայկալ լճի հատակում: Այն կանցնի 65 հազար կիլոմետր եւ փետրվարի 7-ին կհանգրվանի ձմեռային 22-րդ օլիմպիադայի մայրաքաղաք Սոչիում: Read more
McDonald’s-ի նորամուծությունը
- Article Details
- Published on Tuesday, 08 October 2013 11:18
- Written by
McDonald’s արագ սննդի ռեստորանների ցանցի ղեկավարությունը Հյուսթընում արգելել է իր հաստատություններ այցելել գոտկատեղից ցածր տաբատներով: Նշենք, որ այս նորաձեւությունը տարածված է ԱՄՆ-ում, հատկապես աֆրոամերիկացի երիտասարդների շրջանում: Նախկինում McDonald’s-ում չէր կարելի ճաշել ոտաբոբիկ կամ առանց վերնազգեստի: Հաստատություններից մեկի դռան վրա նույնիսկ գրված էր. -Չկան կոշիկներ, չկա վերնազգեստ՝ չկա սպասարկում: Իսկ այժմ հավելել են՝ -Այս ռետորանում չեն թույլատրվում ցածր տաբատներ, -Կա՛մ բարձր գոտիով տաբատներ, կա՛մ մի մտիր: -Հաճախորդների համար նախատեսված նշումներում ասված է, որ նրանք հետեւեն պատշաճ հագուկապին եւ հարգեն ուրիշներին: Ոչ ոք չի ցանկանում տեսնել ձեր ներքնազգեստը,- ասել է McDonald’s-ի մենեջերը: Read more
Սիրիայում հայ է զոհվել
- Article Details
- Published on Tuesday, 08 October 2013 11:14
- Written by
Դամասկոսի կենտրոնում երեկ ականանետային հրետակոծման արդյունքում հայ է զոհվել: Այս մասին հայտնել է Սիրիայի հայ համայնքի ներկայացուցիչ Նազարեթ էլմաջյանը: Նա նշել է, թե մահացողը 55-ամյա Շավարշ Գարթացողյանն է եղել: էլմաջյանի խոսքով՝ հրետակոծման են ենթարկվել Բաբ Թումա եւ Կասսաա փողոցները, վնաս է հասցվել բնակելի թաղամասերին, եկեղեցիների եւ դպրոցներին. Ականանետային հրետակոծման արդյունքում ոչնչացվել է հունական Սուրբ Խաչ եկեղեցին: Իսկ պետական ՍԱՆԱ գործակալությունը հայտնում է, թե Դամասկոսի քրիստոնեական թաղամասի ռմբակոծման արդյունքում զոհվել է առնվազն 8 մարդ:
Powerd by Bloogie