23 December 2018

Ալիեւ քույրերը սկանդալի կենտրոնում

Article Details: Published on Sunday, 23 December 2018 01:16; Written by

5 aliev Ադրբեջանի նախագահ Իլհամ Ալիևի դուստրերը ներգրավված են եղել անօրինական գործունեության մեջ, որը փողերի լվացման մեծ ռիսկեր է պարունակել։ Այս մասին գրում է The Guardian-ը։ Լեյլա և Արզու Ալիևաները համաձայնել են Լոնդոնում գնել 60մլն ֆունտ ստեռլինգ արժեցող էլիտար սեփականություն՝ օգտվելով գաղտնի օֆշորային ընկերությունից։ Ըստ Guardian-ի, Ալիևի դուստրերը ցանկացել են ձեռք բերել Լոնդոնի Նայթսբրիջ արվարձանում գտնվող 2 բնակարանները՝ 59,5մլն ֆունտ ստեռլինգով՝ այն 1 բնակարանի վերածելու նպատակով, որը գտնվում էր Բաքինգհեմյան պալատի մոտակայքում։ Գործարքը 2015թ-ին նախատեսում էր համալրել Իլհամ Ալիևի՝ Բրիտանիայում ունեցած բազմամիլիոն սեփականությունների շարքը։ Գնումը նախաձեռնել է Լեյլա Ալիևան այն ժամանակ, երբ նա բաժանվում էր ամուսնուց՝ ադրբեջանցի գործարար ու փոփ-աստղ Էմին Աղալարովից։ Բնակարանների ձեռքբերման համար նախատեսվում էր օգտագործել օֆշորային ընկերությունը, որը բրիտանական Child & Child ընկերության իրավաբան Խալիդ Շարիֆը գնել էր պանամական Mossack Fonseca ընկերությունից։ Այս մանրամասները հայտնվել են Բրիտանիայի կարգապահական տրիբունալում, որտեղ Խալիդը խոստովանել է, որ չի կատարել փողերի լվացման ստուգում և խախտել է մասնագիտական վարքագծի կանոնները։ Տրիբունալը նրան տուգանել է ընդհանուր 85 հազար ֆունտ ստեռլինգով։ Նշվում է, որ իրավաբանը Բրիտանիայում առաջին պրոֆեսիոնալն է, որը պատժվում է 2016թ-ի ապրիլին Guardian-ի և այլ լրտվամիջոցների կողմից Պանամական թղթերի հրապարակումից հետո։ Գործով նշվում է, որ պայմանագրերի փոխանակումից հետո Ալիևա քույրերը սկսել են վճարումներ կատարել՝ փոխանցելով ավելի քան 10մլն ֆունտ ստեռլիգ։ Սակայն գործարքը չեղարկվել է 2016թ-ին, երբ Պանամական թղթերով Ալիևների ընտանիքը կասկածվում էր մեծ մասշտաբներով փողերի լվացման մեջ։ Read more

Հայաստանում սփյուռքի նախարարություն չի լինելու

Article Details: Published on Sunday, 23 December 2018 01:13; Written by

Mxitar Hayrapetyan Հայաստանում սփյուռքի նախարարություն չի լինելու, նոր կառավարությունում այդ եւ մի քանի այլ նախարարություններ կցրեն։ Ընդհանուր առմամբ, 17 նախարարությունների փոխարեն լինելու է 12 նախարարություն։ Լուծարելու են նաեւ առաջին փոխվարչապետի պաշտոնը։ Իսկ սփյուռքի նախարարությունը դառնալու է վարչություն Արտաքին գործերի նախարարության կազմում։ Նշենք, որ Կրթության եւ գիտության նախարար Արայիկ Հարությունյանը շարքային նախարարից կվերածվի սուպերնախարարի՝ փաստացի ղեկավարելով երեք նախարարություն: Հարությունյանի ղեկավարծ նախարարությանն են միացվելու մշակույթի, ինչպես նաեւ սպորտի եւ երիտասարդության հարցերի նախարարությունները: Այս փոփոխությունները կիրականացվեն կառավարության կառուցվածքային փոփոխությունների համատեքստում: Read more

Գեներալ Մանվելին ազատել են կալանքից

Article Details: Published on Sunday, 23 December 2018 01:08; Written by

4 3 Նախկին պատգամավոր, Երկրապահի նախկին նախագահ, գեներալ-լեյտենանտ Մանվել Գրիգորյանը 25 մլն դրամ գրավի դիմաց ազատ է արձակվել կալանքից։ Երեւան քաղաքի ընդհանուր իրավասության դատարանի դատավոր Դավիթ Բալայանը բավարարել է պաշտպանական կողմի միջնորդությունը՝ 25 միլիոն դրամ գրավի դիմաց ազատ արձակել: Գրիգորյանը, ըստ փաստաբանների, լուրջ առողջական խնդիրներ ուներ։ Տուշոնկա Մանվել մականունը ստացած գեներալը, սակայն տուն չի կարողացել հասնել։ Հարյուրավոր էջմիածնեցիներ փակել են ճանապարհը եւ բողոքի ակցիա են արել։ Նշենք, որ դեկտեմբերի 12-ին Երեւանի ընդհանուր իրավասության դատարանը Մանվել Գրիգորյանի խափանման միջոց կալանքը եւս երկու ամսով երկարացրել էր: Read more

Washington Post–ը Հայաստանին է անդրադարձել

Article Details: Published on Sunday, 23 December 2018 01:05; Written by

9 2 2018-ը գրեթե բոլոր ցուցանիշներով ժողովրդավարության համար աղետալի տարի էր: Այս մասին Ֆրիդա Գիտիսը գրում է The Washington Post-ի իր հոդվածում: Այնուամենայնիվ, ըստ նրա, աշխարհի որոշ մասերում ժողովրդավարական բարեփոխումների համար պայքարն անսպասելիորեն հասել է հսկայական հաջողությունների` դրանով իսկ հիշեցնելով, որ ակտիվության, առաջնորդության եւ հանգամանքների ճիշտ համադրությունը կարող է հանկարծակի փոխել պատմության ընթացքը: Գիտիսը նշում է երեք երկրներ, որտեղ անսպասելի փոփոխություններ են տեղի ունեցել՝ Եթովպիա, Հայաստան եւ Պերու: Նա շեշտում է, որ Հայաստանը դրամատիկ շրջադարձ է ունեցել: Ընդհանուր առմամբ, հեղինակը կարծում է, որ բոլոր երեք երկրները եւ նրանց ղեկավարները դեռեւս վտանգավոր խոչընդոտների են հանդիպում ամուր ազատական ժողովրդավարության ճանապարհին: Read more

Շերիֆը ICE-ին հանելու է բանտերից

Article Details: Published on Sunday, 23 December 2018 01:03; Written by

Լոս Անջելես քաունթիի նոր շերիֆ Ալեքս Վիյանուեվան հայտարարել է, թե դաշնային գործակալներին վտարելու է շրջանային բանտերից։ Նրա այս հայտարարությունը հարուցել է Truth Act Communitу Forum-ի մասնակիցների բուռն ոգեւորությունը։ -Մենք պատրաստվում ենք ֆիզիկապես հեռացնել ICE-ի բոլոր գործակալներին շրջանային բանտերից,- ասել է շերիֆը՝ հավելելով, որ ծրագրում է նաեւ կրճատել աննշան իրավախախտումների ցանկը, որոնց հետաքննությունը իրականացվում է սահմանապահ եւ մաքսային ծառայության աշխատակիցների հետ համատեղ։ Շերիֆի խոսքով, 150 իրավախախտումներից ցանկում մնալու են միայն առավել վտանգավորները։ Վիլաուեվան ամենամեծ քաունթիի շերիֆ է դարձել այս տարվա նոյեմբերին՝ հաղթելով միջանկյալ ընտրություններում։ Համաժողովում նշվել է, որ անցած տարի ICE-ը 1200-ից ավելի դատապարտյալների է տեղափոխել, որոնց քառորդ մասը դատապարտված է եղել այլոց կյանքին եւ առողջությանը հասցված վնասի համար։ Արտաքսված անձանց մեծ մասը պատիժ են կրել ոչ բռնի հանցանքների համար։ -Հանցագործությունները պետք է դիտարկվեն քրեական արդարադատության համակարգի, այլ ոչ միգրացիոն ծառայության կողմից,- ասել են մասնակից իրավապաշտպանները։ 1 11