15 January 2013

Նյու Յորքի գեղեցկուհին` Միսս Ամերիկա 2013

Article Details: Published on Tuesday, 15 January 2013 01:31; Written by

missusa 5 Միսս Ամերիկա 2013 գեղեցկության ամենամյա մրցույթը կայացել է Լաս-Վեգըսում, որի հաղթող է ճանաչվել ՆյուՅորքի Բրուքլին շրջանի 23-ամյա բնակչուհի Մելորի Հեյգընը։ Հաղթանակի ճանապարհին՝ մրցույթի եզրափակչում գեղեցկուհին ստեպ է պարել Ջեյմս Բրաունի Get Up Off of That Thing ստեղծագործության տակ։ Ավանդույթի համաձայն մրցույթի ընթացքում աղջիկներին հարցեր են տվել։ Հեյգանին հարցրել են, թե արդյոք ԱՄՆ-ի դպրոցներին անհրաժե՞շտ է զինված անվտանգություն։ Ի պատասխան աղջիկը նշել է, որ բռնության դեմ չի կարելի պայքարել բռնությամբ։ Միսս Ամերիկա տիտղոսակիրը ստացել է գեղեցկության թագուհու թագն ու 50 հազար դոլար՝ երկրի լավագույն ուսումնական հաստատություններից մեկում ուսանելու համար։ Երկրորդ եւ երրորդ տեղերում են Հարավային Կարոլայնայի եւ Օքլահոմի ներկայացուցիչները: Մրցույթին մասնակցել են 50 նահանգների ներկայացուցիչները, ինչպես նաեւ Կոլումբիա շրջանից, Պուերտո Ռիկոյից եւ Վըրջինյան կղզիներից։ Read more

Լոս Անջելեսում բաժանել են Ոսկե գլոբուսները

Article Details: Published on Tuesday, 15 January 2013 01:26; Written by

goldeng 4 Լոս Անջելեսի Բեւերլի Հիլթըն հյուրանոցում տեղի է ունեցել Ոսկե գլոբուսի մրցանակաբաշխությունը: Գլխավոր անվանակարգում՝ լավագույն դրամատիկ ֆիլմ, հաղթող է ճանաչվել Բեն Աֆլեկի Արգո գործողությունը: Տղամարդու լավագույն դերի համար մրցանակի է արժանացել Դենիել Դեյ Լյուիսը Լինքըլն ֆիլմի համար, իսկ լավագույն կին դերասան է ճանաչվել Ջեսիկա Չեսթեյնը Թիրախ համար մեկ ֆիլմում խաղացած դերի համար: Լավագույն կատակերգություն կամ մյուզիքլ մրցանակին արժանացել է Թամ Հուպերի Թշվառները ֆիլմը: Այս անվանակարգում լավագույն դերասան է ճանաչվել նույն ֆիլմի գլխավոր դերակատար Հյու Ջեքմընը: Լավագույն ռեժիսուրայի համար մրցանակ է ստացել Բեն Աֆլեկը: Ավստրիացի Միխաիլ Հանեկեի Սեր ֆիլմը ճանաչվել է արտասահմանյան լավագույն ֆիլմ: Քուենտին Տարանտինոն Ոսկե գլոբուսի է արժանացել լավագույն սցենարի համար` Ազատագրված Ջանգո ֆիլմով: Էն Հեթեուեյը մրցանակ է ստացել երկրորդական պլանի լավագույն դերի համար: Լավագույն անիմացիոն ֆիլմ է ճանաչվել Քաջ սիրտը: Երգչուհի Ադելն էլ Ոսկե գլոբուս է ստացել Ջեյմս Բանդի մասին ֆիլմի Skyfall հիթի համար: Read more

Մոսկվայում երթ ընդդեմ հակաամերիկյան օրենքի

Article Details: Published on Tuesday, 15 January 2013 01:13; Written by

mosc 7 Մոսկվայում կայացել է «Սրիկաների դեմ բազմահազարանոց քայլերթը», որը նվիրված էր «Դիմա Յակովլեւի օրենքի» բոյկոտմանը: Երթի մասնակիցները պահանջել են չեղյալ հայտարարել օրինագիծը, որով ամերիկացիներին արգելվում է որդեգրել ռուս երեխաներին: Ոստիկանության տվյալներով, երթին մանսակցել 9 հազար մարդ, ըստ ընդդիմության ներկայացուցիչների` ավելի քան 50 հազարը: Ակցիայի մասնակիցները տարել են հակամագնիտսկու օրենքի կողմնակից պատգամավորների դիմանկարները, որոնք ավելի ուշ նետել են աղբանոցը: Ընդդիմադիր Սերգեյ Ուդալցովը լրագրողներին խոստացել է կազմակերպել զանգվածային ակցիա առաջիկա գարնանը: -Իշխանությունները չեն հասկանում, թե ինչ են անում: Նրանք այժմ օգտագործում են իրենց վերջին շանսը, շահարկումներ անում հակամերիկյան զգացմունքների վրա` չխորշելով դրա մեջ ներքաշել նաեւ երեխաներին,- նշել են ակցիայի մասնակիցները: Մեծ ակցիա է կայացել նաեւ Սանկտ-Պետերբուրգում, որտեղ մինչեւ երեք հազար մարդ է հավաքվել: Այլ ակցիաներ են կայացել նաեւ այլ քաղաքներում: Պաշտոնական Կրեմլը իր հերթին հայտարարել է, թե կիսում են որբերի խնդրի շուրջ մտահոգությունները: Read more

Համակարգչային հանճարն ինքնասպան է եղել

Article Details: Published on Tuesday, 15 January 2013 01:05; Written by

hama 4 Հայտնի բլոգըր եւ համացանցային ակտիվիստ Էրըն Շուորցը Նյու Յորքում ինքնասպան է եղել: 26-ամյա ծրագրավորողի դին հայտնաբերվել է իր բնակարանում կախված վիճակում։ Ըստ նախնականտվյալների դեպքը պատահել է հունվարի 11-ին։ Առայժմ հայտնի չէ, թե որն է եղել նման քայլի պատճառը: Շուորցը հայտնի էր նրանով, որ դեռ 14 տարեկանում դաձել էր RSS մասնագիտացման ստեղծողներից մեկը: Այդ տեխնոլոգիան թույլ էր տալիս ավտոմատ ռեժիմով հրապարակել եւ հեռարձակել ցանկացած նյութ ցանկացած կայքից`ըստ օգատգործողի տված կարգավորումների: 20 տարեկանում նա դարձավ Reddit հայտնի պորտալի համահիմնադիրը: 2011 թ-ին Շուորցին մեղադրանք էր առաջադրվել Մասաչուսեթսի տեխնոլոգիական ինստիտուտի համակարգչային ցանցը կոտրելու եւ ապօրինի կերպով մոտ 5 մլն գիտական հոդվածներ ներբեռնելու մեջ: Այս գործով դատական լսումները պետք է սկսվեին փետրվարին: Շուորցը մասնակացել էր շատ հայտնի նախագծերի: Նա շատ վաղ տարիքում ընդունել էր Սթենֆըրդի համալսարան, սակայն մեկ տարի հետո թողել էր ուսումը, իսկ ավելի ուշ ավարտել էր Հարվըրդի համալսարանը: Read more

Հրաձգություն Հալիվուդում

Article Details: Published on Tuesday, 15 January 2013 01:00; Written by

holll 8 Լոս Անջելեսի ոստիկանությունը որոնում է կասկածյալին, ով հրաձգություն է արձակել հալիվուդում հայտնի գիշերային ակումբի մերձակայքում` սպանելով 1 եւ վիրավորելով երկու մարդու: Ոստիկանությունն ահազանգը ստացել է երեկ գիշեր` ժամը 2-ի սահմաններում Քահուենգա բուլվարում գտնվող Էմփայր քլաբից: Ծանր վիրավորածին տեղափոխել են տեղական հիվանդանոց, որտեղ նա մահացել է: Եւս մեկ տղամարդ գտնվում է կայուն ծանր վիճակում, իսկ ոտքից հրազենային վնասվածք ստացած կնոջ վիճակը բավարար է: Տուժածների անունները չեն հաղորդվում: Ըստ ոստիկանների` կրակողն անհայտ տրամաչափի զենք է կիրառել եւ փախուստի դիմել նախքան ոստիկանների ժամանելը: Ըստ ոստիկանության վեճը սկսվել է գիշերային ակումբի ներսում, ապա շարունակվել բակում: Read more

Կրակոցներ Սան Դիեգոյի կինոթատրոնում

Article Details: Published on Tuesday, 15 January 2013 00:54; Written by

sandie 8 Սան Դիեգո քաղաքում, ոստիկանները նախօրեին կրակ են բացել եւ վիրավորել են մի տղամարդու, ով առեւտրային խոշոր համալիրի կինոդահլիճում ատրճանակով սպառնացել է այցելուներին։ Դեպքը տեղի է ունեցել շաբաթ, ժամը 3:50-ին, Reading Cinemas Carmel Mountain կինոսրահում, Թշվառները ֆիլմի ցուցադրության ժամանակ: Ըստ ականատեսների, Էսքոնդիդոյի 20-ամյա բնակիչ ոմն Բիլոդոն նախ վիճել է մի կնոջ հետ, երբ անցորդներից մեկը նրան փորձել է կարգի հրավիրել, տղամարդը գրպանից ատրճանակ է հանել եւ սպառնացել։ Ապա այդ տղամարդը ներխուժել է համալիրի կինոթատրոնի դահլիճ։ Դեպքի վայր ժամանած ոստիկանները նրան կարգադրել են հանձնվել, եւ երբ նա մերժել է պահանջը` կրակ են բացել, վիրավորել եւ ձերբակալել են Բիլոդոյին։ Հաղորդվում է, որ նրա կյանքին վտանգ չի սպառնում։ Կասկածյալը դեպքից առաջ ինքնասպանություն գործելու մտադրության մասին գրություն էր թողել տանը: Read more

Գրիպը մոլեգնում է

Article Details: Published on Tuesday, 15 January 2013 00:43; Written by

grip 8 Ամերիկյան Նյու Յորք նահանգի նահանգապետ Էնդրյու Քուոմոն շաբաթ օրը արտակարգ դրության ռեժիմ է հայտարարել` նահանգում բռնկված սարսափելի գրիպի համաճարակի պատճառով: Նահանգում գրիպով հիվանդացել է 20 հազար մարդ, ինչը գրեթե հինգ անգամ գերազանցում է միջին վիճակագրական ցուցանիշը: Արտակարգ դրության ռեժիմը նշանակում է, որ նահանգում ժամանակավորապես կկասեցվեն գործող օրենքները, համաձայն որոնց` պատվաստում են անցնում միայն չափահասները: Արտակարգ դրության պայմաններում պատվաստումներ կանցնեն նաեւ կես տարեկանից մինչեւ 18 տարեկանները: Ավելի վաղ արտակարգ դրություն էր հայտարարվել Բասթըն քաղաքում, որտեղ վարակից մահացել է արդեն 20 մարդ: Անցած տարվա դեկտեմբերին սկսած գրիպի համաճարկը չի խնայել ԱՄՆ բոլոր նահանգները: Մինչ վերջերս դիմադրում էին Կալիֆոռնիան, Միսիսիփին եւ Հավաիին, սակայն այդ նահանգներում էլ արձանագրվել է գրիպի համաճարակ: Հիվանդությունների կանխարգելման եւ վերահսկման ամերիկյան կենտրոնի տվյալներով, զոհերի թիվը հասել է 70-ի, 20-ը Մասաչուսեթսում, 22-ը` Հարավային Կարոլանայում, նույնքան` Փենսիլվենիայում, եւս վեց մարդ զոհվել է Իլլինոյսում: Զոհերից 18-ը երեխաներ են: Օկլահոմայի Քեյֆեր քաղաքում դպրոցը դադարեցրել է պարապմունքները, քանի որ 150 երեխա միանգամից վարակվել է: Բուժհիմնարկները չեն հասցնում պատվաստանյութ հասցնել, ինչը հանգեցրել է մեծ հերթերի բոլոր հիվանդանոցներում եւ դեղատներում: Վարակի դեմ պայքարելու՝ պատվաստումների եւ թերապիաների ծախսերը հաշվվում են մոտ 10 մլրդ. դոլար։ Բայց ամբողջ վնասը մի քանի անգամ ավելի մեծ է՝ 80 մլրդ։ Read more

Մահացու վթար Օրընջ Քաունթիյում

Article Details: Published on Tuesday, 15 January 2013 00:36; Written by

accid 4 Օրընջում 3-ամյա աղջնակը ծնողների հետ ավտոբուսի էր սպասում կանգառում շաբաթ երեկոյան, երբ վրաերթի է ենթարկվել: Երեխան մահացել է, իսկ հայրը ծայրահեղ ծանր վիճակում է: Kia Soul մակնիշի մեքենայի վարորդը ոստիկաններին պատմել է, որ Թասթըն-ավենյուի վրա ստիպված է եղել մի կողմ քաշվել, որպեսզի վթարի չենթարկվի այլ մեքենայի կողմից, եւ երկրորդ անգամ բախվել է ավտոբուսի կանգառին: Փորքիկին տեղափոխել են հիվանդանոց, սակայն բժիշկներին չի հաջողվել փրկել նրա կյանքը: Հայրը վերակենդանացման բաժանմունքում է, բայց բժիշկները հույս ունեն, որ կփրկվի: Երեխայի մայրը չի վիրավորվել: Չեն տուժել նաեւ 29-ամյա վարորդը, նրա որդին ու ուղեւորը: Օրանջի ոստիկանության ներկայացուցիչ Ֆրեդ Լոպեզի խոսքով, վարորդն ալկոհոլի ազդեցության տակ չի եղել: Read more

ԱՄՆ ենթակառուցվածքները քայքայվում են

Article Details: Published on Tuesday, 15 January 2013 00:32; Written by

kamurj 8 Քանդվող ճանապարհներ եւ կամուրջներ, խաթփարված էներգահամակարգ, ԱՄՆ ենթակառուցվածքները սկսել են ավելի մեծ վտանգ ներկայացնել բնակչության համար: Սակայն կառավարությունը միլիարդներ է հատկացնում ողջ աշխարհում պատերազմներ վարելու վրա` չզբաղվելով մարդկանց անվտանգության մասին:

Փաստացի առանց ուշադրության է մնում ներքին սպառնալիքը, որ կարող է ամեն պահ լուրջ վտանգ դառնալ: Վերջին ամիսներին դաշնային իշխանությունները բազմիցս զգուշացրել են, որ էլեկտրամատակարումը բավարար չափով պաշտպանված չէ, եւ յուրաքանչյուր չարագործ կարող է վնաս հասցնել երկրին: Անցած տարվա հոկտեմբերի Սենդի փոթորիկը 63 միլիարդի վնաս հասցրեց, ավելի քան 4,5 միլիարդ մարդ մնացել է առանց էլեկտրականության, իսկ Նյու Յորքը փաստացի կաթվածահար էր եղել: Փոթորկից երկու ամիս անց հետեւանքները դեռ վերացված չեն: Շանհայի, Հոնգկոնգի եւ Ամստերդամի պես քաղաքներում հնարավոր չէ, որ գլխավոր շինությունները երկու ամսից ավելի շարքից դուրս եկած լինեն, քանի որ կա հստակ ենթակառուցվածք: ԱՄՆ էլեկտրացանցերի 90 տոկոսը պատկանում է մասնավոր ընկերություններին, որոնք կախվածություն ունեն ներդրողներից, եւ միայն դաշնային կառավարությունը կարող է ազդել իրավիճակի վրա: Խնդիրը միայն էլեկտարական համակարգը չէ, մասնագետները նշում են, որ բազմաթիվ կամուրջներ, ճանապարհներ, ջրամբարներ գտնվում են փլուզման վտանգի տակ եւ շուտափույթ վերանորոգման կարիք ունեն: Այդ հանգամանքը սպառնում է դառնալ Ամերիկայի նոր սպառնալիքը եւ անհրաժեշտ են գործուն միջոցներ իրավիճակը շտկելու համար: Read more