amga.tv

Switch to desktop Register Login

12 December 2012

ԱՄՆ-ը հեշտացնում է վիզաների տրամադրումը

hyup 4Հայաստանում ԱՄՆ-ի դեսպանատունը հայտարարել է մուտքի վիզաների հատկացման կարգի փոփոխությունների մասին: ԱՄՆ-ի դեսպանատան հյուպատոս Ջորջ Լինը հայտնել է, որ նոր կարգը կոչված է հեշտացնելու մուտքի վիզաների ստացումը: Նոր համակարգը կգործի դեկտեմբերի 17-ից: Նա միաժամանակ նշել է, թե Միացյալ Նահանգներն առայժմ մտադիր չեն Հայաստանի համար հեշտացնել վիզային ռեժիմը: Հարցին, թե ԱՄՆ-ն չի պատրաստվում ԵՄ-ի օրինակով Հայաստանի քաղաքացիների համար պարզեցնել վիզաների հատկացման կարգը, դեսպանատան ներկայացուցիչը հայտնել է, որ առայժմ նման ծրագիր չկա: Ջորջ Լինը նշել է, որ կան մի շարք երկրներ, որոնց համար առանց վիզայի ռեժիմ է գործում, սակայն Հայաստանն այս փուլում չի կարող ներառվել այդ ցուցակում: -Թեպետ նման երկրների շրջանակը տարեցտարի ընդլայնվում է, - նշել է հյուպատոսը: Read more

12 December 2012

Ցեղասպանությունը ճանաչելու կոչով նոր բանաձեւ

cher 7Կալիֆորնիայի օրենսդիր մարմնում կքննարկվի Հայոց ցեղասպանության վերաբերյալ խորհրդարանի 2-րդ համատեղ բանաձևը: Դրանով օրենսդիրները խորհրդարանից պահանջում են Ցեղասպանությունը որակել որպես մարդկության դեմ իրականացված հանցագործություն` առանց դատական քննության կամ դատավարության: Բանաձեւը ներկայացվել է օրենսդիր մարմնի անդամներ Մայք Գատտոյի և Սանտա Բարբրա շրջանից ընտրված Կաչո Աչաջյանի կողմից: Օրինագիծն օգտագործում է ցեղասպանություն տերմինը` բնութագրելու Առաջին աշխարհամարտի տարիներին Օսմանյան կայսրության կողմից իրականացված ոճրագործությունները, զանգվածային սպանդը և կոչ է անում ԱՄՆ-ի կառավարությանն ու Կոնգրեսին նույն կերպ վերաբերվել: Թուրքական լոբբին ձգտում է խոչընդոտել բանաձևի ընդունմանը: Read more

12 December 2012

Գագիկ Ծառուկյանը չի առաջադրվի

tsaruk 7Բարգավաճ Հայաստան կուսակցության նախագահ Գագիկ Ծառուկյանը չի առաջադրվելու նախագահական ընտրություններում: Այսօր, դեկտեմբերի 12-ին տեղի է ունեցել ԲՀԿ խմբակցության եւ քաղխորհրդի համատեղ նիստ: Նիստի օրակարգում եղել է մեկ հարց` ԲՀԿ մասնակցության ձեւաչափը 2013 թվականին կայանալիք ՀՀ նախագահի ընտրություններում: Բացման խոսքում ԲՀԿ նախագահ Գագիկ Ծառուկյանը հայտարարել է, որ չի առաջադրելու իր թեկնածությունը եւ շնորհակալություն է հայտնել իր գործընկերներին՝ անվերապահ վստահության եւ աջակցության համար: Հիմք ընդունելով Գագիկ Ծառուկյանի հայտարարությունը, քննարկումների արդյունքում ԲՀԿ խմբակցության եւ քաղխորհրդի համատեղ նիստը ընդունել է երկու որոշում, որ գալիք նախագահական ընտրություններում ԲՀԿ-ն չի առաջադրելու սեփական թեկնածու եւ չի սատարելու թեկնածուներից որեւէ մեկին:   Read more

12 December 2012

Խոսրովի արգելոցը տվեցին ԱԺ նախագահի տնօրինմանը

khos 7Հայաստանի բնապահպանության նախարար Արամ Հարությունյանը Խոսրովի անտառ պետական արգելոցի տնօրեն է նշանակել Հրաչ Հովակիմյանին, ով Ազգային Ժողովի նախագահ Հովիկ Աբրահամյանի հովանավորյալն է: Ուշագրավն այն է, որ, չսպասելով տնօրենի թափուր պաշտոնի համար մրցույթի արդյունքներին, նախարարը միանգամից նշանակում է արել: Այս անձը նախկինում զբաղեցրել է անտառտնտեսության ղեկավարի պաշտոնը, եւ ԱԺ նախագահը նպատակահարմար է գտել, որ նա պետք է դառնա Խոսրովի անտառի հսկիչը, որտեղ տարածքներ ունեն իր խնամի Գագիկ Ծառուկյանն ու Ռոբերտ Քոչարյանը: Հապշտապ նշանակումը պայմանավորված է Տիգրան Սարգսյանի բացակայությամբ: Վերջինս ակտիվ դերակատարում է ունեցել տնօրենի նախկին թեկնածու Նոնոյի` Գաբրիել Պողոսյանի նշանակումը չեղյալ հայտարարելու մեջ: Բնապահպանական կազմակերպությունները բազմիցս նշել են, որ արգելոցում իշխանավորներն ապօրինի որս են անում եւ ռեստորաններ կառուցում: Read more

Չինաստանն առաջ կանցնի ԱՄՆ-ից

chh 8 Մինչեւ 2030 թվականը Չինաստանն առաջ կանցնի ԱՄՆ-ից եւ կդառնա խոշորագույն տնտեսությամբ երկիրն աշխարհում: Այս մասին նշվում է National Intelligence Council պետական հետազոտական ընկերության կողմից պատրաստված՝ համաշխարհային տնտեսության զարգացումներին նվիրված Global Trends 2030 :Alternative Worlds զեկույցում: Ըստ զեկույցի հեղինակների՝ մինչեւ 2030 թվականը գլոբալ աշխարհում Ասիայի երկրների հեղինակությունն ու ազդեցությունը, որն արտահայտվում է բնակչության թվաքանակով, համախառն ներքին արդյունքի ծավալով եւ տեխնոլոգիաների զարգացման ուղղությամբ իրականացվող ծախսերով, կմեծանա եւ կգերազանցի ԱՄՆ-ի եւ Եվրոպայի ընդհանուր հեղինակության եւ ազդեցության մակարդակը: Զեկույցում նաեւ նշվում է, որ մինչեւ 2030 թվականն ԱՄՆ-ին կհաջողվի ձեռքբերել էներգետիկ անկախություն: Միեւնույն ժամանակ, սպասվում է, որ գազի արդյունահանման ծավալներով ԱՄՆ-ն կզբաղեցի առաջատար դիրք:   Read more

Արժույթի միջազգային հիմնադրամը կոչ է արել ԱՄՆ-ին

lagg 5Արժույթի միջազգային հիմնադրամի նախագահ Քրիստին Լագարդը ԱՄՆ կառավարությանը կոչ է արել հնարավորինս կարճ ժամանակահատվածում լուծում տալ ֆինանսական խզման խնդրին, քանի որ ներկայումս ԱՄՆ տնտեսության համար առավել վտանգավոր են ներքին գործոնները եւ, հատկապես, ֆինանսական խզումը, քան արտաքին գործոնները, մասնավորապես, Եվրոգոտու պարտքային խնդիրները կամ Չինաստանի տնտեսությունում առկա անհավասարակշռությունները: Նշենք, որ ֆիսկալ խզումն այն իրավիճակն է, երբ մի շարք հարկային արտոնությունների դադարեցումը եւ հարկային դրույքաչափերի բարձրացումը զուգորդվում է պետական ծախսերի նվազեցմամբ: Ըստ փորձագետների կանխատեսումների՝ հավանական ֆիսկալ խզման պարագայում 2013թ. առաջին կիսամյակն ամերիկյան տնտեսության համար կլինի շատ ծանր. ընդհանուր վնասը կարող է գերազանցել 600 մլրդ դոլարը: Read more

Սպանություն Նյու Յորքում

neee 7Երեկ օրվա երկրորդ կեսին դաժան սպանություն է եղել Նյու Յորքում` Մանհեթընի կենտրոնական այգում: Նյու Յորքի ոստիկանության տվյալներով, հանցագործը կրակել է պատահական զբոսաշրջիկի գլխին, ապա թաքնվել դեպքի վայրից մեքենայով: Վիրավորին տեղափոխել են Ռուզվելտի անվան հիվանդանոց, սակայն նա մահացել է ստացած վնասվածքներից: Նյու Յորքի ոստիկանական վարչության պետի տեղակալ Փոլ Բրաունի խոսքով, դեպքը տեղի է ունեցել 58-րդ փողոցում, Բրադուեյի եւ 7-րդ ավենյուի խաչմերուկում: Մահացողը Լոս Անջելեսի 31-ամյա բնակիչ Բրանդոն Լինկըլն Վուդարդն է, ով մի քանի օր առաջ էր եկել Նյու Յորք: Ականատեսների վկայությամբ, հանցագործը արագ մոտեցել է նրան, կրակել գլխին եւ փախել: Ամեն ինչ այնքան արագ է եղել, որ մերձակայքում կանգնած տասնյակ մարդիկ չեն կարողացել նկարագրել մարդասպանին: Նշվում է միայն, որ նա սեւամորթ է, խակի հագուստով: Վուդարդը քրեական անցյալ ունի եւ չի բացառվում, որ կատարվածը վրեժխնդրության դրսեւորում է: Դեպքի վայրը շրջապատվել է ոստիկանների կողմից, ընթանում է հետաքննություն, փորձում են պարզել սպանության դրդապատճառները:   Read more

1957թ.-ի սպանության համար դատավճիռ

girrr 4Իլինոյսի Սիքամոր քաղաքի դատարանը երկուշաբթի վճիռ է կայացրել 73-ամյա Ջաք Մըքալո վերաբերյալ, որը մեղադրվում է 55 տարի առաջ` 1957 թվականին 7-ամյա աղջկա առեւանգման ու սպանության համար: Մեղադրյալին դատապարտել են ցմահ ազատազրկման: Մըքքալոն ձերբակալվել է այս տարվա սեպտեմբերին: Մըքալոի ձերբակալության եւ հետագա մեղադրանքի համար գլխավոր դեր է խաղացել նրա խորթ քույրը՝ Ջանեթ Թեսսեն: 1994 թ.՝ իր մահվանից մի քանի օր առաջ, նա ոստիկանությանը տեղեկություններ է տրամադրել, որոնք փաստում են իր եղբոր մասնակցությունը աղջկա սպանության գործում: Մըքալոն գրեթե 17 տարեկան էր, երբ առեւանգել ու սպանել է այն աղջկան, որի դին հայտնաբերել են մեկ տարի անց: Ավելի ուշ նա բանակ է գնացել եւ բնակություն հաստատել Սիաթլում, որտեղ աշխատել է Վաշինգթոն նահանգի ոստիկանությունում: Այս տարի հետաքննությունը Մարիա Ռիդըլֆի հարազատներից հասել է արտաշիրիմման թույլտվության: Ըստ դատական բժիշկներին՝ այն ժամանակ ոստիկանությանը հայտնի չէին անալիզների այն մեթոդները, որոնք այժմ օգնել են հետաքննությանը ապացուցել, որ հենց Մըքալոն է մեղավոր սպանության համար: Այժմ նախկին ոստիկանը 72 տարեկան է: Լրատվամիջոցների տվյալներով, երբ այս տարի դատարանը նրան մեղավոր է ճանաչել երեխայի սպանության համար, նիստին ներկաները ծափահարել են: Ավելի վաղ Մըքալոին մեղադրում էին 14-ամյա մեկ այլ աղջկա բռնաբարության համար: Սակայն թե երբ է եղել հանցագործությունը՝ չի նշվել: Ամենահին չբացահայտված հանցագործություններից մեկի վերաբերյալ դատավճիռի կայացումը կդառնա հանրության ուշադրության առարկա:   Read more

37 մարդ է ձերբակալվել սեռական հանցագործությունների համար

Dzer 5Ներգաղթի եւ մաքսային ծառայությունը Լոս Անջելեսում այլ երկրների 37 քաղաքացիների է ձերբակալել, որոնք նախկինում դատապարտվա են եղե սեռական բնույթի հանցագործությունների համար: Ձերբակալություններն իրականացվել են երեք օր տեւած հատուկ գործողության ընթացքում: ICE-ի գործակալները ձերբակալել են արտաքսման ենթակա 37 անձանց: Նրանցից 16-ին ձերբակալել են Լոս Անջելեսում, 4-ին` Օրընջում, 11-ին` Վենտուրայում եւ 6-ին` Սան-Բեռնարդինոյում: Ձերբակալվածներից 25-ը Մեքսիկայի քաղաքացիներ են, կան նաեւ Էլ Սալվադորի, Հոնդուրասի, Վիետնամի, Գվատեմալայի, Հայաստանի եւ այլ երկրների քաղաքացիներ: Ձերբակալություններն իրականացվել են համաձայն ազգային ծրագրի, ըստ որի հարկ է գտնել եւ արտաքսել այլ երկրներում հանցագործություններ կատարած օտարերկրացիներին:   Read more

Դոմինիկ Սթրոս-Կանի դեմ գործը փակվեց

kaaaa 7Նյու Յորքում ավարտվել է Դոմինիկ Սթրոս Կանի դեմ ներկայացված քաղաքացիական հայցի շուրջ դատավարությունը: Այս մասին հայտարարել է դատավորը: Արժույթի միջազգային հիմնադրամի նախկին ղեկավարը եւ հյուրանոցի սպասուհի Նաֆիսատու Դիալոն, որն ավելի վաղ նրան մեղադրում էր բռնաբարության փորձի մեջ, ստորագրել են համաձայնագիր, որում Դիալոն հրաժարվել է իր պահանջներից: Արտադատական կարգավորման շրջանակներում ԱՄՀ նախկին նախագահը նրան կլորիկ գումար կվճարի, բայց համաձայնագրի պայմանները չեն հաղորդվում: Նյու-Յորքի դատավորը հայտնել է, որ 33-ամյա Նաֆիսատու Դիալոյին գումարը փոխանցելուց հետո, գործը կփակվի: Մինչդեռ նոյեմբերի վերջին ֆրանսիական թերթերը, վկայակոչելով Սթրոս Կանի շրջապատի աղբյուրները, գրել էին, որ ԱՄՀ-ի նախկին ղեկավարը սպասուհուն կվճարի 6 միլիոն դոլար: Փաստաբաններն այս տեղեկատվությունը չեն հաստատել: Ավելի վաղ հայտնի է դարձել, որ կողմերը համաձայնության են հասել գործը կարգավորել արտադատարանային կարգով: Ըստ մասնագետների՝ նմանօրինակ լուծումը Ստրոսս-Կանին կօգնի իր հեղինակության համար կործանարար այլ հետեւանքներից: Հիշեցնենք, որ այս միջադեպի պատճառով նա զրկվել էր Ֆրանսիայի նախագահի պաշտոնի համար մղվող պայքարից:   Read more

Powerd by Bloogie

Copyright © 2012 | Amga.TV | Armenian Media Group Of America.

Top Desktop version