09 November 2012

Կլոդ Մոնեի կտավը ռեկորդ է սահմանել

Article Details: Published on Friday, 09 November 2012 02:04; Written by

monett 5 Ֆրանսիացի իմպրեսիոնիստ Կլոդ Մոնեի Ջրաշուշաններ կամ Նունուֆարներ հռչակավոր շարքի նկարներից մեկը Նյու Յորքի աճուրդային տան Իմպրեսիոնիզմի եւ մոդեռնիզմի արվեստը աճուրդում վաճառվել է 43,7 միլիոն դոլարով: 1905 թվականին ստեղծված գործի գնահատման արժեքը կազմում էր 30 – 50 միլիոն դոլար:

Աճուրդի մյուս ֆեյվըրիտը դարձել է ռուս գեղանկարիչ եւ գծանկարիչ, աբստրակցիոնիզմի հիմնադիրներից մեկի՝ Վասիլի Կանդինսկու Իմպրովիզացիայի էսքիզ 8-ը: Այն վաճառվել է 23 միլիոն դոլարով՝ սահմանելով Կանդինսկու ստեղծագործությունների նոր գնային ռեկորդ: Հավաքորդների ուշադրությունը գրավել են նաեւ իսպանացի հռչակավոր գեղանկարիչ Պաբլո Պիկասոյի գործերը: Կնոջ կիսանդրի կտավը վաճառվել է 13 միլիոն դոլարով, Շնիկով կինը՝ 6,3 միլիոն դոլարով, Կնոջ գլուխը՝ 5,2 միլիոն դոլարով: Read more

Fitch-ը նախազգուշացնում է

Article Details: Published on Friday, 09 November 2012 02:02; Written by

fitch 8 ԱՄՆ նախագահի պաշտոնում վերընտրվելուց հետո առաջին իսկ ժամերին Բարաք Օբամայի առջեւ արտակարգ խնդիր է ծառացել` թույլ չտալ երկրի վարկային վարկանիշն ընկնի: Այս մասին այսօր տարածած հայտարարության մեջ նախազգուշացրել է Fitch գործակալությունը: Օբաման ֆիսկալային մեղրամիսի ժամանակ չունի, որն ավանդաբար ունենում են ԱՄՆ վերընտրված նախագահները առաջին մի քանի ամիսների ընթացքում,- նշել է Fitch-ի լոնդոնյան ստորաբաժանումը: Միացյալ Նահանգների վարկային հեռանկարն, ըստ Fitch գործակալության վերլուծաբանների, այսօրվա դրությամբ բացասական է: Read more

Բախումներ Հունաստանում

Article Details: Published on Friday, 09 November 2012 01:58; Written by

greec 5 Հունաստանի խորհրդարանը հաստատել է բյուջետային տնտեսման նոր փաթեթը, որը նախատեսում է ծախսերի կրճատում 18,5 միլիարդ եվրոյով: Օրինագծին են քվեարկել 299 պատգամավորներից 153-ը: Փաստաթուղթն ուժի մեջ կմտնի մինչեւ 2016 թվականը: Այն ենթադրում է կենսաթոշակային տարիքի բարձրացում՝ մինչեւ 67 տարեկան, սոցիալական մի շարք նպաստների վերացում եւ պետական հատվածում նվազագույն աշխատավարձի կրճատում: Նման փաթեթի ընդունումը գլխավոր պայմանն էր, որը Հունաստանին առաջադրել էին միջազգային վարկատուները՝ հերթական ֆինանսական 31,5 միլիարդ եվրոյի չափով օգնությունը տրամադրելու համար: Խորհրդարանում նոր փաթեթի քննարկումը եւ քվեարկությունը տեղի է ունեցել զանգվածային բողոքի ակցիային զուգահեռ: Աթենքում բյուջետային տնտեսման դեմ ցույցը, որին մասնակցել է 70 հազար մարդ, վերաճել է ոստիկանության հետ բախման: Ցուցարարները փորձել են ներխուժել խորհրդարանի շենք եւ ոստիկանների վրա դյուրավառ նյութերով շշեր են նետել: Ոստիկանությունն ի պատասխան ջրցաններ, արցունքաբեր գազ է կիրառել եւ հատուկ այլ միջոցներ։ Read more

Հզոր երկրաշարժ Գվատեմալայում

Article Details: Published on Friday, 09 November 2012 01:53; Written by

ertq 6 Գվատեմալայի հանրապետությունում երեկ գիշերը հզոր երկրաշարժ է եղել, որի ուժգնությունը հասել է 7,6 մագնիտուդի: Ստորգետնյա ցնցումների զոհերի թիվը հասել է 52-ի: Երկրի նախագահ Օտտո Պերես Մոլինան անձամբ այցելել է աղետի շրջաններ։ -Մենք ցավով պետք է արձանագրենք 48 մարդու մահը, սա իսկապես դժբախտություն է,- ասել է Պերեսը։ Նրա խոսքով՝ միայն Սան Մարկոս քաղաքում, որն ամենաշատն է տուժել երկրաշարժից, զոհվել է 39 մարդ, ընդ որում՝ զոհերի թիվը կարող է աճել։ Վիրավորների թիվը կազմում է 155 մարդ, գրեթե 100 մարդ համարվում է անհայտ կորած։ Աղետն ավերել է տասնյակ տներ, այդ թվում լրջորեն վնասվել են տեղական իշխանության մարմինների եւ ոստիկանության շենքերը։ Աղետի վայր են ուղարկվել ուղղաթիռներ, տուժածների համար սնունդ է մատակարարվում։ Իշխանություններն այնտեղ են ուղարկել նաեւ ավելի քան 2 000 զինվորականներ, ովքեր օգնում են փլատակների մաքրման հարցում եւ պահպանում են հասարակական կարգը։ Տուժած շրջաններում խափանվել է ճանապարհային հաղորդումը։ Մինչ այժմ շատ բնակելի վայրեր մնում են առանց էլեկտրաէներգիայի, լույսի եւ հեռախոսակապի։ Երկրի նախագահը հաղորդել է, որ Գվատեմալայի կառավարությունն ունի բոլոր անհրաժեշտ միջոցները տուժածներին օգնություն հատկացնելու համար։ Նա շնորհակալություն է հատնել Վենեսուելայի եւ Իսպանիայի իշխանություններին, որոնք առաջինն են պատրաստակամություն հայտնել գվատեմալացիների հումանիտար օգնություն հատկացնել։ Օգնության պատրաստակամություն են հայտնել նաեւ հարեւան Սալվադորի, Հոնդուրասի եւ Պանամայի կառավարությունները։ Պերես Մոլինան հայտնել է, որ սա դարձել է ամենաուժեղ երկրաշարժը վերջին 36 տարիների ընթացքում։ Read more

«Մուսուլմանների անմեղությունը» ֆիլմի պրոդյուսրին դատապարտեցին

Article Details: Published on Friday, 09 November 2012 01:48; Written by

nekula 4 Լոս Անջելեսի շրջանային դատարանը իսլամական աշխարհում մեծ աղմուկ հանած Մուսուլմանների անմեղությունը ֆիլմի պրոդյուսր Մարկ Նըկուլա Բասըլի Յուսեֆին 1 տարվա ազատազրկման է դատապարտել: Դատավճիռն իրականում ոչ մի կապ չունի սկանդալային ֆիլմի ստեղծման եւ համացանցում տարածման հետ։ Պատճառն այն է, որ Յուսեֆը նախկինում գործած հանցագործության համար գտնվել է պայմանական ազատության մեջ, սակայն մի շարք խախտումներ է թույլ տվել: Նըկուլան 2011-ին դատապարտվել էր 21 ամսյա ազատազրկման բանկային քարտերի հետ կապված խարդախության մեղադրանքով, սակայն 2012-ի հունիսին վաղաժամ ազատ էր արձակվել: Դաշնային իշխանությունները, որոնք հետեւել են կասկածյալի վարքին պայմանական ազատազրկման ողջ ընթացքում, պահանջել են տղամարդուն 2 տարվա ազատազրկման դատապարտել, սակայն դատավորը սահմանափակվել է ընդամենը 1 տարով։ 55-ամյա պրոդյուսըրին ամերիկյան իշխանությունները ձերբակալել էին սեպտեմբերին մի քանի շաբաթ որոնումներից հետո: Նըկուլան եւ իր ընտանիքն անհայտացել էին Մուսուլմանների անմեղությունը ֆիլմի ցուցադրությունից հետո աշխարհի տարբեր երկրներում սկսված բողոքի ակցիաներից հետո: Հիշեցնենք, որ ֆիլմի պատճառով մի շարք արաբական երկրներում՝ մասնավորապես Եմենում, Եգիպտոսում, Լիբիայում, Լիբանանում, Սուդանում եւ Թունիսում բողոքի մեծ ալիք էր բարձրացել, ինչի հետեւանքով բազմաթիվ մարդիկ են զոհվել եւ վնասվածքներ ստացել։ Բացի այդ լիբիական Բենղազի քաղաքում կատաղած իսլամիստների հարձակման պատճառով մահացել է ԱՄՆ-ի դեսպանը եւ եւս 3 դիվանագետներ։ Read more

Մահացու վթար Մյասնիկյան պողոտայում

Article Details: Published on Friday, 09 November 2012 01:42; Written by

myas 5 Ասօր ավտովթար է տեղի ունեցել Երեւանում: Ժամը 17:30-ի սահմաններում, «Ֆոլցսվագըն Գոլֆ» մակնիշի ավտոմեքենայի վարորդը Մյասնիկյան պողոտայում, գազանանոցի դիմաց դուրս է եկել ճանապարհի երթեւեկելի գոտուց եւ բախվել էլեկտրասյանը: Փրկարարները ավտոմեքենայից դուրս են բերել երկու հոգու, որոնցից մեկին տեղափոխել են Սուրբ Գրիգոր Լուսավորիչ բուժկենտրոն, իսկ մյուսը մահացել է: Ֆոտոլրագրող Գագիկ Շամշյանը հայտնում է, որ նշված ավտոմեքենան հաշվառված է Էրեբունու բնակիչ Ռուբեն Դավթյանի անվամբ: Բժիշկներին չի հաջողվել փրկել հիվանդանոց տեղափոխվածի կյանքը եւ նա մահացել է: Ոստիկանությունը նյութեր է նախապատրաստում, պարզվում են զոհերի ինքնությունը: Read more

Վթարվել էր հրշեջ պոմպը

Article Details: Published on Friday, 09 November 2012 01:39; Written by

vttt 8 Չաթսուորթում տեղի ունեցած վթարը, որի հետեւանքով վնասվել էր ճանապարհին գտնվող հրշեջ պոմպը, մի քանի ժամով փակել էր ճանապարհը: Երեկ երեկոյան մեքենան 9100 Topanga Canyon Boulevard հասցեում հարվածել է պոմպին: Լոս Անջելեսի հրշեջ ծառայության ներկայացուցիչ Բրայըն Համֆրիի խոսքով, ջուրը պոմպից ցայտում էր 70 ոտնաչափ բարձրությամբ, եւ փրկարարներից ու բժիշկներից տեւական ժամանակ է պահանջվել վնասված մեքենային հասնելու համար: Դեպքից երկու ժամ անց դեռ փրկարարները դեպքի վայրում էին: Վթարված մեքենայի տարեց վարորդին տեղափոխել են հիվանդանոց, սակայն նրա կյանքին ոչինչ չի սպառնում: Վթարի հետեւանքով այլ տուժածներ չեն եղել: Նախորդ տարվա ընթացքում Լոս Անջելեսի տարածքում վթարվել էր 604 հիդրոպոմպ: Read more

Նոր փոթորիկը ավերներ է գործել

Article Details: Published on Friday, 09 November 2012 01:35; Written by

norester 5 Սենդի փոթորկից տուժած Նյու Յորքի, Նյու Ջըրզիի եւ Կաննեկտիկըտի նահանգների տասնյակ հազարավոր բնակիչներ առանց լույսի են մնացել Նորիսթըր ձնամրրիկի պատճառով: Այսպես, միայն Նյու Յորք քաղաքում գրանցվել են էլեկտրաէներգիայի շուրջ 48 հազար անջատումներ: Մեկ օրում տեղացել է մեկ ամսվա նորմայի երրորդ մասը: Առանց լույսի մնացածների թվում են այն բնակիչները, ում տների էլեկտրամատակարարումը, որն ընդհատվել էր Սենդի-ի պատճառով, վերականգնվել էր ընդամենը մի քանի օր առաջ: ԱՄՆ-ի հյուսիսարեւելյան ափին փոթորկի պատճառով հոսանքազրկված եւս շուրջ 640 հազար տնային տնտեսություններ մինչ այժմ մնում են առանց էլեկտրականության: Ձնամրրիկի նախօրեին Նյու Յորքի իշխանությունը կարգադրել էր տարհանել ափամերձ շրջանների բնակիչներին, որոնց հեղեղումներ էին սպառնում: Օդերեւութաբանների կանխատեսումների համաձայն` Նյու Յորքում ձնամրրիկն առավելագույն ինտենսիվության կհասնի այսօր երեկոյան: Սպասվում է, որ քաղաքում կգրանցվի մոտավորապես 3 սանիտիմետր անձրեւ եւ մինչեւ 5 սանտիմետր ձյուն, իսկ քամու պոռթկումների արագությունը կհասնի ժամում հարյուր կիլոմետրի: Ձնամրրիկի պատճառով հարյուրավոր չվերթներ են հետաձգվել Նյու Յորքի, Նյու Ջըրզիի, Կաննեկտիկըտի, Փենսիլվենիայի եւ Մասաչուսեթսի օդանավակայաններում: Ավելի քան 1,7 հազար չվերթ չեղյալ է հայտարարված: Read more

Ինքնաթիռը հարկադիր վայրէջք է կատարել

Article Details: Published on Friday, 09 November 2012 01:30; Written by

inq 5 Նյու Յորք նահանգում հարկադիր վայրէջք է կատարել Դելտա ավիաընկերության ինքնաթիռը` շարժիչի անսարքության պատճառով: McDonnel - Duglas MD-80 մակնիշի ինքնաթիռը, որ իրականացնում էր Դեթրոյթ-Հարթֆըրդ չվերթը, ստիպված է եղել վայրէջք կատարել Նյու Յորքի Սիրըքյուզ քաղաքի օդանավակայանում: Օդանավի շարժիչներից մեկը խափանվել էր օդում: Սիրըքյուզի օդանավակայանի ներկայացուցիչ Քրիսթինա Քելեհանի խոսքով, օդաչուներին հաջողվել է բարեհաջող վայրէջք կատարել: Ինքնաթիռում գտնվող 102 ուղեւորներից ոչ ոք չի տուժել: Տեխնիկական սպասարկման անձնակազմը պարզում են անսարքության պատճառը: Միայն մոտ 10 ժամ անց օդանավին հաջողվել է կրկին թռչել եւ եւ հասնել Հարթֆըրդ: Read more

Օբաման վերադարձավ Սպիտակ տուն

Article Details: Published on Friday, 09 November 2012 01:25; Written by

family 4 Միացյալ Նահանգների նախագահ Բարաք Օբաման տիկնոջ ու երկու դուստրերի ուղեկցությամբ հայրենի Չիկագոյից վերադարձել է վերանվաճված Սպիտակ տուն: Նախագահական ընտանիքը վայրէջք է կատարել էնդրյուս ավիաբազայում երեկ ուշ երեկոյան: Իրեն սպասող լրագրողներին նա կատակով ասել է. - Ձեզ մոտ լավ էլ ցուրտ է, ի՞նչ է պատահել: Օբաման, ավելի վաղ հանդես գալով Չիկագոյում իր կողմնակիցների առջեւ, հայտարարել էր, որ վերադառնում է Սպիտակ տուն` անհապաղ աշխատանքի անցնելու լիարժեք վճռականությամբ ու ոգեւորվածությամբ: Այդուհանդերձ, վերընտրվելուց հետո առաջին օրն անցկացրել է ընտանիքի եւ մոտ խորհրդականների շրջապատում, սակայն առավոտը նվիրել է աշխատանքային հարցերին՝ հաղորդում են նախագահի մամլո ծառայության թղթակիցները, որոնք եղել են Չիկագոյում եւ նախագահի հետ վերադարձել են Վաշինգտըն: Օբաման հեռախոսով խոսել է Ներկայացուցիչների պալատի խոսնակ Ջան Բեյների , Սենատի մեծամասնության եւ փոքրամասնության առաջնորդներ Հերի Ռիդի եւ Միտչ Մըկկանելի, ինչպես նաեւ Սենատի դեմոկրատական փոքրամասնության առաջնորդ Նենսի Փելոսիի հետ: Նրանց հետ Օբաման քննարկել է սենատորների դիտարկմանը ներկայացված հիմնական օրենսդրական նախաձեռնությունները, հիշեցրել բյուջեի պակասուրդի կրճատման համար միջոցների ընդունման, գործազրկությանն ուղղված պայքարի անհրաժեշտության մասին: Այսօր երեկոն նախագահն անցկացրել է Սպիտակ տանը՝ ընտանիքի հետ: Մոտ խորհրդականների հետ սովորական առավոտյան հանդիպումից բացի՝ այսօր Օբաման ծրագրված միջոցառումներ չունի: Read more

Start
Prev
1
2
Next
End