06 October 2012

Հալեպում հրթիռի արձակումից 2 հայ է զոհվել

Article Details: Published on Saturday, 06 October 2012 03:39; Written by

alepppt 4 Երեկ գիշեր Հալեպի հայաշատ Նոր Գյուղ թաղամասում հրթիռի արձակումից 2 հայ է զոհվել, կան վիրավորներ։ Զոհվել են Պարսում Պարսումյանը եւ Հասմիկ Տեր-Ներսիսյան-Կիրակոսյանը։ Հրետակոծության հետեւանքով 6 հայ մարմնական տարբեր աստիճանի վնասվածքներ է ստացել: Նրանցից Գեւորգ Այվազյանի վիճակը ծայրահեղ ծանր է։ Առաջին հրթիռն ընկել է Զավարյան թատերասրահի փողոցում՝ բնակելի շենքերից մեկի տանիքին, ինչի պատճառով հրդեհ է բռնկվել։ Շտապ օգնության հայ տղաներն անմիջապես հասել են օգնության եւ կանխել հրդեհի տարածումը։

Երկրորդ հրթիռն ընկել է Ազգային Ճեմարանի դիմացի փողոցում՝ Զեյթուն հայրենակցական միության դիմաց գտնվող բնակելի շենքի վրա։ Read more

Լագունա-Բիչում ջրի մեջ տղամարդ է մահացե

Article Details: Published on Saturday, 06 October 2012 03:34; Written by

drowned 5 Լագունա-Բիչում ջրի մեջ տղամարդ է մահացել: Ոստիկանությունը չի հաղորդում նրա անունը, սակայն հայտնել է, որ մահացածը բնակվում էր Օրանջ շրջանում: Ըստ տեղական իշխանությունների, 60-ամյա տղամարդը սուզվել է Մանթաժ Րիզորտ Montage Resort առողջարանի մերձակայքում, երեկ կեսօրին, ժամը 1:30-ի սահմաններում: Մոտ երկու ժամ անց ծովափի փրկարարները սկսել են անհանգստանալ նրա համար, տղամարդուն ջրի միջից հայտնաբերել եւ ափ են դուրս բերել՝ փորձելով օգնություն ցուցաբերել, սակայն ապարդյուն: Ոստիկանությունն այժմ փորձում է պարզել նրա մահվան հանգամանքները: Read more

ԱՄՆ-ում գործազրկությունը նվազել է

Article Details: Published on Saturday, 06 October 2012 03:30; Written by

hire 4 Ուրախ լուր Բարաք Օբամայի համար, գործազրկությունն ԱՄՆ-ում հասել է վերջին 4 տարում նվազագույն մակարդակին՝ 8,1 տոկոսից հասնելով 7,8 տոկոսի, եւ դա բացառապես դրական անակնկալ է նախագահ Օբամայի համար: Սա զբաղվածության մասին վերջին զեկույցն է նոյեմբերի 6-ին կայանալիք նախագահական ընտրություններից առաջ եւ լրջորեն ամրապնդում է Սպիտակ տան ներկայիս տիրոջ դիրքերը: Աշխատատեղերի համար պայքարը Օբամայի տնտեսական ծրագրի գլխավոր կետն է եղել նրա նախագահության չորս տարիների ընթացքում, սակայն հաջողություններն անկհայտ չեն, ինչի համար վարչակազմը մշտապես քննադատությունների թիրախի տակ է հանրապետականների կողմից: Օբամայի մրցակից Միթ Ռամնին կարծում է, թե պետք է ընկերությունների համար առավել բարենպաստ ռեժիմ ստեղծել, եւ նրանք աշխատատեղեր կստեղծեն: Այժմ իրավիճակն անորոշ է: Սեպտեմբերի արդյունքներով ԱՄՆ տնտեսությունում ստեղծվել է 114 հազար նոր աշխատատեղ: Մասնավոր հատվածում գործի ընդունելու ակտիվությունը նվազագույն է վերջին երեք ամիսների ընթացքում: Read more

Բաքվում ուժով ցրեցին հավատացյալների ցույցը

Article Details: Published on Saturday, 06 October 2012 03:27; Written by

bacuu 4 Այսօր Ադրբեջանի մայրաքաղաք Բաքվում՝ Կրթության նախարարության շենքի դիմաց, հավատացյալ մահմեդականների եւ ոստիկանության աշխատակիցների միջեւ բախումներ են տեղի ունեցել, որոնց հետեւանքով 55 մարդ բերման է ենթարկվել ոստիկանության տարբեր բաժանմունքներ: Երկու կողմից էլ տուժածներ կան: Բաքվի քաղաքային կլինիկական հիվանդանոցից հաղորդել են, որ երեք ոստիկան իրենց մոտ է բերվել ծանր վիճակում: Հաղորդվում է, որ Բաքվի փոխոստիկանապետի վիճակը ծայրահեղ ծանր է: Ոստիկանները եւ քաղաքացիական հագուստով մարդիկ ծեծի են ենթարկել քաղաքացիներին, որոնք դիմադրել են մահակներով եւ քարերով: Ակցիայի մասնակիցները պահանջել են չեղյալ համարել դպրոցներում հիջաբ կրելու արգելքը: Ոստիկանները պահանջել են ցրվել, իսկ հավատացյալները չեն ցանկացել դա անել, որից հետո էլ իրավապահ մարմինների ներկայացուցիչները սկսել են մահակներով հարվածել մարդկանց: Վերջիններս քարեր են նետել նրանց ուղղությամբ: Ակցիայի մասնակիցները վանկարկել են՝ Ազատություն հիջաբին, Ազատություն իսլամին, Անիծվեն սիոնիստները: Ուսումնական հաստատություններում հիջաբ կրելու արգելքը մտցվել է 2010 թվականի դեկտեմբերին, իսկ 2011 թվականի մայիսին Կրթության նախարարության առջեւ նմանատիպ ակցիա արդեն անցկացվել է: Read more

Իսրայելում ԱՄՆ քաղաքացու են սպանել

Article Details: Published on Saturday, 06 October 2012 03:22; Written by

amnqar 5 Իսրայելական հատուկ ծառայությունները ոչնչացրել են ԱՄՆ-ի քաղաքացու, ով էյլաթ քաղաքի հյուրանոցներից մեկում անկանոն կրակ է բացել: Դեպքը տեղի է ունեցել այսօր առավոտյան Leonardo Club հյուրանոցում: Հրաձգության արդյունքում զոհվել է հյուրանոցի աշխատակիցներից մեկը, եւս մի քանի մարդ վիրավորվել է: Վաղ առավոտյան երիտասարդը մտել է հյուրանոց՝ պարզելու գործատուների հետ իր հարաբերությունները, սակայն պահապանը նրան ներս չի թողել: Վեճի ընթացքում պահապանի մոտից ընկել է ատրճանակը: Ամերիկացին վերցրել եւ օդ է կրակել, ապա անկանոն կրակ է բացել մարդաշատ նախասրահում: Ուղեւորվելով խոհանոց՝ նա սպանել է խոհարարին: եւ թաքնվել խոհանոցի նկուղում՝ հրաժարվելով հանձնվել: Արդյունքում տղամարդը գնդակահարվել է հատուկջոկատայինների կողմից: Միջադեպի հետեւանքով ոստիկանությունը տարհանել էր զբոսաշրջիկներին, իսկ մի քանիսին հոգեբանական օգնություն է պահանջվել: Հետագայում պարզվել է, որ հարձակվողը Նյու Յորքի 20-ամյա բնակիչ է, ով Իսրայել է ժամանել երկու ամիս առաջ հայրենադարձության ծրագրով: Նա աշխատանքի էր անցել տվյալ հյուրանոցում, սակայն երկու օր առաջ ազատվել էր աշխատանքից խոհարարի կողմից, ով էլ դարձել է ամերիկացու զոհը: Read more

ԱՄՆ-ում մենինգիտի վարակ է սկսվել

Article Details: Published on Saturday, 06 October 2012 03:01; Written by

menin 4 ԱՄՆ առողջապահության նախարարությունը հայտնել է, թե ԱՄՆ տարածքում հինգ մարդ է մահացել սնկային մենինգիտ հիվանդության պատճառով: Ըստ պատսխանատուների, հինգի մահն էլ կարող էր վրա հասնել սնկիկով վարակված դեղամիջոցի ներարկման հետեւանքով: Հայտնի է, որ եւս 30 մարդ վարակվել է եւ գտնվում են ծայրահեղ ծանր վիճակում: Իշխանությունները ենթադրում են, որ կարող են վարակված լինել 23 նահանգների հարյուրավոր, անգամ հազարավոր բնակիչներ, որոնք Դեպո-Մեդրոլ դեղամիջոցով ներարկումներ են արել մեջքի շրջանում ցավերը մեղմելու համար: Խնդիրն այն է, որ հիվանդության առաջին ախտանիշները կարող են հայտնվել ոչ թե անմիջապես, այլ տեւական ժամանակ անց: ԱՄՆ հիվանդությունների վերահսկողության եւ կանխարգելման կենտրոնի տվյալներով այսօրվա դրությամբ հայտնաբերվել է վարակման 35 դեպք, որոնցից 5-ը մահվան ելքով: Մենիգիտի համաճարակի պատճառների հետաքննությունը սկսվել է մի քանի շաբաթ առաջ: Դեպո-մեդրոլի արտադրող ընկերությունը անհապաղ դեղատներից ետ է կանչել դեղամիջոցի վարակված խմբքանակը, որոնք ավելի վաղ էին առաքվել, ընկերությունը նաեւ դադարեցրել է Դեպո-Մեդրոլի արտադրությունը: Read more

Դժբախտ դեպք Joshua Tree ազգային արգելոցում

Article Details: Published on Saturday, 06 October 2012 02:54; Written by

josh 4 Joshua Tree ազգային արգելոցի Hall of Horrors ժայռից ընկած եւ մահացած անձի ինքնությունը պարզվել է: Ոստիկանության տվյալներով, մահցածը՝ Քալվեր-Սիթիի 42-ամյա բնակիչ Մոխիկա Անտոնիո Կորոնելն է: Ռիվերսայդ շրջանի քննիչների տվյալներով, Կորոնելը երեկ ընկել էր խորխորատը, երբ փորձում էր բարձրանալ ժայռի վրա: Փրկարարները նրան գտել էին գետնից 50 ոտնաչափ բարձրության վրա գտնվող սալաքարին ընկած: Տուժածին փորձել են վերակենդանացնել, սակայն ապարդյուն:

Դեպքը հետաքննվում է Ռիվերսայդի քննչական բաժնի կողմից, առայժմ մահվան հանգամանքներն ամբողջությամբ չեն պարզվել: Read more

Օբաման Ռամնիին մեղադրում է անազնիվ հաղթանակի մեջ

Article Details: Published on Saturday, 06 October 2012 02:51; Written by

dish 5 Հաղթել է անազնիվ մեթոդներով: Առաջին հեռուստաբանավեճը պարտված Բարաք Օբաման Միթ Ռամնիին մեղադրել է անազնվության մեջ: Նախօրեին հանրապետական թեկնածուն հանդիսատեսների եւ վերլուծաբանների կողմից ճանաչվել էր քննարկման հաղթող: Օբաման հարձակման է անցել եւ Ռամնիին հիշեցրել հարկային կրճատումների մասին իր խոստումների մասին. –Բեմ ելնելով՝ ես տեսա շատ հուսավառված մարդու, ով ներկայացավ որպես Միթ Ռամնի: բայց նա չէր կարող Միթ Ռամնին լինել, քանի որ իսկական Միթ Ռամնին ողջ անցած տարին շրջել է երկրով՝ խոստանալով կրճատել հարկերը 5 միլիարդ դոլարի չափով հօգուտ հարուստների: Իսկ բեմում այդ մարդը հայտարարեց, թե այդ մասին ոչինչ չգիտի,- հեգնել է նախագահ Օբաման: Ռամնիի նախընտրական շտաբում Օբամայի ելույթը գնահատել են որպես պարտությունից խուսափելու փորձ: -Մենք նախագահից չլսեցինք, թե ինչու հաջորդ չորս տարին ավելի լավ կլինի, քան նախորդները, նա այդպես էլ չկարողացավ բացատրել, քանի որ նրա քաղաքականությունը ոչնչով չի տարբերվելու ներկայից,- հակադարձել է Միթ Ռամնին: Չնայած հեռուստաբանավեճում տարած հաղթանակին, հարցումները ցույց են տալիս, որ Ռամնին դեռ ետ է մնում Օբամայից: Հաջորդ դեբեյթը կայանալու է հոկտեմբերի 16-ին: Read more

91 նոր մեղադրյալ Medicare-ի գործով

Article Details: Published on Saturday, 06 October 2012 02:37; Written by

eddd 5 ԱՄՆ արդարադատության նախարարությունը 91 հոգու մեղադրել է խարդախության ճանապարհով բժշկական Medicare ծրագրի շրջանակներում 430 միլիոն դոլար ստանալու մեջ։ Այս մասին հայտարարել է ԱՄՆ գլխավոր դատախազ էրիկ Հոլդերը: Նրա խոսքերով՝ իշխանությունները գտնում են, որ մեղադրյալներից շատերը ոչ միայն խախտել են օրենքը, այլեւ, լինելով բժիշկներ, չեն կատարել իրենց մասնագիտական պարտքը եւ դրժել են տրված երդումը: Մայամիում ձերբակալվել է 33 մարդ, Լոս Անջելեսում՝ 16, Բրուքլինում՝ 15, Դալլասում՝ 14, Բատոն-Ռուժում՝ 4 եւ Չիկագոյում՝ 2 մարդ: Խարդախության արդյունքում հափշտակված ընդհանուր գումարը կազմում է 430 միլիոն դոլար: Այդ գումարն իր մեջ ներառում է ավելի քան 230 միլիոն դոլար՝ տնային բուժսպասարկման, 100 միլիոն դոլար՝ հոգեբանական, 43 միլին դոլար՝ շտապ օգնության տեղափոխման համար: Գլխավոր դատախազի խոսքերով՝ այս պահին կասկածյալների մեծամասնությունը ձերբակալված է: Լոս Անջելեսում ձերբակալված 16 անձինք մեղադրվում են 49 միլիոն դոլար յուրացնելու մեջ: FBI-ի պաշտոնական հաղորդագրության համաձայն, ձերբակալվածների մեջ են Alpha Ambulance Inc ընկերության սեփականատերեր 55-ամյա Ալեքս Կապրին եւ Ալեքսեյ Մուրատովը, իսկ Վեն Նայսի բնակիչ, 36-ամյա Տիգրան Ակլյանը իրեն պատկանող Las Tunas Medical Equipment-ի միջոցով յուրացրել է 900 հազար դոլար գումար: Read more