29 August 2012

Ծխախոտի տուփերի վրա սարսափելի նկարներ չեն լինի

Article Details: Published on Wednesday, 29 August 2012 04:34; Written by

sigaret 4 Վաշինգտոնի վերաքննիչ դատարանը որոշում է կայացրել, որի համաձայն կառավարությունը պետք է հրաժարվի ծխախոտ արտադրող ընկերություններից պահանջել ծխախոտի տուփի վրա ծխախոտի վնասակարությունը փաստող լուանկարներ տեղադրել: Դատարանը կարծում է, որ փորձելով ամերիկացիներին ստիպել հրաժարվել ծխախոտից, կառավարությունը չարաշահում է իր իրավունքները: -Սա զգացմունքներ կամ ամոթ առաջացնելու կամ ծխախոտից սարսափեցնելու անխիղճ փորձեր են,-կարծում է դատավոր Ջենիս Ռոջըր Բրաունը: Բացի այդ , դատավորի կարծիքով, ապացուցված չէ, որ ծխախոտի տուփերի վրա սարսափելի լուսանկարներ տեղադրումը օգնում է ծխողների թվի նվազեցմանը: Այս տարվա սեպտեմբերի 22-ից ԱՄՆ-ի կառավարությունը պատրաստվում էր նոր օրենք շրջանառել, որը կստիպեր ծխախոտի արտադրությամբ զբաղվող ընկերություններին ծխախոտի տուփի վրա ծխելու վնասակարությունը փաստող լուսանկարներ տեղադրել: Read more

Կրակոցներ Մերիլենդի դպրոցում

Article Details: Published on Wednesday, 29 August 2012 04:26; Written by

md 9 Մերիլենդի Բալթիմոր քաղաքում, Փերրի-Հոլլ միջնակարգ դպրոցի աշակերտին ձերբակալել են, երբ նա կրակել է մեկ այլ աշխակերտի վրա: Տուժած աշակերտին տեղափոխել են հիվանդանոց: Նրա առողջական վիճակի մասին դեռ տեղեկություններ չկան, դպրոցի աղբյուրների փոխանցմամբ, տուժածը, ում անունը չի հաղորդվում, հրազենային վնասվածք է ստացել մեջքի հատվածում: Միջադեպի պատճառը եղել է երկու աշակերտների միջեւ ծագած վեճը: Կրակոցներից հետո դեպքի վայր դիպուկահարներ են բերվել: Աշակերտներից մեկին տարել են ձեռնաշղթաները ձեռքին, իսկ դպրոցի անձնակազմին եւ սովորողներին տարհանել են մերձակա առեւտրի կենտրոն: Փերրի-Հոլլ դպրոցում մոտ 2300 աշակերտ է սովորում: Բալթիմոր շրջանի դպրոցական օկրուգի ներկայացուցիչ Դալլըս Դենսը հայտնել է, թե ցնցված էր այդ իրադարձությունից: Նրա խոսքով, սա խաղաղ շրջան է: Նշենք, որ Բալթիմորի դպրոցներում դասերը վերսկսել էին երեկվանից ամառային արձակուրդներից հետո: Read more

Բանտում դատապարտյալ է մահացել

Article Details: Published on Wednesday, 29 August 2012 04:17; Written by

castaic 7 Իրավապահները հետաքննություն են սկսել 22-ամյա դատապարտյալի մահվան կապակցությամբ, որը պահվում էր Քասթայիք շրջանի բանտում: Լոս Անջելես շրջանի շերիֆի գրասենյակից հայտնել են, թե դատապարտյալին ծարահեղ ծանր վիճակում գտել են North County Correctional Facility-ում: Նրան անհապաղ բուժօգնություն է ցուցաբերվել եւ տեղափոխել են հիվանդանոց, սակայն բժիշկներին չի հաջողվել փրկել նրա կյանքը: Ոստիկանության տվյալներով, նրա մարմնի վրա արտաքին բռնության որեւէ հետք չի եղել, ուստի առայժմ վաղ է խոսել դատապարտյալի մահվան մեջ հանցակազմի առկայության մասին: Այլ մանրամասներ, ինչպես նաեւ մահացածի անունը չի հաղորդվում: Read more

Տարհանում պայթուցիկի պատճառով

Article Details: Published on Wednesday, 29 August 2012 04:11; Written by

payt 7 Կեղծ պայթուցիկ սարքը իսկական տարհանման պատճառ է դարձել Լոս Անջելեսում, երբ ոստիկանությունը հայտնել է, թե գտել են այն, երբ որոնում էին հրաձգության մեջ կասկածվող անձին: Ոստիկանները խուզարկություն էին իրականացնում Սանսեթ բուլվարում, եւ տարհանել են հարեւան տները, հաստատություններն ու մերձակայքում գտնվող դպրոցի շենքը: Դեպքի վայր ժամանած սարկավորները պարզել են, որ առարկան իրենից վտանգ չի ներկայացնում եւ կեղծ պայթուցիկ է: Դեպքը տեղի է ունեցել, երբ ոստիկանները տեղեկություն են ստացել, թե անհայտ անձը կրակել է շինարարների խմբի ուղղությամբ: Ոստիկանները ձերբակալել են երեք մարդու, այդ թվում գլխավոր կասկածյալին: Միջադեպի հետեւանքով, բարեբախտաբար ոչ ոք չի տուժել: Կասկածյալի տանը բացի կեղծ պայթուցիկից նաեւ հրազեն է հայտնաբերվել: Ոստիկանությունն առայժմ չի հայտնում ձերբակալվածների անունները: Read more

Հոլիվուդում հարկադիր վայրէջք է կատարել ուղղաթիռը

Article Details: Published on Wednesday, 29 August 2012 04:02; Written by

helico 9 Հոլիվուդում օդում ծխապատվել է KTLA հեռուստաընկերությանը պատկանող ուղղաթիռը, եւ օդաչուն ստիպված են եղել հարկադիր վայրէջք կատարել դատարկ ավտոկայանատեղում: Ուղղաթիռում երկու մարդ է եղել, որոնք միջադեպի հետեւանքով չեն տուժել: Հրշեջ ծառայության փոխանցմամբ, ուղղաթիռից սկսել է ծուխ դուրս գալ յուղի արտահոսքի պատճառով, շարժիչի մեջ կրակ չի բռնկվել: Անսարքությունն առաջինը նկատել է մեկ այլ հեռուստաընկերության ուղղաթիռի օդաչուն, որը նախազգուշացրել է գործընկերներին, այլապես հետեւանքները կարող էին աղետալի լինել: Ծուխն անցել է օդաչուների խցիկ: Օդաչու Թամ Լինը հայտնել է, թե սկզբից պատրաստվում էր անսարք ուղղաթիռը իջեցնել տեղական դպրոցի ֆուտբոլային դաշտում, սակայն տեսնելով դատարկ կայանատեղին, որոշում է կայացրել իջեցնել մեքենան այնտեղ: Բարեբախտաբար ուղղաթիռը փափուկ վայրէջք է կատարել, եւ լուրջ բարդություններ չեն առաջացել, հայտնել է Լոս Անջելեսի հրշեջ գումարտակի հրամանատար Ջեֆֆ Էլդերը: Դեպքի ժամանակ ուղղաթիռը քրեական հետապնդում էր նկարում: Ի դեպ, ուղղաթիռում գտնվող երկրորդ անձի` լուսանկարիչ Ջեֆ Լաաբսի համար սա աշխատանքային երկրորդ օրն է եղել: Read more

Կատակասերին երկու անգամ հարվածել են մայրուղու վրա

Article Details: Published on Wednesday, 29 August 2012 03:52; Written by

katak 5 ԱՄՆ-ի քաղաքացու փորձը` ստիպել հայրենակիցներին հավատալ ձնեմարդու գոյությանը, դժբախտ ավարտ է ունեցել: Տղամարդը մահացել է բրդոտ կամուֆլյաժային հանդերձանքով (ըստ նրա` պետք է որ հենց այդ տեսքն ունենար ձնեմարդը) այն բանից հետո, երբ նրան երկու մեքենա է հարվածել մայրուղու վրա: Դեպքը տեղի է ունեցել Մոնտանա նահանգի Կալիսպել քաղաքում: Ոստիկան Ջիմ Շնայդերն ասել է, որ տղամարդը գնացել է աջակողմյան երթեւեկության հատվածով: Նա ասել է, որ տղամարդուն հարվածած առաջին մեքենայի ղեկին մի 15 տարեկան սոմերսցի աղջիկ է եղել: Մյուս հարվածողը եղել է նույն քաղաքի 17-ամյա մի բնակչուհի: Մահացածը Կալիսպել քաղաքի 44-ամյա բնակիչ Ռենդի Լի Թենլին է եղել: Տարօրինակ արարքի պատճառը ոստիկանները համարել են տղամարդու շատ հարբած լինելը: Read more

Արտակարգ դրություն Լուիզիանայում

Article Details: Published on Wednesday, 29 August 2012 03:38; Written by

arta 9 ԱՄՆ-ի նախագահ Բարաք Օբաման Լուիզիանայի նահանգում արտակարգ դրություն է հայտարարել Այզիկ արեւադարձային փոթորկի մոտենալու պատճառով: Ինչպես հաղորդել է Սպիտակ տունը, ԱՄՆ-ի ազգային անվտանգության նախարարությանը եւ արտակարգ իրավիճակների համերկրային գործակալությանը հանձնարարված Է համակարգել բնակչությանն օգնություն ցույց տալու ջանքերը:

Դա նշանակում է, որ տեղական իշխանություններին համերկրային բյուջեից կհատկացվեն անհրաժեշտ միջոցներ եւ Ազգային գվարդիայի աջակցությունը:

Ըստ օդերեւութաբանների կանխատեսումների՝ այսօր Այզիկը կհասնի մրրիկի ուժի եւ կմոտենա ԱՄՆ-ի հարավային ափին՝ Լուիզիանայի կամ Միսիսիպիի նահանգների շրջանում: Մրրկային նախազգուշացում է արդեն հայտարարված Մեքսիկական ծոցի ամբողջ հյուսիսային ափի համար: Read more

Հանրապետականների համագումարը մեկնարկեց

Article Details: Published on Wednesday, 29 August 2012 03:31; Written by

romneeey 6 Հանրապետական կուսակցության համազգային համագումարն օգոստոսի 27-ին Ֆլորիդայի նահանգի Թամպա քաղաքում բացվել է առանց ավանդական հանդիսությունների: Այս համաժողովի ծրագիրը, համաժողով, որի հիմնական խնդիրն է նոյեմբերին կայանալիք ընտրություններում Մասաչուսեթսի նախկին նահանգապետ Միթ Ռամնիին եւ կոնգրեսական Փոլ Ռայընին պաշտոնապես հաստատել երկրի նախագահի եւ փոխնախագահի թեկնածուներ, լրջորեն սրբագրվել է Այզիկ արեւադարձային փոթորկի պատճառով, որը մոտենում է երկրի հարավին: Համագումարի աշխատանքի առաջին օրվա տեւողությունը կազմել է ընդամենը երկու րոպե: Հանրապետական կուսակցության Ազգային կոմիտեի նախագահ Ռայն Փրիբըսը բացել է միջոցառումը եւ անմիջապես հայտարարել մեկ օրով համագումարի աշխատանքի ընդմիջում: Այդ ժամանակ Թամպա բեյ թայմս ֆորում մարզասրահի տրիբունաների վերեւում, մարզասրահ, որտեղ ընթանում է համագումարը, սկսել են աշխատել երկու էլեկտրոնային ժամացույցներ, որոնք հաշվում են ոչ թե վայրկյաններն ու րոպեները, այլ ԱՄՆ-ի պետական պարտքի չափը: Մեկ լուսատախտակը ցույց է տալիս երկրի պարտքի մշտապես մեծացող ընդհանուր գումարը (ավելի քան 15,9 տրիլիոն դոլար), մյուսը՝ թե որքան այն կաճի համագումարի ընթացքում, որը պետք է ավարտվի օգոստոսի 30-ին: Համագումարի կազմակերպիչների մտահղացմամբ՝ ազգային պարտքի ժամացույցը կոչված է ակնառու կերպով ցույց տալու, որ գործող դեմոկրատ նախագահ Բարաք Օբամայի տնտեսական քաղաքականությունը ձախողված է: Այսօր համաժողովի մասնակիցները ձեռնամուխ եղան Ռամնիի եւ Ռայընի թեկնածությունների քվեարկությանը: Ռամնին ավելի վաղ էր ապահովել անհրաժեշտ պատվիրակների ձայները եւ համագումարի ընթացքում նա պաշտոնապես ընտրվեց որպես նախագահական ընտրություններում հանրապետական կուսակցության թեկնածու: Read more

ԱՄՆ-ում պատժվել են աֆղանցիներին վիրավորած զինվորները

Article Details: Published on Wednesday, 29 August 2012 03:24; Written by

patij 4 Ամերիկացի 9 զինվոր ենթարկվել են վարչական պատասխանատվության` կապված Աֆղանստանում մեծ դժգոհություն առաջացրած երկու միջադեպերի հետ: Այս մասին հայտարարել է ամերիկյան հրամանատարությունը: Այս տարվա հունվարին համացանցում տեսագրություն էր հայտնվել, որում երեւում է, թե ինչպես են երեք զինվորներ միզում սպանված թալիբների մարմինների վրա: Երկրորդ միջադեպը տեղի է ունեցել փետրվարին, երբ զինվորներն այրեցին Ղուրանի 100 օրինակ: Հրամանատարության հայտարարության մեջ չի նշվում, թե ինչպիսի պատիժ է կիրառվել մեղավորների նկատմամբ: Read more

Նախապատրաստվել էին Պետական հեղաշրջման եւ մահափորձի Օբամայի դեմ

Article Details: Published on Wednesday, 29 August 2012 03:19; Written by

here 4 Չորս ամերիկացի զինվորականներ ռազմական հեղաշրջում եւ նախագահի դեմ մահափորձ էին նախապատրաստում: Այդ մասին հայտարարել է Ջորջիա նահանգի դատախազությունը եւ նրա ներկայացուցիչ Իսաբել Փոլին: Դավադիրների մոտ Ֆորտ-Ստյուարտ ռազմաբազայում հայտնաբերել են զենք եւ զինամթերք: Զինամթերքի գնման համար ծախսվել էր 87 հազար դոլար: Փոլիի խոսքերով` հետաքննությունը հաստատել է, որ ձերբակալվածները մտել են Ֆորտ-Ստյուարտում գործող հակակառավարական ծայրահեղական «Ընդմիշտ անմահ, միշտ պատրաստ» խմբավորման մեջ: Նրա ղեկավարը շարքային Այզիք Ագիգին հրամայել է սպանել զորացրված 19-ամյա Մայքլ Ռորկին, որպեսզի նա իշխանություններին չմատնի դավադրության մասին: Ծայրահեղականներն անցած տարվա դեկտեմբերին հաշվեհարդար են տեսել Ռորկի եւ նրա հարսնացուի հետ ռազմաբազայի հարակից անտառում: Դատախազի տվյալներով` դավադիրները մտադիր էին գրավել ռազմաբազայի զինամթերքի պահեստները, պայթեցնել ներքին անվտանգության շենքը եւ Վաշինգտոնի ջրային կառույցները: Դրանից հետո նախատեսվում էր մահափորձ իրականացնել Օբամայի դեմ եւ պետական հեղաշրջում իրականացնել: Մեղադրյալները չեն թաքցնում իրենց բացասական վերաբերմունքը գործող նախագահի դեմ: Read more